نصايحي من خلال خطبتنا لقرايبي !

السلام عليكم ورحمة الله وبركاته .
هذا الموضوع كنت ابي افتحه من زمان واكتبه لكم لكن انشغل كثير عنه لكن في كل مره اروح مع قرابتي خالاتي وأمي وأخواتي نبي نخطب تصير مواقف او شغلات تخلينا نتراجع .المهم حابه أحطها بنقاط تستفيدو منها وتنتبهن عليها .
طبعا خطبتنا كانت لاخواني وعيال خالتي وبعض من خوالي . طبعا ماشاءالله كل واحد مهنته أجمل من الثاني غير اللي جايته بعثه ومابيه يروح غير وهو متزوج .
طبعا طريقة الزواج عندنا نختار العائلة ثم نقرر زيارة عاديه لهم فيها نشوف البنت بدون لايحسون علينا وبعدها نجلس مع الولد ونذكر له جمالها ومستواها التعليمي وطولها نحيفه متينه شينه زينه وبعدها يقول اخطبوها لي واشوفها بنظرة الشرعية والخطبه ياتكون عن طريق ام الولد لام البنت او الو الولد لابو البنت حتى يفكرون وبيسالون ثم نتصل ع ام البنت اذا اعطتنا الضوء الاخضر جينا رجال وحريم ونخطب ونملك لهم ....الخ .
طبعا فيه بنات كثير حطيناهم في روسنا ثم قررنا نشيلهم لاسباب . اذكرها لكم حتى لاتقعن فيها او ماتتكرر معكن وتنتبهن .وباالاخير الزواج قسمة ونصيب .
1/البنت الاولى رحنا نبي نحطبها كل ماجيناهم وسالنا عن البنات نبي نسلم عليهم يقولون نايمات !! قلنا نجي جمعة وسبت عطله نفس الشي البنات نايمات !
اتصلنا وجينا المغرب وسالنا امها وقلنا ياام فلان نبي نتعرف ع بناتك ونسلم عليهم قالت اشوفهم لكن رجعت وقالت والله نايمات .وصلت معنا وقالت خالتي والله اللبنت المنخمده وبس نايمه هذي ماتصلح خليها تنام عندأمها !
《《《《《《《《《《《《《《《《《《《《
2/ البنت الثانية قررنا نخطبها وشفنها من قبل مايحتاج نشوفها ومره كنا في جمعة حريم وفرحنا يوم شفنا اختها وامها عندهم وطول الجلسه اختها تسب وتلعن أهل زوجها وأمها تسب زوج بنتها وحريم عيالها وقالن كلام يكش منه البدن ودعاوي ومن يوم طلعنا كلنا عزمنا مانقرب من هذي العائلة .لان البنت ماراح تبعد عن أختها وأمها .
《《》》》》》》》》》》》》》》》《《《《
3/ البنت الثالثة أختيار الولد وهو ضابط وشاب توه طبعا البنت لها أخت تزوجها واحد من جماعتنا البعيدة وهو ولد هايت وله في المخدرات ومعروف وستغربنا كيف زوجوه المهم تطلقت بنتهم منه وتم خطبت أختها للضابط أبوها فرح فينا ورحب لكن البنت رفضت وتقول ماتبي من جماعتنا بسبب طليق أختها !بلاه هذا سبب فيه وجه مقارنه بين مدمن مخدرات ماسالتوا عنه وزوجتوه وبين ضابط معروف بين جماعته بخلقه !! والسبب انهم من نفس الجماعة الجماعة فيها الصالح والطالح .وحنا ماخطبنا الا من خلق اختها اللي تطلقت !لكن خيرة والعتب ع أهلها اللي ماينصحونها ان التعميم خطأ .لان مافيه سبب غير انه من جماعتنا طليق أختها وقلناه لهم عذركم قبيح !
《《《《《《《《《《《《《《《《《《《《
4/تعرفنا ع بنات وعندهم بنت من جماعتهم اهلها في قريه وهي تدرس في المنطقه في الجامعة واعجبتنا حيل ورشحنها للدكتور لانها مكافحه وشاطرة بجامعتها ومتعنيه من القرية وساكنه عند جماعتهم عشان دراستها.المهم رحنا للقرية وخطبنها وافقم لكن الدكتور طلب النظرة ورفض ابوها !!! المفروض ان الاهل والبنت يقنعون ويوعون اهاليهم بضرورة النظرة الشرعية وانها من مصلحتهم لان الولد يقول كيف اتزوج وحده من قرية وماشفت شكلها حتى يطئن قلبي .
》》》》》》》》》》》》》》》》》》》》》
٥/أغلب البنات ممكن يقع منها تصرفات منفره مثل صريخ ع الشغاله قدام الناس .
الضحك بصوت علي وبطريقه منفره وناس جالسه في نفس المجلس ومليان حريم ومايدرون ع مين تضحك .
او أمها مغروره وماتتنازل تسلم ع الناس لان الناس تبحث عن التواضع والروح الحلوة .
هذي أكثر شي مررر علينا .
والتعليق لكم .
اتمنى من المشرفات تحذف كل رد سيئ .