نصايحكم .. موقفي مع دكتورتي بالجامعة .. بكيت لين قلت آمين

السلام عليكم ورحمة الله ،
بدخل بالموضوع بدون مقدمات ، ومن البداية اللي بتغلط وتسوي مشكلة بالموضوع تطلع قبل ما تقراه لاني فعلاً احتاج النصيحة 💔💔💔
انا يا بنات ما امدح نفسي لكني بنت متفوقة دراسياً بشهادة الجميع .. ومعروفة في تخصصي سواء من حيث الطالبات او من حيث الدكاترة .. يعني مجرد ما حد يقول فلانة الفلاني يعرفوني مباشرة لاني فعلاً متفوقة ودرجاتي ممتازة اللهم لك الحمد .. وطبعاً هذا مب ذكاء مني لا ابداً .. تعبت على نفسي لين وصلت لهذا المستوى ومحافظة عليه الحمدلله .. كتبت هالمقدمة عشان تكونون بالصورة ..
مشكلتي يا بنات ان اي نقطة توقفني في تخصصي وما استوعبها اسأل دايررركت .. قد ما اقدر ما اطلع من القاعه الا وانا فاهمه كل شيءء .. طبعاً البعض بيقول طيب وين المشكلة .. المشكلة يا بنات ان صرت اسمع انتقادات كبيرررة بالجامعة سواء من الطالبات اللي معاي او من الاساتذة ..
طبعاً هم يرمون الكلام ويضحكون من باب المزح لكن انا عارفة انهم جادين بالكلام وواضح عليهم الضيق من اسألتي ..
انا ارد على اي شخص يعلق ، لما يقول اسالتك كثيرة .. لكن استاذتي ما اقدر ارد لان درجاتي بيدها للاسف .. ابتسم بوجه الاساتذة واسكت .. لكن اذا رجعت البيت ابكي لين اقول آمين .. كرهت نفسي فعلاً ... بنات ترى انا شخصيتي قوية مرة ومو اي موقف يأثر علي .. بس مو عارفة ليه كذا صارت حالتي .. صار اذا عندي سوال مب مفهوم اسكتتت واترد اسال ولا لا .. طيب انا ايش ذنبي اذا كنت متميزة وابغى احافظ على درجاتي قد ما اقدر .. كلام استاذاتي اثر علي مررة اكثر من كلام البنات .. وكنت افكر اني اكمل ماجستير لكن الان ترددت وكرهت تخصصي فعلاً .. من بعد ما كنت احب تخصصي واحب دوام الجامعة كرهته وصرت اشيل همه .. انصحوني لاني تعبت فعلاً😭💔💔💔