والصلاة والسلام على أشرف الأنبياء والرسل سيدنا محمد وعلى آله وصحبه أجمعين
حبيت أقدم هالموضوع لأحلى خوات في الدنيا .. لكن ياأخواتي في عالم حواء
وهذي النصائح هي من واقع تجربتي الشخصية في السفر لماليزيا ..
في البدايه ..أتمنى أن يكون هذا الموضوع من باب ..محبة الخير للغير
لأنها أمور فعلاً تمنيت احد وجهني لها أو نصحني فيها قبل لا أسافر ...
أول وأهم شي ...
انصحك اختي بالتمسك بحجابك الشرعي ..ولاتتوقعين انك بسفرك قد ابتعدتي عن أنظار الله ..
فأبسط شكر يمكن ان تقدمينه لله الذي يسر لك هذه الرحله ..ان تطيعيه بحجابك ..ولا تنسي ان الدوله اسلاميه
ووالله ثم والله ثم والله ان الشعب هناك لايعرف الفرق بين عبائة الرأس والكتف فكلها سوااااء عندهم
ولا تتوقعي ان عبائة الكتف أسهل أو عمليه ..لاااااااااااا والله كلهم سواااااء
ولا تنسين اذكارك ووردك اليومي حتى يحميك الله من كل شر و أوصيك بأدعية السفر و التعوذ بالله من جميع الشرور
الأمر الثاني ...
عند ترتيبك للشنط حاولي قدر الامكان ان تأخذي الملابس الخفيفة العمليه مثلاً توبات ..تي شيرتات ..خفييفه
وحااااولي انك تاخذي معك اكثر من بنطلون ولااااااااااااااااااااااااااااازم يكون البنطلون بجيووووب <<لأنك في بعض
الأماكن راح تتركين الشنطة ... وفي بعض الأماكن يكون خطر عليك حمل الشنطه لانها تكون عرضه للسرقه مثل
السوق الصيني ..
الامر الثالث..
انصحك اختي انك تاخذي معك جزمة رياضيه مريييييحه
+شرابات قطن مريحة+ صندل خفيف مفتوح من الأمام
أو أي جزمة خفيفه تتحمل المشي مسافااااااااااااااااات طويله بدون اجهاد للقدم
الأمر الرابع ..
وهذا أهم شيييييييييييي...
لا تنسين الأدوية الخاصه فيك ..
وهذي أهم الأدوية الي انصح بأخذها معك
*بنادول
*مضاد ((لانهم يحظرون بيعه في ماليزيا بدون وصفه طبيه ))
*دواء لمغص البطن مثل سكوبينال
*لزق جروح
*معقم اليدين من شركة ديتول <<<هذا مهم جداً في ظل ظروف انفلونزا الخنازير
الامر الخامس ..
اختي المسافرة لماليزيا ..انصحك من كل قلبي ..لاتكثرين عفش معك وانتي رايحه من السعودية ..
لاني عارفتكم ..مثلي ...رحت هناك وصرت كأني مفجوعه خخخخخخخخ ماخليت شي ماشريته
وتعرفون وش صار ؟؟؟؟؟؟؟؟؟
شحن زاااااايد
وللمعلوميه الشحن الزايد في ماليزيا يحسب كل كيلو زيادة ب100 رنقت
فإذا كنت راح تشترين وتعرفين نفسك ..لاتكثرين اغراض معك وانتي رايحه
الامر السادس ..
اذا كنتي او زوجك ماتعرفون اللغة الانجليزيه ..خذوا معكم مترجم ناطق ..او دكشنري
لانكم راح تحتاجونه
الامر السابع ...
حاولوا تعرفون المناطق الي راح تزورونها قبل ماتسافرون ...يعني بالعربي ..خططوا للرحلة مضبووووووط
وجهزوا حجوزاتكم الداخليه في ماليزيا من بدري حتى ماتدخلون في مشاكل تخرب عليكم روحتكم
الامر الثامن ...
في ماليزيا قمة الاستغلاااااااااااااااال للخليجيين
والسواقين هناك جشعين لأبعد درجه ممكن الواحد يتصورها ....
فنصيحتي لكم لا تخلوهم يلعبون عليكم ..والله بعض الاحيان يركبون الماليزيين بالسنتات واحنا اذا سألناهم عن مشوار قريب ماياخذ 5 دقايق قالوا 30 رنقت !!!
قمة الجشع بصراحة
فإذا قالوا لكم 30 ..قولوا ب5 ..وبهالطريقه راح تركبون ب10 ....
هههههههههههههههههههههههه والله ما اكذب عليكم هذا الوضع في ماليزيا
الامر التاسع ....
نصيحه لكم ياخواتي انك اول ماتوصلين هناك على طول تروحين السوبر ماركت وتشترين لك علبة صابون
تايد او غيره ..عارفه ليش ؟؟؟
حتى تقدرين تغسلين الاشياء البسيطه لك ولزوجك ..ولا تحتاجين الفندق
انا بصراحه سويت هالطريقه وارتحت ..لاننا طولنا شوي هناك احتجت اغسل نعض الاشياء الي ما ابي الفندق يشوفونها ......<<<فهمتوا ؟؟
الامر العاشر والمهم ....
خواتي ..والله لو ما احبكم واخاف عليكم مانصحتكم بهالشي ..
احذروا احذروا احذروا البقاء في الشوارع او خارج الفندق بعد الساعه 10 ليلاً
لان الدوله رسمياًً تقفل جميع مرفقاتها 10 ليلاًً
فبالتالي من الي يفتح ؟؟؟ اكيد المراقص واماكن الخمور والبارات ...اعاذنا الله واياكن
والله اني تعرضت لمحاولة قتل انا وزوجي من واحد كان سكران ..لكن كان الخطأمننا احنا لاننا كنا نتمشى في الشوارع والساعه حوالي 1 في الليل ..
وهذي بعض النقاط المجملة ..ولاتقل أهميه عن السابقه..
*لا تنسين سجادة الجيب+ مصحفك ..حتى لاتكوني هاجرة للقرآن
*حاولي انك تاخذين معك بعض الكتيبات التعريفيه بالإسلام حتى تتركي بصمتك في هذا المكان البعيييييييييد
*احرصي على الأمور المهمة كالجوازات والتذاكر والاوراق الرسمية في شنطة يدك الخاصه
ولاتنسي المسكن((كالبنادول)) في الطائرة
*لاتنسي تعبأة النموذج الرسمي الذي سيوزع عليكم في الطائرة والاحتفاظ بجزء المغادرة ..((سيطلب في المطار عند الخروج من ماليزيا))
*عند التنقل بالتاكسي لاتعتمدوا على العداد بل احرصوا على الاتفاق قبل الركوب معه
*سعر الساعه مع التاكسي في ماليزيا يتراوح مابين 15 الى 30 رنقت
واجرة اليوم الكامل (8 ساعات )حوالي 200 رنقت
لاتنسوا ان يكون الاتفاق السابق شامل للضرائب واجرة المواقف علشان مايحسبها زياده عليكم
****احرصي اختي اشد الحرص على اخذ الكاميرا معك والافضل ان تكون عالية الجوده +بطاريه اضافيه +ذاكرة تخزين ***
عند الدخول إلى ماليزيا حاولي شراء بطاقة اتصال ماليزيه من المحلات المعروفه وليس من الباعة المتجولين
لانها ارخص من التجوال الدولي السعودي
سعر الشريحه الماليزيه حوالي 8 رنقت اذا شحنتها ب100 رنقت
وانصح بشركة سيليكوم
هذي اهم الاشياء الي حبيت انقلها لكم ...
وهوكلام خرج من قلبي اتمنى يوصل قلوبكم يا احلى واطهر قلوب في الدنيا ...
وان اصبت فمن الله وان اخطأت فمن نفسي والشيطان
انتظر تعليقاتكم ..والي عندها اي سؤال أنا حاااااضره
مع تمنياتي لكن بصيف منتعششششششششش بذكر الله