وصلتني أسئلة كثيرة عن كيفية التعامل مع الشعر تحت الجلد وجلد الأوزة وطبعا مشكلة الكثيرات الزيوان وحبوب الوجه بعد الفتلة
مشكلات شائعة جدا
موضوعي اليوم أحسه أقرب للتجميل منه إلى موضوع طبي
فيه وصفات وحلول لمشكلات شائعة بالجسم والطريقة المثلى للتعامل مع الجسم والبشرة عموما
الموضوع متجدد بإستمرار عزيزاتي
..
الزيوان
مشكلة الرؤوس السوداء بالأنف مشكلة شائعة جدا .. وظهورها في الأغلب ناتج عن عدم التنظيف الروتيني الجيد للبشرة وخصوصا منطقة الأنف
فبينتج تراكم الأتربة والزيوت في المسامات وبالتالي ظهور الرؤوس السوداء
فأهم شئ في علاج الزيوان هو التنظيف ثم التنظيف ثم التنظيف
والمداومة والإستمرار
وأنا دايما بنصح بإمتلاك فرشة تنظيف الوجة زي دي
منتشرة جدا و موجودة في محلات ذا بودي شوب لازم تكون موجودة عندكم مهمه جدا لتنظيف الوجة خصوصا البشرة الدهنية والمختلطة
استخدامها مع غسل الوجة بأي غسول مناسب للبشرة أو مع أي سكراب وسنفرة للوجة
الغسولات المناسبة للبشرة الدهنية والمختلطة موجودة على الرابط دا (( خصوصا أول غسول من شركة إيزيس فارما تين ديرم .. وغسول كلين أند كلير البنفسجي .. وغسول نيتروجينا))
http://forum.hawaaworld.com/showthread.php?t=3158518
تعملي بيها تدليك خصوصا لمنطقة الأنف لمدة دقيقة للتنظيف العميق
ثم تشطفي وجهك بماء بارد
أما لو هاتعملي ماسك أو سنفرة للوجه فبعد لما تغسلي وجهك يبقى اشطفي وجهك بماء فاتر
علشان تدفي الوجه فيقدر يستفيد بالماسك اللي هاتحطيه
ممكن بالوقت دا تحطي ماسك زي ماسك من كلين أند كلير البنفسجي أو ماسك من نيتروجينا
غسل البشرة بالفرشة والغسول بيكرر يوميا من مره إلى مرتين على حسب دهنية البشرة طبعا
يعني فيه بشرة شديدة الدهنية وبتكون رؤوس سوداء بسرعة فدي ممكن تحتاج مرتين أو 3 مرات يوميا
وهكذا
=-=-=-=
ماسك ممتاز لتقشير وتوحيد وتفتيح لون البشرة
ومناسب لجميع أنواع البشرة
لأن على حسب كل بشرة هاتعجنيه باللي يناسبها
وسهل وبتعمليه بكمية كبيرة وتحفظيه بالثلاجة ومعتمد عندي
شوفان + لوز نيئ + حليب بودرة << بكميات متساوية وتضربيهم بالخلاط علشان يبقى قريب للبودرة شويه
تقدري تعمليه بكمية كبيرة وتحفظيه بالثلاجة علشان يبقى سهل وسريع بالإستخدام
وليكن نصف كوب من كل نوع وتحطيه ببرطمان وبالثلاجة
ووقت الإستخدام تاخدي الكمية اللي هاتحتاجيها للوجه وليكن ملعقة كبيرة
لو البشرة دهنية اخلطيه بماء دافئ ونقاط ليمون
لو البشرة عادية اعجنيه بماء دافئ
بحيث يبقى عجينة متماسكة وتحطيها على بشرتك وهو دافئ لمدة ثلث ساعة
وممكن لما تيجي تغسليه تحطي تبدي تعملي سنفرة للبشرة بفرشة الوجة بحركات دائرية خصوصا عند الأنف
وتشطفي وجهك بماء دافئ ثم بماء بارد
=-=-=-=
من الماسكات المهمه لإزالة الزيوان ولازم المواظبة عليها هو التقشير
قرص أسبرين + نقاط من الماء ونقاط من العسل
مع تدليكه بحركة دائرية خصوصا منطقة الأنف لمدة 3 دقايق
الأسبرين عبارة عن ساليسيلك أسيد ودا مقشر للبشرة وممكن استخدام الأسبرين موضعي مره إلى مرتين أسبوعيا فقط وممكن تكتفي بوضعه على الأنف فقط على حسب حاجة الوجة
وكتير عضوات تكلموا عن الماسك دا هنا بالمنتدى
=-=-=-=
حمام البخار كويس لإزالة الرؤوس السوداء خصوصا لو استخدمتي الآلة دي معاه
موجود زيها في ذا بودي شوب
لكن مشكلة حمام البخار إنه بيفتح المسامات جدا وبيصعب غلقها بعدها
فبتلاقي نتيجة كويسه جدا بعد حمام البخار مباشرة
لكن بعدها نفس الشئ بترجع تتكون تاني
=-=-=-=
طبعا بعد كل دا عايزين نسكر المسامات شويه علشان ماتتجمعش فيها الزيوت والأتربة تاني
ممكن بالتونر من أي ماركة ترتاحيلها
أو ممكن بالليمون عصير ليمون وعصير برتقال بقطنة وامسحي بيها بشرتك لمدة ربع ساعة واشطفيها بماء بارد دايما
وخصوصا منطقة الأنف علشان يسكر المسامات وعلشان كمان يذيب الدهون
ممكن تكتفي بالروتين دا لمنطقة الأنف فقط لو بشرتك مختلطة
وماننساش لصقات الأنف لإزالة الرؤوس السوداء
=-=-=
فيه نقطة مهمه كمان لتنظيف الأنف
وهي تنظيف الأنف من الشعر الصغير علشان يبان نظافة الأنف
ممكن بالخيط
وممكن ببودرة التشقير
=-=-=
الحاجات دي لو داومتي عليها هتلاقي بشرتك نظيفة وبتلمع
المداومة على تنظيف البشرة بالفرشة والغسول المناسب وماسك البشرة وتنظيف الوجة سواء بالخيط أو ببودرة التشقير
=-=-=-=
فيه عضوات كتير سالوني على الحبوب اللي بتظهر بعد حف الوجة بالفتلة
قبل حف الوجة بيوم تحطي من كريم فيوسيكورت مرتين باليوم FUCICORT CREAM
وبعد الحف بالخيط تشطفيه بماء بارد كل شويه ويفضل ماء وعصير ليمون
وتحطي من كريم فيوسيكورت مرتين باليوم لمدة يومين فقط بعدها
=-=-=-=
يتبـــع
أسئلة كثيرة برضه جاءت لي بخصوص توحيد لون الجسم وتوحيد ملمس الجلد والشكوى المستمرة من ظهور الشعر تحت الجلد والشكوى من جلد الفرخة نتيجة عدم قدرة الشعرة على الخروج برا الجلد
بتظهر أكتر شئ في جانبي الساق والفخذين
ولازم نفرقها عن مشكلة جلد الوزة ودي مالهاش علاقة بالشعر
مشكلة ظهور الشعر تحت الجلد
الحل الأمثل ليها هو الليزر لأن دي بتكون طبيعة الشعرة إنها بتنمو غلط فحلها هو الليزر
لكن بما إن الليزر غالي فدا مايمنعش من استخدام حلول أخرى موضعيه وبتعطي نتيجة جيدة جدا بإذن الله زي
العلاج بيختصر في التقشير والترطيب
لازم المداومة على التالي
1- السنفرة الجافة للجلد خصوصا في وقت ظهور الشعر
بفرشة الجسم .. دي من ذا بودي شوب
دي تعملي بيها سنفرة للساقين والفخذين من أسفل لأعلى على الجاف يعني بدون كريم بدون ماء بدون شاور جيل يوميا
وبعدها تاخدي الشاور بتاعك عادي
والسنفرة دي تكرريها يوميا
ممتازة بتنشط الدورة الدموية بالجلد وبتزيل الجلد الميت وبتخلي الشعر يطلع براحته وينمو بطريقة صحيحة وبتقلل من ظهور السيلولايت
ودي ترجمة لطريقة الإستخدام من موقع ذا بودي شوب لقيتها مترجمة بأحد المواقع وأنا بدور على الصورة من جوجل
2- الإستحمام بإستخدام اللوف الخشن العادي أو جوانتي الإستحمام الخشن<< موجود برضه في ذا بودي شوب
خصوصا وقت ظهور الشعر
3- الترطيب المستمر .. الترطيب المستمر .. الترطيب المستمر الكثيف
ويفضل بلوشن فازلين البنفسجي بالريتينول المجدد
أو
كريم كالميوريد
أو
عمل خلطة ليلية فقط ترطبي بيها المنطقة اللي بتشتكي فيها من الشعر تحت الجلد وظهور حبوب بالجلد زي جلد الوزة
لوشن فازلين البنفسجي بالريتينول + كريم بيبانثين + كريم أكريتين 0.025%
يخلطوا جميعا جيدا ويحفظوا في علبة لوشن فازلين ويغلق جيدا جدا
ويستخدم مره ليلا فقط 3 مرات بالأسبوع فقط يعني يوم اه ويوم لاء على الأماكن اللي الشعر بينمو فيها بالغلط فقط
أما باقي اليوم فلازم لازم ترطيب مكثف للجلد بأي مرطب كريم ثقيل آخر زي كريم جليسوليد الأحمر مرتين أو 3 مرات باليوم
=-=-=-=
في بعض الحالات الشديدة بستخدم معها مرهم إليكاسال ليقشر الجلد ويخفف الحكة المصاحبة لمدة أسبوعين فقط مرتين باليوم
لكن مش بجميع الحالات إلا الشديدة فقط ELICASAL OINTMENT
=-=-=-=
الموضوع متجدد كل فترة بإذن الله
تمت اضافة وصفة السيروم هنا #125