نصايحكم بنات بتجيني عامله جديدة

بكم استقدامها اختي تكاليف تاشيره وكل شي كم كلفت؟؟
رايي انك تعطينها الثقه طالما ماشفتي شي يستحق تفتيش وهي عندك باي وقت فتشيها عادي

شوفي اولا الله يعطيك خيرها ويكفيك شرها
من تجي عطيها راحه تاكل وتنام ..ثاني يوم خليها تفتح الشنطه قدامك وتاخذ اللي تبغى
وتقفلينها بمفتاح ..وترفعينها عندك ..قولي اعطيك اياها وقت تسافرين
لكن يكون جهزتي لها لبس يونيفورم ..ولبس مريح للنوم بجايم او قمصان ..وغيارات ..فوطه ..شامبو ..فازلين ..فرشاة معجون ..فوط صحيه
وتعطينها الأغراض ..اذا طلعت أدوية من شنطتها ..وقالت علاج ..قولي اي وقت تمرضين بتروحين مستشفى ..هذا ممنوع
تخافين من الأدوية اللي معهن ..المخاليط الشعبية
والبودرات ..تقولك دوا لي ممكن يكون له استخدامات ثانيه
المهم بالتعامل الجدية والنظام ..واوقات راحه
وفهميها لو عندك ضيوف او تطلعون ان ممكن اوقات النوم تختلف
لاتعطينها وجه بالسوالف ..لااااااااتمون ..لكن تشترين وجبات لازم تعطينها
اول مره تشترين لها من فلوسك اقصد أغراض الصيدلية وماإلى ذلك بعدين من حسابها

انصحك تحسني اليها ولاتحرميها شي من حقوقها كالأكل والنوم
احتسبي فيها الأجر من اكل وشرب ومستلزمات
انا ضد الاخت اللي قالت خذي لها اول مرة وبعدها هي تأخذ لنفسها
هي جايه للغربه والشغل من اجل لقمة العيش
مراح تخسري شي اذا تصدقتي عليها باللي تحتاجه ولك الأجر
وممكن يثمر فيها وتكون من احسن مايكون

اول شيء اطلبي ربك ان دخولها عليكم خير
اول ماتجي تجلس طبعا ترتاح
وتاكل اكل اقلها فاكهه لو ماتدرون وش تاكل
الشنطه تفتحينها احس لازم مو شرط تاخذين الي فيها بس احتياط لو معها شيء
اذا خايفه جيبي وحده تفتحها لك
تكونين مشتريه لها اغراض اساسيه
فرشه معجون مشط فرشه مناشف فازلين كريم مزيل عرق عطر خفيف جدا بودره حتى لو مجموعه جسم بدون رائحه للنظافه ادوات حلاقه . فوط صحيه . شامبو . صابون جسم ويد
يعني ادوات النظافه .
مفرش غيار
شبشب والجزم والعبايه والملابس الداخليه والخارجيه اذا جات من بكرا روحي معها واشتري لها كم قطعه بسيطه لان ماتدرين تستمر او لا اذا استمرت ارجعي اشتري لها
عوديها على نظامكم تنام قبلكم وتقوم قبلكم
الجوال فقط وقت يتحدد لها اذا خلصت شغل فقط اذا معها جوال
بعدين النظافه عوديها شوي شوي كيف تمسح تكنس وترتب
اذا تبغى اكل تاكل لاتنتظركم
تقليل الكلام معها افضل حل . الزوج ماله دخل فيها .
اذا فيه الزوج ماتتمشى بالبيت
الاطفال لايتدخلون معها اريح لها
عوديها مثل ماتبغين من البدايه
واهم شيء حطي وقت ترتاح فيها غير وقت النوم نص ساعه مثلا
واذا مريضه ودوها مستشفى
واذا طلعتوا تطلع معكم
لان فيه ناس هي تجيب ادوات النظافه واللبس والمستشفى هي تدفعه والاكل بعضه
حرام والله
هذا غير الكرف كرف ٢٤ ساعه تشتغل ماتوقف ونوم متااخر وياويلها ان قامت متااخره ولاتطلع ولاتاكل
وياكلون ويطلبون من برا وهي مايعطونها
ولاهديه ولا لبس لو شي رخيص مايمنع
وبس الله يوفقك معها .

ممكن تفتشينها بس ترفعينها لا ممكن فيه أشياء تحتاجها وماترتاح الا نشطتها وأغراضها عندها و أتوقع هي من المكتب مفتشة وبيتك كل مره تبدأ في الغرف اللي تحتاجونها اما اللي ماتحتاجوها و ماتجلسون فيها كثير خليها مره بالأسبوع او أسبوعين لو الغرف مره كثيره وعادي خليها تشوفها مغبره وتنظفها في الوقت اللي تشوفينة مناسب اجل ليش جايبيتها عشان تنظف