نصايحكم بتودي البنات في داهيه

توني قبل شوي يالسه اقرا موضوع في منتدى ثاني مختلط (مش عضوه فيه بس اقرا بعض المواضيع) المهم واحد يشتكي انه خطيبته عمرها 20 سنه ويحس لما يكلمها كانه عمرها 7 سنين اول شي من ناحية الصوت تتكلم كطفله ولما يتناقش وياها يحس كانه يتناقش مع طفله يعني اجاباتها تكون غير منطقيه من ناحية عمرها ،،، واحد من الاعضاء سأله يعني كيف ،،، لما تسألها شو هواياتج تقولك العب النطاطيه قاله بالضبط مثل هالاسلوب يعني تفهمه ان هي طفله

وهو خلاص مب قادر يستمر معاها رغم انه حذرها بانه اسلوبها مب عاجبنه بس استمرت

انا تذكرت منتدى حواء وكم المواضيع المضحكه بالنسبه حقي والنصايح الغريبه بانه الوحده لازم تكون طفله وصوتها طفولي وتتصرف مثل الاطفال وانه الرجال يعجبهم

طبعا بالنسبه حق وحده مثلي هالاشياء مضحكه وما تتصدق بس بالنسبه حق وحده جاهله او صغيره في السن او وحده يائسه مب عارفه كيف تجذب زوجها ممكن تاخذ الكلام بحذافيره مثل البنت اللي فوق طبعا ما اعذرها لانه المفروض الوحده عندها مخ تفكر في اللي تقراه مب بس تطبق وخلاص

يعني ما ادري كيف تريدون الريال ما يعصب لما يشوف وحده تستهبل على ابو انها تدلع (فاهمين الدلع غلط صراحه)

ما ادري شو اقول بس احس وايدات يكتبن مواضيع وهن مش مؤهلات انهن يعطن نصائح والمصيبه لو وحده جاهله طبقت نصايحهم