نصايح لقياس

القياس حيكون أربع أجزاء قسم كمي رياضي وقسم لفظي وهذه نقدر نتدرب عليها من الكتب الخاصة بالقدرات لأنه فيها اختصار لكل القوانين الرياضية والألغاز الرياضية كمان ولوتدربتي عليها بشكل جيد حتقدري تحلي لأنه الأسئلة حتكون شبيهه فيها . وكمان الجزء اللفظي تدربي عليه من كتب القدرات .
وانتبهي لما تتدربي لازم تفهي العلاقات وأنواعها وفي نفس الوقت تدربي على السرعة في الحل لأنه كل قسم تقريبا 25 أو 23 دقيقة على آخر خمس دقايق ينبهوك في الاختبار إن الوقت حينتهي علشان كذا السرعة مرة مهمة تدربي عليها كويس انتبهي لاتحلي بالحظ يعني شختك بختك وحقرة بقرة ما تنفع صدقيني لأنهم حاسبين حساب اللي يحل بهذه الطريقة ومعظم اللي يحل بهذه الطريقة ما ياخذ نسبة كويسة.
بالنسبة للجزء الخاص بالمهارات التربوية حيكون من الكتب التربوية من طرق تدريس ومشكلات تعليمية وغيرها تراجعوها من كتب التربوي .
الجزء الأخير حيكون من التخصص المراد يعني اللي أحياء في الأحياء واللي في الرياضيات في الرياضيات
وهذه تتذاكر من كتب المرحلة اللي اخترتيها ويمكن ما يكون لهم أمان علشان كذا مع طريقك راجعي الكتب العامة في التخصص اللي درستيها في الجامعة أو الكلية.
نصايح للجزء الكمي :
حفظ جدول الضرب
الكسور وتبسيطها والأسس وكمان النسب والتناسب والأشكال الهندسية ركزوا عليها .
القوانين الرياضية الأساسية مهمة ركزوا عليها.
لازم تتدربوا على السرعة في الحساب جمع طرح ضرب

علشان ننجح لازم الدرجة في التخصص تكون 50 والدرجة الكلية تكون 50
يعني اللي تاخذ في التحصص 50 والدرجة الكلية 49 تعتبر راسبة والعكس كمان أما اللي تاخذ في الكمي 49 واللفظي 49 والتخصص 50 والدرجة الكلية 50 تعتبر ناجحة .
والله الموفق
أي وحدة عنده نصيحة أو تجربة سابقة تضيفها