هذي مشكله المشاكل الاراده - ما قدامك الاتخفيف الاكل بدون ررجيم

أنا ماكان عندي إراده قويه أسوي رجيم يوم ويوم ثاني أخربه وأقول ببتدي من يوم السبت ما أدري متى يجي يوم السبت هذا
وبعدها قررت أروح حق أخصائي تغذيه وبديت أمشي على الرجيم وإن شاء الله أستمر فيه وأوصل للوزن المطلوب أنا وكل عضوات عالم حواء:27:

سوو مثلي يا بنات. شوفو ايش صار..
انا مثلكم نفس الشي تفشلت من كثر ما قول حق زوجي وعيالي بكرة انشاء الله ببدأ ريجيم خلاص قررت. ويجي بكرة كلام الليل يمحيه النهار.لدرجة اني صرت آكل حتى الأكل اللي ما احبه ومن غير جوع.واحيانا ونا اكل الغدا او العشاء واحس اني مختنقة من الاكل افكر ايش اسوي للوجبة اللي وراها او ايش باكل بعد شوي. لين كرهت نفسي. وانا مايصر فيني هالشي الا من التفكير في الريجيم.
قررت اني اشوف لنفسي شوفة وانه بالشكل هذا مافيه امل اني اضعف ونا الخسرانة. وشوفو ايش اللي صار. صرت اقوم ما افطر لأني اضيع وقت في تصفح منتدى حواء وثم اطبخ الغداء. بعد الظهر اعمل قطعتين توست بر بالبيض اوالجبن او تونه اواي شي احبه وبأي طريقة
مع نصف كاس حليب قليل الدسم ومكعب واحد من السكر البني. على فكره التوست اقسمه قسمين قسم آكله في الغدا والقسم الثاني بعد العصر اذا جعت عشان ما اكل اي شيء.
في العصر الف محلات الاثاث لاني ابغى اغير بعض الاثاث في البيت. وجبة العشا تكون عادة مشويات فقط او ربع خبرة
مع قليل من اي شيء وخلاص. ونا بعد ساعدني المشي في السوق وانام بدري يعني مش بدري مرة بس اذا كلش سهرت اقصى شي للساعة وحدة إذا اضطريت. واذا مت جوع ماقدرت اتحمل اكلت حبتين رطب مع كاسين ماء وحمدت ربي عليه.
وفيه شي بعد احذركم منه عن تجربة نومة العصر لا تنامون الا للضرورة .اذا انتو تعبانين مرة
تصدقون تفاجأت اني ناقصة كيلووشي فوقه من غير ما حسبت له اي حساب ومن غير ما اقصد في اسبوع واحد بس. هذا الحين عطاني دافع اني استمر على هالوضع وبحاول اقلل شوي من الاكل وبعدل ببعض النوعيات.لين اتعود على كميات محددة في اليوم.وبعطي نفسي مجال ست شهور. (العوض ولا الحريمة)
وعلى فكرة انا ذوقي جدا صعب ما احب اللحوم بأنواعها ولاا الخضار الا بكميات قليلة جدا ومش كل يوم.
نسيت اقول لكم بعد انا ما احب الادوية بس باخذ زينيكال اذا اكلت شي فيه دهون وبعدين بقول لكم اخر مستجداتي وبوافيكم بهالتجربة إذا نجحت ولا لا. ادعو لي يابنات الله يبارك فيكم ان الله يوفقني ويقوي عزيمتي.

ناي الفجر
هوجاس
السيده العلويه شكلك تقربين لي وانا مدري لاني علويه بعد
فنار2

جزاكم الله الجنه والخير كله

مافيه الا الرجوع للرجيم

هلا حبيبتي بنت ال.......؟ اصلا هذه المشكلة الحقيقية لفشل اي رجيم في العالم...........انا بعد اعاني من هالمشكلة يوم كان عمري 16 سنة سويت الرجيم الكيميائي وحطيت كل طاقتي وارادتي فيه وفعلا وصلت للوزن اللي انا ابيه وهاحين سمنت وابي ارجع نفس قبل لكن ما في فايدة صار لي الحين سنتين وانا احاول ونفس ما قالت اختي السيدة العلوية دايما كلمة يوم السبت على لساني واصلا حتى لو بديت في رجيم مارتاح الا اذا خربته وانا ما كملت منه حتى اسبوع............ادري طولت عليش لكن حبيت اوضح لش ان مو بس انتي اللي تعانين من هالمشكلة.........تحياتي.