نصحتها و خفت لان لساني سابقني 😒/اكتفى بالردود

بنات كيفكم عساكم طيبين

المهم الموضوع هواني زرت اخت زوجي عشان نبارك باخت زوجها ولدت
بعد ما دخلنا اكتشفنا المفاجأة المؤلمة
والله يا اخواتي ما ازيد عليكم ما قدرت اجلس نصف صاع من القرف و الوسخ اللي بالبيت
و انا من النوع اللي نا اتحمل اسكت اشوف الغلط و اسكت
البيت هذا ما فيه بنات الاخيرة اللي تزوجت هي هذي اللي ولدت
فيه بس نسوان الاولاد اللي منهم اخت زوجي
المهم لما رجعت كلمتها في الهاتف لانها هي صديقتي و احبها و تحبني
قلت لها انتو من جدكم عايشين في بيت مثل هذا قلبي طلع من مكانه
مو بشر ساكنينه ليش وين المشكلة و ساكتين و تطبخون و تاكلون كيف تقدروا
فانفجرت لي البنت اول مرة تحكي لي معاناتها
قالت لي والله ما انظف لهم لو وش يصير ياما كنت انظف و اشتغل ولا شي يبان
يبغوني اربع و عشرين ساعة واقفة ولا واحد يحافظ على النظافة فبطلت بالمرة انظف
و فوق كل هذا حماتي مو عاجبها شي و من الصبح و هي برا في الشارع تدور من مكان لمكان
و سلفاتي ما يشتغلون ازواحهم يقولون لهم لا تشتغلون و انا زوجي ما يتكلم ابدا ابدا لو وش يصير
طلبت بيتي بروحي ما رضي يخاف من امه و فوق كل هذا تصارخ علي ولا تحترمني لاني ساكتة

انا قلت لها خليكي في بيتك و خله هو يروح ياكل في بيتهم عشان امه تحمل المسؤولية شوي
و فوق هذا خواته يجون مع بزرانهم ياكلون و يشربون و باي باي ما يرفعون ورقة من الارض

انا نصحتها تبقى في بيتها لان زوجها يحبها
قلت لها خلك انتي في بيتك و هو يروح ياكل عند امه

حسيتها ودها مين بس يشجعها و بعدين خفت تعمل مشكل و تمسحها فيني
افكر اكلمها اقول لها انسي اللي قلت لك و ما يخليني مو ناقصني مشاكل

بس اقسم بالله لو تشوفون المنظر اللي كنا فيه استحيت من هذا البيت فيه نسوان😞