نصايح للتربيه الاطفال

حبيباتي عندي بنتين الله يحفظهم يارب ويرزقني برهم ويقويني ويصبرني

والله يحفظ لكل وحدة عيالها

الكبيرة عمرها 5 سنوات والصغيرة سنه ونص

اعاني من الكبيرة جدا مشاغبه جدا جدا

وتخرب في البيت كتير وماتسمع كلامي الا بالتهديد والصراخ ومرات الضرب

وسارت تكذب عشان لا اخاصمها واي شي تقول اختي سوته

يمكن انا السبب اللي خلاها تكذب لكن نفسيتي تعبت ماعاد اقدر امسك اعصابي

من يوم اصحى الى وقت النوم وانا اصارخ وا وجهه طول اليوم توجيهات ونفسها كل يوم

هيه ما كانت كذا الى لمن جبت اختها تغيرت وما عندي احد من قرايبي عنده بنات في سنها

كل ما اروح مكان كله اولاد احس سارت كانها ولد حركاتها وردودها مو عارفه ايه اسوي

واللحين اجازة واكيد تكثر الزيارات وحتشوف اولاد كتير

ابغى اسجلها في نادي على الاقل تقابل بنات وتخرج الطاقه اللي فيها

نفسي اغيرها واتغير

كل يوم ابكي تعبت كل يوم اصارخ غير التنظيف وراها ما تدخل مكان الا كل حاجه في تغير مكانها

واذا قلت رتبي تقول تعبت واذا غصبها تجلس تبكي وتسوي فلم هندي

مشيت مع نظام التشيع بالطوابع الجدول واخرجها لكن اي حركه تشوفها تقلدها

وسارت تصارخ مرات اكيد هذي مني لكن الله يعين

اذا عندكم نصايح او اي جمله مفيدة تفيدني انا شاركة لكم تعاونكم