نصايحي لكم من خلال تجاربي

السلام عليكم ورحمة الله وبركاته
يمكن النصايح إلي بكتبها كثير يعرفونها بس بكتبها لأن يمكن تكون بنت مثلي قبل محد نصحها ومحد فهمها ولاتعرف كيف تهتم ببشرتها وتقرأ كلامي وتستفيد،
أنا قبل يابنات كنت أبي بشرتي تجي حلوة بس ماكنت أعرف الطريقة الصحيحة للعناية ببشرتي كل ماسمعت أو قريت عن شي يبيض البشرة أو زين للبشرة حطيته على وجهي مثلا مرة قريت عن خلطة تصفي البشرة وقمت وحطيتها على وجهي وفتحت مسامات وجهي أكثر من ماهي مفتوحة ومرة قريت عن الليمون وإنه يصفي ويبيض وحطيته وهو مايناسب لبشرتي لأن بشرتي رقيقة وأي شي يأثر فيها ومرة قريت عن ماء الورد وإنه مفيد للبشرة وحطيته وهو مايناسبني لأن يطلع شعيرات دموية بوجهي وكنت ناسية إن مشكلة بشرتي الأساسية هي إن بوجهي مسامات هذي أكبر مشكلة كانت بشرتي تعاني منها ولا عالجتها لا كنت أستخدم أشياء ثانية ومالها علاقة بالمشكلة،
أول شي يابنات لازم تعرفون وش مشاكل بشرتكم؟وتعالجونها مو أي شي يمدحونه الناس تلطخينه على بشرتك مثلي قبل.
وثاني شي أعرفوا وش نوع بشرتكم عشان تختارون لها الكريمات المناسبة والصابون المناسب.
وثالث شي أقروا عن مشاكل البشرة ومسببات هالمشاكل عشان تتجنبونها.
ورابع شي مو بس تهتمون بالبشرة إهتمام خارجي لا أهتموا حتى بالتغذية والأكل الصحي لأنه مفيد للبشرة وأتركوا السهر.
وأخيرا يابنات مو مهم تكونين بيضاء كثر إن بشرتك تكون بلا عيوب وصافية عالجي أول شي مشاكل بشرتك أي مشكلة فيها عالجيها وخليها تلق نظافة وإهتمام (ولاتكثرون من الصابون لأن أكيد كل شي يزيد عن حده ينقلب ضده شوفي وش يناسب نوع بشرتك وسويه )وأنا مرات أشوف سمر وبشرتهم صافية ويعجبوني من رأي إن الجمال هو صفاء البشرة والإهتمام فيها والإهتمام بالنفس وليس البياض فقط
إذا ناسبكم كلامي أستفيدوا منه ماناسبكم أنسوه