نصايحي وكم غلطه صارتلي للعروسات بالله انتبهو لاتغلطو زيي

السلام عليكم ورحمة الله الشعب العروسي
عراااايسنا الحلوين كيفكم اليوم فااايقه ماشاءالله قلت خليني افيد المتوترات اللي يحزنو هذول ههههههههههههه
سوالف القسم تذكرني احلى ايام ههههههههههه فحبيت احييكم من منبر العروسات القديمات < مو مره قديمات ماكملت سنه واقلكم الله يعينكم على اللي مستنيكم هههههههههه
بالله بنات استمتعو بايامكم ترى ايام الجواز احلى ايام
اوووول نصيحه مني
ايام الزواج اللي هي( قبل وبعد )الحفله لاتضيعوها بالتوتر والخوف ترى مافي شي يخوف مرح تطيري للمريخ انتي الزواج مو نقله انقلابيه فحياتك لشا حطي فبالك ان الزواج مجرد اضافه جميله لحياتك
واهلك اوكي ابكي لك كم دمعه صح على فراقهم بس لا تتبكبكي كتير ترى بعد بكره حترجعي عندهم لين يطردوكي وساعتها حتتفشلي هههههههههههههه
كمان بالله علييييكم لا تنسو انفسكم مع التجهيز وتصير مشاعرك متلخبطه عاد اهلك بدال ما تفيضي عليهم من الحب والحنان لانك حتتركيهم تصيري بس تتضاربي وتتخاصمي وتبكي وتعصبي عليهم ترى حتندمي وحتبكي بعد ما تروحي ههههههههههههه
النصيحه االثانيه مااااااحقلك صيري مثاليه وخلصي اغراضك من بدري بدري لانو السوق مايخلص ولييين يوم الفرح وحيكون لسه عندك اشياء ناويه عليها وترسلي وجيبولي وسوولي واشترولي وروحو جيبولي بس المهم الشي اللي لازم من بدرررري يكون عندك فدولاب غرفتك الزفاف وجزمتو واكسسواراتو الزفه وبسسس الباقي كلللللللو لو صارت فيه اي لخبطه عادي تمشي لان بالنهايه مهما طالت ولا قصرت شكلك قدام الناس اللي هو الاخراج النهاااائي حيكون شكلك بالفستان وانتي ماشيه الكم دقيقه حقت الزفه كيف حيكون غيرو كلو محد حيلاحظولانو خلف الكواليس بعيد عن اعين الناس
النصيحه الثالثه بالله عليكم بطلو حركات زمان وتخمو ستمية شنطه كلها لبس كأانك ماحتشوفي السوق عشره سنين ترى ندمت جد واشوف صحباتي يندمو على حكاية اننا نشتري لبس كتير كتير وبالاخير ماينلبس وينركن هدي اللعب شويه وخليكي ذكيه واستفيدي من فلوسك فاشياء تفيدك اكتر
ربنا يتمم لكم على الف خير وتتهنو وتفرحو احلى فرحه يااارب وعقبال كل الصبايا عاجلا غير اجل يارب
النصيحه الرابعه الللي عانيت منها وجد طفشتني وبهدلتني المواعييييييد لاتتساهلي فيها ابدااااا لما تقولي الساعه 1 كوفير يعني 1 تكوني هناك لما تقولي النقاشه تجيني يوم الخميس الساعه كذا يعني يوم الخميس الساعه كذا لما تقولي بسوي بروفا نص ساعه يعني نص ساعه *** لما تقولي للناس الزفه الساعه 1 يعني 1 مفهوووووووم ياحقين 3 < تعصب ... وهذا لأنو كل شي مرتبط بشي غيرو يعني لو اخرتي شغله حتتأخر عليكي شغله ثانسه وانتي المتضرره
النصيحه اللي بعدهاااا لوجه الله بنات جد جد على نفسي ××× لاني رحت لنقاشه بدون لا اتاكد من شغلها لين صرت ليومكم هذا انقهر ××× على نفسي فنصيحتي اول شي المشاغل ترى نقاشاتهم ممكن تكون شغلها مو ميه ميه بس انك تنخدعي باسم وسمعة المشغل وتروحي تنصدمي بالنقش حقها انا شفت بعيني غير اسعارهن العجيبه ×××
اش كمان خلوني اتذكر امممممممم
نصيحه سادسه مواضيع الثقافه ال.... لاتسوي نفسك فاهمة زمانك وخلاص ختمتي مواضيع النت كلها وسالتي صحباتك لازم يكون عندك وحده ثقه حقت الازمات اللي بسرعه تساليها عن اي شي يصير زي امك او حتى جدتك ههههههه بس بدون لاتطلع اسرار محرمه
واول اول درس احفظيه يختي ماحيخطر فبالك انو موضوع اعراض الحملللللل ايوة ليش انخلعتي ناويه تنظمي وماحتحملي ... برضو اعرفيها من بدري لان تصير حالات اجهاض كثير من عدم الانتباه للاعراض
يله نجي للنصايح اللي بعد الزواج ...
بالله عليكي زوجك حسسيه انك كنتي ملكه فبيت ابوكي وانك مره رقيقه وناعمه هههههههههه صينية الاكل لاتشيليها هو يشيلها... بعد ماتجهزي الاكل بكل رقه وذوق حبيبي ممكن يله تجيب الصينيه ثقيله علي ... جالون المويه اصحك تعبي منو ناديه يعبيلك
وهكذا
مو مشكله يوم من شهر العسل قوليلو انت كل يوم عازمني برا اش رايك انا عازمتك اليوم وعلى ذوقي حركه مره حلوة وتسوي اريحيه في التعامل بينكم
انتبهي ونبهي زوجك لاوقات الصلاه لان الغالب ان مع شهر العسل والدنيا الواحد حتروح عليه صلوات كثيرات جدنات < مشتقه من جدا كككككككككه
< تر ككه ضحكه هههههههه
اش كمان والله ياكثر النصايح بس ناسيه هههههههههه ايوه حتى لو انك اوصخ واكسل وحده لازم تخليه ياخد عنك انطباع اولي انك شي واو نظافه واهتمام عشان حتى لما ترجعي كسلانه تقدري تقولي تغيرت وماكنت كذا ومايقلك من يوم عرفتك وانتي كذه ههههههههههههه اول ايامك غصب غصب سوي نفسك ذيك النظيفه اللي لو تشوف اثار نمله مشت من هنا تتقزز وتقوم تنظفه سز.. قومي قبله وصحيه انتي عشان الانطباع الاول اللي رح ياخذه عنك اول ايامم هو اللي بيظل عالق فمخه طوووول عمرك مهما حاولتي تعدليه ...
اثقلي شوي بالله الواتساب ترى انتي مراقبه فما نبغى صباحيتك نشوفك متصل الان ولا اخر ظهور الساعه 3 صباحا عاد حيبدعولك الناس اووه متصله شكل جوزها سايبها وطفشانه اووه شكل جوزها نام وتاركها سهرانه لحالها ياحرااام شكلها مو مبسوطه ولا ليش داخله العاده العرايس شهر مانشوفهم ومايردو ومو كل من سالتك تمردحتي وتمغطتي في الرد والحكاوي والحاله النفسيه سوي انك مشغوله سوي انك مصدومه بس كمان مو لكل الناس ومو دايما يعني سوي انك ذوق وانك مبسوطه انهم سئالو عنك لاتصيري مفتريه ويقولو عليكي اتغيرت من اول ماصبغت شعرها ..
في سؤال رح يتكرر عليكي ستين الف مره واللذي هو... كيف الجواز ؟ طبعا اذا قعدتي تتمغطي فالاجابه والتعليقات والضحك والحكاوي ااكد لك بعد كم شهر حتندمي حتقولي ليش كنت كده هبله هههههههه غير انو البنت اكيد حتحكي لصحبتها والله سألت فلانه كيف الجواز تقول كذه كذه كذه وتصيري مادة سوالف عاد اكتفي بردود تريح وماتريح هههههههههههه
الطبخ... امممم نصيحه لا تسوي لجوزك طبخات معروفه لما تبدي تطبخي يعني كبسه وخضار ادامات وكذه لان الاشياء اللي كان ياكبها فبيت اهلو علطوب حيقارن بسن اكلك واكلهم فيمكن يشوفك اقل غالبا وماينبهر فيك ... فانتي اول ماتبدي تطبخي دلعي نفسك ودلعيه جيبي طبخات من النت والانستقرام قوليلو باسويلك طبخه حلوه تعلمتها بسويلك طبخه فلانيه وطبخه من البلد العلاني ... عاد هو يمكن يكون اول مره يذوقها فاكيد رح تعجبو لان مارح يقارنها بشي ههههههههه وكمان الاهم حيشوفك فنااانه ومبدعه ولما تجي السيره قدام اهلو احلى شي لما يقول والله سوت لي شي اول مره اكلو يصيرو هم يسالوكي قدامو اش هيا كيف سويتيها من وين كيف الوصفه وانتي عاد محد قدددددك وقتها هههههههههههه
ونجي لنصيحه مال امها دخل << اهم اهم نقطه ممكن تكون من باب التميلح مو بس نظافه فرشي اسنانك قبل النوووم هههههههههههههههه
نصيحه كمان فالسوق انا ضد اللي تقلك لا تسئالي عن سعر الشي لما جوزك معاكي عشان لايتعود ويصير.. لان جد الزوج اول الزواج مهما كااان يكون خلاص اقترب للتطفير والفلس فيحب ان زوجتو تكون حاسه فيه وتصارحه يعني لاتحرمي نفسك من شي واشتري اللي تبغي بس ارمي كلام انو حبيبي خليه خلاص تشتريلي هوا المره الجايه لما يكون معاك اكتر ... حبيبي خلاص باخد هذا ارخص من هذا بشويه عشان ما افلسك بدري بدري مع ضحكه كذا وغمزه ...حبيبي ياما حتشتريلي وهكذا فهذا الكلام رح يخليه يصر انو لا رح اشتريها لك وعندي وماعليكي وانتي تأشري وبس وفنفس الوقت تكبري فنظرو انك تقدري ظروفو وبتحاولي تحسي فيه وتخففي عليه . يعني منتي خسرانه شي بس تصيري ذوق مو جايه جيعانه للزوج وتبغي تبغي تبغي على اساس انو خلاص زوج وشهر عسل فلازم يجبلي اي شي ايوه بس بشويش حبيبتي الله يرضى عليكي هههههههههه
بشهر العسل بالله لاتنسي العباده والله انو منزلق خطير والحمدلله اللي ثبتنا بغيت اكنسل كم صلاه وانا فنص الخضره والانبهار وتلانشغال وفي بلد ماتتوفر فيها مساجد فكل مكان والوضوء صعب والصلاه صعبه بس ربكم ستر ورجعت وانا لسا مسلمه ههههههههههههه يارب لك الحمد والشكر يامقلب القلوب ثبت قلوبنا على دينك ويامصرف الجوارح صرفها لطاعتك
احس جالسه اعصر مخي في كثير نصايح بس نااسيه اللي تبغى تسال عن اي شي انا حاااضره اساعدها لو معنويا ياحبيلكم والله ويازينكم حبيبات قلب جدتكن انتن الله يحفظكن ومع السلامه هههههه


تم التعديل ... الاشراف