يا هلا بالأمهات العزيزات
عندي مجموعة نصايح وتحذيرات تخص تربية أطفالنا التربيه السليمه
من واقعي وتجربتي وتجارب الأمهات من حولي وأتمنى تستفيدو منها ....
عزيزتي الأم إذا كنتي تعاني من عناد طفلك أو طفلتك وإصرارهم على أمر معين
لا تستخدمي معهم الأسلوووب الجاف والتعسفي ! حاوريهم وتناقشي معهم
وكأنهم كبار وصلي لهم وجهة نظرك وتقبلي وجهة نظرهم خاصه بالأمور إلي
مافيها ضرر لهم لا مانع توافقينهم الرأي وتكوني لينه معهم هالشي يبني شخصيتهم
ويعزز ثقتهم بأنفسهم ويحسو بقيمتهم وقيمة رأيهم ....
يعني مره إقنعيهم يلتزمو بقرارك ومره إلتزمي بقرارهم ..... :biggrin2:
إذا طفل كان فوضوي وراااعي مشاكل ويعذبك بالبيت ويطق أخوانه ولا يخاف
من أحد ولا همه أحد هنااااااا لازم تنتبهين لهذا السلوك وتعدلينه ولا تتهاونين فيه
لإنه إذا ماتعدل سلوكه وهو صغير بيكبر معه وتصعب المعالجه ....
لأ لأ لأ للضرررررب لإنه يزيد الطين بله .... عاقبيه بالحرمااااااان ومافيه أحلى
من الحرمااااان مثلا وعدتيه تطلعينه يغير جو وعمل شي يزعل طواااالي إحرميه
مع توووووضيح سبب الحرمان له ونفس الشي إذا يحب يتفرج على برنامج معين
أو يمارس هوااااايه يحبها يعني بإختصار الشي المرغوب عنده إستخدميه بعملية
الحرمااااااان مره مرتين وبيعمل حساب لك ولكلامك وهالنقطه بالذات حتى تنجح
وتحصدي نتايج ممتااااازه لازم تكوني جديه وحااااااازمه حتى يعرف الطفل
إنك ماراح تتراجعي عن قرارك وهنا يبدأ بالتفكير بشكل جدي
بعدم إزعاجك وإحترام أوامرك ........ :smile:
عودي طفلك على مساعدتك بالمنزل وبالذات غرفته حتى لو كان موجود خادمه
خليه يرتب سريره ويرتب أغراضه وكل مايعمل حاجه زينه كاااافئيه بشي يحبه
هالطريقه مجررررربه جربتها وغيري جربها وكانت نتايجها حلووووه وتزيد حماس
الطفل وتعوده على تحمل المسؤوليه من الصغر ...... :biggrin2:
عودي طفلك على الطيبه و أعمال الخير لما تكوني طالعه مشوار آعطيه مبلغ رمزي
وخليه يقدمه للضعفاء وحثيه على مساعدتهم و وضحي له الآجر من الله وإزرعي فيه
حب الخير للآخرين وبتجنين ثماااار هالعمل
بالمدرسه أشتري له كيس شوكلاته متنوعه وخليه يوزعها على أصحابه وقت البريك
وهنا بتشوفين سعادته وكيف بيكون طاااير من الفرحه وأصحابه يحبوه وماينفرو منه ..
لما يخطي ولدك خلال زياره قمتي فيها لا تخاصميه قداااام الناس
ممكن تاخذيه على جنب وتخبريه بشكل مختصر إنه أخطئ وبالبيت إشرحي له
بشكل مفصل الخطأ إلي صدر منه و وصلي له المعلومه بهدوء حتى لو عمل شي كبير ..
لما طفلك يفاجئك بسلوك غريب برضو إحتويه وكوني له صديقه وخليه يتعود يقولك على
أسراره والمواقف إلي يتعرض لها ولازم تتحكمي بردت فعلك وهالشي جدا مهم
لو عصبتي صرختي ضربتي فتآكدي إنك خسرتي قربه وثقته فيك
ولو إبتسمتي وحظنتي و وجهتي توجيه سليم وهادئ فتآكدي إنك كسبتي
طفلك وثقته فيك ......
آتمنى تستفيدو من هالنصااايح أخواتي الأمهات والله يحفظ لنا أبنائنا من كل شر
والأم الحلوه إلي عندها إضافه ومشاركه تتفضل ولها كل الشكر :smheart:
منجو @mngo
عضوة مميزة
يلزم عليك تسجيل الدخول أولًا لكتابة تعليق.
shikka
•
مشكورة على الموضوع المميز ....
يعطيك الف عافيه جربة النصايح الحمد لله جابت نتيجه بس لازم طولة بال وصبر بالذات اذا تصرفو تصرف مزعج او سوو حاجه كبيره وقت الزعل ماتفكري في النقاش بس ضرب بس الحمد صرت اقدر اتحكم في نفس احرمهم واعاقبهم واوضح لهم السبب فيه فرق كبير
الصفحة الأخيرة