نصايحكم يا امهات ابي ادخل بنتي الروضه بس عندي مشكله

السلام عليكم يا امهات

ارجوكم ساعدوني وانصحوني

ابي ادخل بنتي التمهيدي عمرها خمس سنوات

طبعا بدخلها في مدارس انترناشيونال عشان تتعلم انجليزي

المشكله انو بنتي هذي الوحيده والمدرسه مختلطه

بس رائعه جدا يعني الاختلاط برا مو في المباني

يعني المدير رجل والي في الرسيبشن رجال وغير عمال النظافه رجال وحريم

بس روضه و تمهيدي والابتدائي اتوقع الى رابع هذولي كلهم اولاد وبنات

بس الابتداي الاولاد لحالهم والبنات لحال الاولاد يدرسونهم رجال والبنات حريم

والروضه والتمهيدي يدرسونهم حريم بس الاداره وغرف المدرسين مختلطه

المدرسه حلوه وعاجبتني وتدريسهم حلو بس المدرسه كبيره ومباني كثير واخاف على بنتي مع انها بتروح مع عيال صديقتي الي هي جارتي عيالها كلهم اولاد بس يحبون بنتي وكانها اختهم

طبعا بيوديهم سواق جايبينه من المدرسه

عيال صديقتي واحد في رابع وواحد في ثالث وواحد في اولى

بنتي بتروح معاهم الصباح وبترجع الساعه 12 مع الولد الي في اولى لانهم يطلعون بدري بس الكبار يتاخرون الى الساعه 2 وانا اخاف ان بنتي ترجع هي والولد الي في والى لحالهم مع السواق

لان زوجي مايقدر يطلع بدري دوامه جنوب الرياض واحنا ساكنين قريب من المدرسه شمال الرياض

وهذي هي مخاوفي عشان كذا متردده اخليها تروح والا ادور مدرسه ثانيه رغم انو المدرسه هذي تدريسها ممتاز

وامنه على كلام جارتي تقول انو في وحده مخصصه تمسك الطفل من يدخل المدرسه وتوديه للفصل ولما يخلص الدوام توصله للسياره لانهم حريصين على سلامه الاطفال وش رايكم تشجعوني ادخلها واتوكل على الله

والا اخليها وترا مافي مدارس زينه هذي احسن مدرسه ومستقبلها حلو


ياريت اي وحده مجربه تذكرلي تجربتها مع اول طفل دخل المدرسه