السلام عليكم ورحمة الله وبركاته
صباحكم ومسائكم رضاء من رب العباد:26:
هذا موضوع منقوووول من عضوة اسمها راء استفدت من الموضوع كثيييييير وحبيت افيدكم معي الله يجزاها الف خير ويكتب لها الاجر مثل ماافادتنا:)
تنويه :الموضوع طويل ( نصيحتي لكم تعالوا له بوقت رايق واقروه على راحتكم )
قبل افتح الموضوع بقولكم ليه انا مهتمة بالقراءة والإطلاع على جوانب الحياة الزوجيه مع اني( سنقل ) ابلغ من العمر 21 سنه
قدمت ندوه ( كيف تبنين حياتك الزوجيه ) بعد حرب مع مشرفة الدورات والندوات بالجامعة الي رفضت وبشده اني اقدم الندوه بحكم إني غير مختصه بهالمجال ولكن بعد طرح النص وإلحاحي الشديد وافقت .
اكثر شيء شدني بالقراءة عن هالشيء ( القصص الي سمعتها من البنات المتزوجات الي حولي )
انا قلت يمكن عائلتنا فيها بلا ! ولكن لما خالطت بنات متزوجات بالجامعة وسمعت القصص المخيفه عن الزواج جزمت ان المشكله مشكلة مجتمع بأكمله !
ما حبيت إني اعيش المعاناة الي يعيشونها البنات قدامي , حتى علاقة والدي بوالدتي مع انها مستقره نوعا ما لكن مو هي الحياة الزوجية الي اطمح لها بالمستقبل مع زوجي .
التوفيق من الله وأحسن شيء أن يقال "اسعَ يا عبدي وتوكل علي أبارك سعيك"
لذا اسعوا لبناء حياتكم بشكل صحيح من البداية ووضع حجر أساس قوي عشان يتحمل الأشياء الي تنبني فوقه من غير ما ينهد أو يطيح !
لا تجين بعد سنين من الزواج تتبعين هالخطوات لأن احتمال كبير تفشل لأن خلاص مثل ما قلت لكم الأساسا كان غلط فأبدي حياتك بهالأشياء وعودي نفسك وزوجك عليها من البدايه وراح تعيشين حياه سعيده بأذن الله
- أول شيء بداية بالخطبة والملكة :
في بداية الحياة أنا افضل ان الشخص يكون حذر جدا بتصرفاته لين يفهم شخصية شريكه وكمان عشان ما ينصدم بردة الفعل الي ممكن راح تجيه على بعض تصرفاته.
ما أقول تصنعوا , يعني الي عصبي يقول انا مو عصبي ويكذب لا , بس لا يظهر صفاته لين يفهم الي قدامه ويفهم هالشخص يحب هالصفه اوكي بكثر منها , ما يحب هالصفه اذا انا بحاول اقلل منها قدر المستطاع , غلط نندفع مره وحده على طبيعتنا لأن هالشيء ممكن يعطي انطباع خاطئ صعب نمحيه وأول انطباع تأخذونه عن بعض بيثبت بعقولكم .
- بعد الزواج / أول شيء و اهم شيء ( عش الزوجيه ) الي هو البيت المستقل :
نصيحه للمقبلين على الزواج السكن مع الأهل أكبر غلط في بداية حياتكم , لو كان للرجل عادات خاطئة ونوى أنه بعد الزواج يصححها ويفتح صفحة جديده ما راح يقدر أذا كان جالس ببيت أهله لأن بيضلون يقولون له أنت كنت تسوي كذا وكذا وممكن يقولون أمام الزوجه شيء من صفاته هو ماوده أن زوجته تدري عنه ! وطبعا الزوج بيمل ويرجع للعادات نفسها وكمان عشان ما يطلع أمام أهله بصورة ( الخروف عند زوجته ) + أن الزوجه ماراح تاخذ حريتها الكامله وتحس أنها متزوجه فعلا اذا كانت ببيت أهله فهي تعتبر ضيفه عندهم لا أكثر , ما تقدر تتصرف بالبيت ما تقدر تلبس وتتحرك ببيتها براحه , هذا غير ان وجودها معهم بالبيت يلزمها أنها تقضي هي وياه وقت طويل مع أهله وهم يحتاجون هالوقت لأنفسهم لأن لسى ما تعرفوا على بعض زي الناس !!
- افهمي زوجك عشان تقدرين تتعالمين معه :
مثلا اذاكان زوجك من النوع العصبي ما ينفع ابدا وهو معلي صوته ويهاوش تعلين صوتك وتهاوشين وتقلبون البيت حرب داحس والغبراء .
خليه يتكلم يتكلم لين يخلص وانتي خليك ساكته لين هو يخلص وكعادة الرجال لما يخلص الكلام الي يغث بيطلع اما برا البيت او يجلس بالصاله انتي بهالوقت انتظري لين تحسينه راق سوي له شاهي او عصير أي شيء يحبه وروحي قدميه له وابدي بكل هدوء النقاش والتفاهم .
مثال :تقولين مثلا أهون عليك تقول لي هالكلام عاد تصدق شكلك حلو وانت معصب بس الحين وانتمروق شكلك أحلى , مره ثانيه خليك هادي ونتفاهم ولا تدخل الشيطان بيننا , لو كانقلبه حجر بيلين مع التعامل الطيب والكلام الطيب وبيستسلم .
( تنبيه: اصلا لما تعلين صوتك وتقلبين قدامه ابو الشباب بيحس الي قدامه مو انثى بيقول هذي وحش مفترس ! وماراح يحس بأنوثتك ) عزيزتي الزوجه : حاولي يكون صوتك واطي حتى لماتجين تهاوشين عيالك ماله داعي تكوفلين الولد وتصكينه كف قدام ابوه بيقول وش ذي الرجال الي متزوجها حاولي دائما تحسسينه انك انثى رقيقه وناعمه .
- لاتتشاركون مع بعض بالأمور الماديه :
صدقوني هالشيء دمر بيوت شيء خطير , مثلا : يجي الزوج يقول لزوجته سلفيني مبلغ وقدره غلط والف غلط إنها تسلفه لأن بكره لو تحصل أي مشكله بسيطه حتى لو بشيء ما يتعلق بالأمور الماديه , بتقول جيب الفلوس حقتي كنوع من الضغط عليه وهو ما راح يكون مستعد للتسديد يقوم يماطل فيها أو يرفض يرجعه فتقوم الزوجه تقوله انت سارق حقي ويصير بين الزوجين حساسيات وعدم ثقه وجرح صعب ينساه الزوج أو الزوجه , عزيزتي الزوجه : تأكدي زوجك يقدر يدبر عمره ويروح لأي أحد يسلفه غيرك ! حاولي قدر الإمكان يكون زوجك ما يدري عن وضعك المادي وكم عندك وكم ما عندك عشان ما يتحسس من رفضك إذا قلتي : ماعندي ! ( فأرجوكم لا تخلون وصخ الدنيا يوصخ حياتكم )
- الطبخ و نظافة البيت و الأهتمام بالزوج :
عزيزتي الزوجه : زوجك ما أخذك خدامه له تطبخين وتنظفين البيت وبس لأنه يقدر يجلس ببيتأهله و أمه تطبخ له وتنظف ملابسه , حسسيه أن أنتي غير بكل شيء تقدمينه خليه يقول يالله وش جاب الجنه بالأرض , لما يقوم الصباح رايح لعمله قومي معه سوي له فطور (لا تقولين يالله نايمه وبعز نومي أقوم لأن بيجي يوم من الأيام يجونك عيال وغصب عنكتقومين وتقومينهم للمدارس )
أذا كان زوجك من النوع الي ما يفضل الفطور البيت أو يقوم مستعجل اكيد بيلبس عندك بالغرفه وبتحسين فيه قبل لا يطلع قولي له كلمه حلوه لو كنتي منسدحه بالسرير قولي الله يحفظك , ودعتك الله , انتبه لنفسك أي شيء يفتح نفسه ترا الكلمه الطيبه لها اثر ,ممكن ترسلين له مسج كلام حلو وهو بالدوام اكيد لو قراه بيستانس ويحس بأهتمامك ,قومي نظفي بيتك عطري بيتك وبخريه اطبخي الغدا اول ما يرجع ابتسمي بوجهه ( ترا قسم الابتسامة صدقه ) وضميه قولي له يعطيك العافيه , لو كان فيه شيء بيده شيليه , حطي الغداء واجلسي معه مو تخلينه يقابل الجدار ياكل الحاله بحجة انك جعتي يوم تاخر قمتي اكلتي وخليتيه !!
دلعي زوجك مثلا يوم شفتيه طالع من الحمام جيبي لوشن ريحته منعشه ودهني له جسمه.
- لاتتركين غرفة نومك وقت الزعل :
بعض الحريم لا تهاوشت مع زوجها تروح تنام بغرفة العيال وتترك زوجها ينام الحاله , اكبرغلط لأن أغلب المشاكل تنتهي وتنحل بين الزوجين عن طريق الممارسه الجنسيه فيه رجال كذا طريقتهم بالتعبير عن الاعتذار ( افهمي أن تركيبة الذكر غير تركيبة الأنثى همما يفكرون مثلنا أغلبهم ما يحبون يعبرون بالكلام يحبون يعبرون بالأفعال ) وبالعكس في غرفة النوم وبعد ممارسة الجنس تتنفذ اغلب مطالب المرأه .
- وقت النوم :
نومي زوجك بحضنك عوديه والله اعرف وحده زوجها ما يقدر يحط راسه على المخده بدون ما تكون هي جنبه تقول انومه وارجع لعيالي .
- الجنس عالم آخر داخل حياتك الزوجيه :
عزيزي الزوج : لازم ببداية حياتك تنتبه لنقطة أن هالبنت طلعت من مجتمع وبيت محافظ ما راح تجيك بيوم وليله تفك الحيا وتتجاوب معك , لازم تتحمل لين شوي تتعود وتتقبل الفكرهوكمان لازم يفهم الطرفين ان العمليه هذي تشارك مثل ما الرجل يبوس كل نقطه بجسمك ويثيرك انتي كمان مفروض تبوسين كل نقطه بجسمه وتثيرينه لو طلب منك وضعيه ماتحبينها اضغطي على نفسك وسويها مو عشانه بس عشانكم الأثنين عشان ما يخرب جوكم وبعدما تخلصون قولي له بهدوء انا ما احب هالشيء لكن تنغصين الجوء وبنص الممارسه تعارضين وتزعلين غلط !
راح يكون للموضوع جزء ثاني أن شاء الله راح اكمل النقاط واذكر اراء البنات في الندوه والنقاشات الي دارت بيني وبينهم ..
دعواتكم لها ولي وللجميع بالزوج الصالح التقي وحياة سعيده
سماااره @smaaarh_1
عضوة نشيطة
يلزم عليك تسجيل الدخول أولًا لكتابة تعليق.
سماااره
•
عزيزتي الحديث القدسي اللي كتبتيه غير صحيح وما ذُكر أصلاً .. وانا لسى ما قريت الموضوع قلت بعلق ع الحديث واكمل الموضوع ..عزيزتي الحديث القدسي اللي كتبتيه غير صحيح وما ذُكر أصلاً .. وانا لسى ما قريت الموضوع قلت بعلق ع...
مشكوره حبيبتي عالتوضيح جزاك الله خير راح اعدله
وشكرا عالمرور
وشكرا عالمرور
سماااره
•
مشكوووووووووووة واهم نقطة بعد تجربة البيت المستقلمشكوووووووووووة واهم نقطة بعد تجربة البيت المستقل
نورتي قلبي :26:
الصفحة الأخيرة
وانا لسى ما قريت الموضوع قلت بعلق ع الحديث واكمل الموضوع ..