🏡 نصايح للنقل و التعزيل 🏡

بسم الله الرحمن الرحيم




مرحباً يا جميلات 🍃🌸


قبل ما نبدا بأي عمل الافضل وضع خطه او اننا نرتب افكارنا لهذا العمل حتى نكسب الوقت و الجهد و مايضيعون علينا بدون فايده ..😓


وهذي خطه بسيطه ونصايح كتبتها لكم حتى تساعدكم وتسهل عليكم النقل والتعزيل ..💓

~~>> اول شي راح تحتاجين_

١/ كراتين : من ساكو او من اسواق الجمله او من عند التموينات او ممكن تطلبينها من امازون ..

٢/لصقات عريضه ( تيب ) من النوع القوي ..

٣/ببل راب : اللي هي الفقاعات اللي تغلفين فيها اي شي قابل للكسر تلقينها في ساكو اوممكن تطلبينه بعد من امازون او جرايد او فوط ..

525894


~>قد ما تقدرين ابدئي قبل بمده كافيه عشان ترتبين على راحتك وماتكونين مضغوطه..


~>نصيحتي لك رتبي غرفه غرفه اسهل وعشان ماتنسين شي ..


~> افرزي من البدايه اللي للجمعيه الخيريه..


~> حاولي تبدئين بالاشياء اللي ماتستخدمينها كثير سواء من الملابس او المواعين ، واتركي اللي استخدامها يومي اخر شي..


~> جهزي شنطة فيها ملابس واغراض مهمه تستخدمونها يوميا انتي و اهل بيتك ؛ عشان لو لا سمح الله و حصلت مشكله وتاخرت عليك الاغراض تكون معك..


~> حاولي الملابس الشتويه تكون باكياس ضغط اهون لك واسهل في النقل ..


~> كل كرتون تخلصين منه اكتبي عليه وش داخله ووين موقعه واذا فيه شي قابل للكسر غلفيه بالببل راب و اكتبي عليه بالخطاط ، مثلا مواعين المطبخ/
اكتبي على هالكرتون: المطبخ-طقم السفره وبعدين بالخط العريض اكتبي قابل للكسر..


525896




~> بعد ماتخلصين سجلي كل المعلومات اللي عالكراتين عندك في ورقه عشان تتاكدين مانقص منها شي اذا وصلت ..




وووووو على فكره شركات النقل بتشيل عنك هم بس مافيه مثل انك ترتبين اغراضك بنفسك 😚😚


وسلامتكم 🙈

وعالبركه المنزل مقدماً الله يجعله منزل مبارك ، عامر بالذكر و الطاعه 😘😘


🍃🌸