الميك أب بالنسبه لي أنا من أول ما دخلت الغرفه مسحته ههههه
لأنه ما كان عاجبني
و يصراحه شكلي احلا بكثييير من الميك أب لأنه كان مطلعني بشعععععه
علشان كذا الوحده لازم تسوي بروفه للمكياج قبل العرس عشان ما تتورط هههههههه
المهم مسحته و حطيت شوي كونسيلر خفيف و بسرعه على وجهي و كحل و بلاشر و روج و حددت حواجبي
و إرتحت
طبعا هذا كله بالحمام مو قدام أبو الشباب .

يعني المفروض الوحده ما تطول بالميك أب لأن البشره راح تتعب.

اولا الله يوفق كل عروس وكل متزوجة بحياتها
ثانيا انتي سئلتي عن الحلاوة وحمام مغربي وتشقير
بقولك انا وش سويت وتقريبا الكل يسوي كذا
سويت حمام مغربي قبل زواجي ب 3 ايام بعدين شلت جسمي كلة بحلاؤة وقبل الزؤاج بيوم شقرت حواجبي
وسويت نقش (حنا) إذا كنتي حابة تسووينة..

وباالنسبة للنفسية ابد لاتشيلين هم ولا يضيق صدرك استانسسسسسسي وعيشي شهر العسل ولاتنكدين على نفسك

والميك اب جلست شؤي بعدين لبست قميص اول يؤم بعدين تعشينا ويوم خلصنا مسحتة وغسلت وجهي وفكيت شعري ونمت
ولما صحيت تروشت .. خخخخخخخ

فيه النصائح كثيره

لكن فيه نصيحه يمكن تواجهه اي عروسه

قبل الزواج بشهرين حاولي تشيلي وجهك بالشمع شوفي هو يتحسس وجهك منه
لاني بحياتي ماشلت الاقبل زواجي باسبوع وتعالي شوفي وجهي كله حبوب واحمر وحتى المكياج بالقوه يضبط مع ان وجهي صافي قبل مافيه اي حبوب

وكمان فيه نصيحه حطيها حلق في اذنك ومن اخت لاختها
السوالف الي مالها داعي لاتكلمين فيها قدام زوجك مثل فلان راح وفلانه سوت وفلان جابت ابدا ماكان تعرفين احد بالدنيا الا زوجك وبيتك وان شاء الله عيالك
الرجال مايحب الثرثره ونقالت الكلام والي تضحك بالناس والي تغتاب (حتى ماتطحين من عينه )حتى اهلك لاتكلمين كثير عنهم سواء مداح او ذم خليك بنفسك وبس
اهم شي تكونين اجابيه بكل شي يعني متفأله
والله باهله خاصة اميمته خليك كانك بنتها وابعدي كل البعد عن الغيره منا لانه ماهما يكون امه ولو يضحي بالدنيا كلها ماله غنا عنها
واهم شي خليك فرفوشه وابتعدي عن كل الي يضايقه

اولا الله يوفقك يارب و يسعدك ويهنيك و يجمعكم على الخير دايما و يبعد عنكم كل حاسد و عاذل وكل شر قولي امين




ثانيا / النصائح :

- حبوب منع حمل لااااااااا والف لا نهائيا لا تفكرين فيها ...

اذا انتي وزوجك متفقين من الحين انو ماتبون عيال من بدري .. خليه يستخدم موانع ثانيه << فاهمتني ..

لان الحبوب للبنت قبل ما تجيب اول بيبي ممكن تسبب عقم لا سمح الله ..

وانتي تشوفين بعينك ... حريم عندهم عيال و يستخدمون هالحبوب بعضهم تسوي لها مناعه سنه !!!

فما بالك بـ بنت !!!!!




- بالنسبه لصبغ الشعر .. اذا بتصبغين او تقصين خليه قبل الزواج بأسبوع عشان تخف حدة اللون و تتعودين على نفسك بالصبغه الجديده ..

بس نصيحه .. لا تصبغين خلي شعرك على طبيعته اولا عشان ما يخرب و يخشن وينشف ..

ثانيا لانو ان شاء الله ممكن تحملين على طول .. تخيلي نفسك عروس والصبغه نازله لنص الشعر لانك مو قادره تصبغين مع الحمل !!!

فـ اجليها لين تجيبين اول بيبي و تغيرين اللوك كامل ..


- الحلاوه قبل الزواج بيومين .... حمام المغربي قبل الزواج بليله .. يعني الليله تسوينه وبكرا الزواج ..

تشقير الحواجب قبل الزواج بيومين ثلاثه .. الا اذا كنتي ضامنه اللي تشقرك و عارفه تشقيرها كويس !! خليه ليلة الزواج .. حتى ياخذ معك فتره اطول ...


- خلطات و حوسه نصيحه لا .. لا تحوسين نفسك ..

خليك على الكريمات الطبيعيه المعروفه .. وانا اتكلم من تجربتي اقسم بالله جسمي ناعم و طررررري

وانا استخدم جرجنز بالمسك << نعومه + ريحه تدوم لفتره طوييييله وربي .. و جربيه و تشوفين بنفسك ..

او كريم دوف اللي علبته مايله للذهبي او الاصفر الفاتح .. يوميا دهني كل جسمك فيه قبل لا تنامين ..

و رجولك كمان حطي عليها فازلين و البسي شرابات وقت النوم بس ... و كل اسبوع سوي لها تنظيف بالحجر و شوفي النعومه كيف ..



- للوجه .. تبين بشره ناعمه مشرقه << تسوي دعايه ههههههه

خليك على الكريمات مثل دوف او جونسون .. اللي يناسب بشرة وجهك .. ترطيب يومي ..

اما بعد الشمع او الخيط .. احلى شي : ماي ورد + نشا .. اخلطيهم سوا و حطيهم على وجهك لحد ما تنشف

بعدها بقطنه مبلوله بماي شبه بارد رطبي وجهك حتى تتلين الخلطه و تبدا تنمسح معك ..

يعني لا تمسحين بقوه .. او تمسحين والخلطه ناشفه ..


وبعدها شطفي وجهك بالماي وخلاص ... انتبهي بعد حف الوجه تحطين كريمات ابببببدا لا تحطين لين ثاني يوم .. << لا تسوين مثلي احترق وجهي وجلست شهر اعالج فيه :(


و اذا عندك مناسبه حلو قبلها بكم يوم تركزين ترطيب وجهك و قبل الميك اب بساعه تسوين الخلطه اللي قلت لك ..

وبعضهم يحطون زبادي + عسل .. لكن انا ما جربتها للأمانه ...



- المنطقه الحساسه .. حفيها بالطريقه اللي تريحك ابدا لا تشيلين هم كل الطرق تنعم و تنظف وماعليك من الكلام اللي تسمعينه ..


- المكياج + التسريحه بيوم الزواج ... المكياج لاااازم تكونين مسويه بروفه لاااااااااااااااااااااااااااااااااازم حتى مايجي يوم الزواج وانتي متوتره و زياده على كذا تحاتين شكلك بالمكياج ماتدرين وش بيكون ؟؟؟

الاحلى تكونين عارفه وش بيكون شكلك حتى ترتاحين من هالناحيه ..

الشعر قولي للكوفيره ما تكثر مثبت .. تحاول قد ماتقدر تخلي الشعر شبه طبيعي ..

حتى لما تروحين للفندق تفكين التسريحه و ترتبينه ويطلع حلو ..



اممممممم

هذا اللي في بالي بالنسبه للمور هذي واي سؤال انا بالخدمه <<<< تعتبر عروس جديده مالها سنتين :35:


الحين جينا للجد <<< اجل اللي فوق شنو ؟؟؟؟


انا قالو لي قبل زواجي بيوم تعشي عدل ترا بكرا ماراح يكون لك نفس وماعندك وقت . . قلت لاااااا بتطلع كروشه قالو مو من هالوجبه تطلع اكلي بس !!!

والله لليوم ادعي لها هاللي نصحتني .. فعلا طلبت و تعشيت من قللللب و جلست على ذكرى هالعشا اسبوع :hahaha:

وقالت لي كمان اخذي معك بالشنطه فطاير لوزين حتى تاكلينها لما تجوعين قلت لااا مافيه وقت وكذا ومعليه ان شاء الله باكل ما اتوقع بكون منحرجه لهالدرجه !!!!! << وشوفي وش صار لي

ليلة الزواج لما رحنا للفندق .. ما تعشيت << قلت مالي نفس شبعانه ولما لزم علي قلت لااا اكلت مع البنات بالمشغل <<< ياربي سامحني ارتكبت اثم في نفسي وانا ميته جوع

وبعدها كل ما رحنا مطعم اكل شووووويه حتى ما ادوخ من الجوع وخلاص اقول شبعت

ماكنت اقدر اكل ابببببدا معه انحرج موووووت

و اتذكر نصيحة اللوزين واقول ياااااليتني جايبه معي ..

لان فيه اوقات كثير اكون لحالي بالغرفه .. وقت لما اتروش او ابدل او اتمكيج .. يعني يمديني اكل فطيره تسد جوعي و لما اروح للمطعم اكل شويه و خلاص بكذا اكون شبعانه ..



نصييييييييحه اخذي فطاير لوزين او اي نوع تحبينه .. لا تخافين ماراح يفتح شنطتك ولا يفتشها هههههههه


و كمان لا تخربين ليلتك بكا و صياح و خوف و مدري ايش

انبسسسسسسسطي انبسسسسطي انبسسسسطي

مو شرط يكون فيه شي ذيك الليله واغلب الشباب الحين فاهمين و عارفين

انتي بس روقي ولا تخربين الجو .. !!!



بالنسبه لمكياج و تسريحة وفستان الزواج ...


الفستان لا تبدلينه على طوووول حرام والله اشبعي منه و خليه يشوفه ويملى عينه

اقل شي اجسي معه بالفستان ساعتين ..

بعدها يجي وقت التبديل ..

اخذي شاور سريع مررره .. تشطيف لجسمك بس بدون شعرك ولا وجهك ..

و خلي معك علبة موية صحه تكونين حاطه فيها اي زيت عطري تحبينه او مسك سايل << موووت خقق

و الشطفه الاخيره رجي العلبه و صبيها على جسمك و شوفي كيف الريحه تكون ..

بعدها بدلي و فكي تسريحتك لو كانت مرررره كبيره . . ومثل ماقلت لك المثبت يكون خفيف حتى تقدرين ترتيبن شعرك و تخلينه مثل ماهو بدون غسيل ..

المكياج خليه لا تغسلينه .. الا الصباح اذا صحيتي ..

حللي قيمته و خلي زوجك يشبع عينه منك .. هي ليله وحده بالعمر اللي بتسوين مكياج عروس !!

و ليله وحده اللي بتلبسين فستان عروس ابيض !!!

ليه العجله اجل ؟؟ انبسطي فيهم ...



ادري كثرت الكلام بس ودي تكونين مررره مبسوطه ومايجي يوم وتتحسفين على اشياء تكون صغيره وتافهه لكن الواحد يتحسف عليها <<< ما تقصد نفسها ابد ههههههه



والله يوفقك و اي شي انا حاااااظره و الخاص مفتوح لك بأي وقت .. لاني مو دايما ارجع لردودي ...