يعطيكم العافية بنات ..... ان شالله كلكم بخير ومبسوطات....
زوجة اخوي ماشالله عليها خوش بنت ....بنت ناس وطيبة ومهذبة وتعشق اخوي ماشالله تبارك الله .... هو حبها واخذها بااختياره واحنا باركنا هالاختيار..... ابي اعطيكم فكرة عن اخوي ..... هو اصغر مني مخلص جامعة بس مالقى وظيفة .... وطبعا الماما والبابا مو مقصرين معاه ومن طفولته متعود على الاتكالية وماعنده اي حس بالمسئولية يعني لليوم هذا وهو متزوج يدق على امه من جواله وهو ساكن بشقة معاهم بنفس البيت يقول لها طلعو لي غدا ....والله يبنات انه مرة قال لها قطعي لي الدجاج مالي خلق اقطع :o..... وامي تسوي له كل اللي يبي .... وابوي يجيب له ملابسه من المغسلة ويشتري له العشا من المطعم ..... وهو كنه الأمير ..... ومع انه طيب ويكسر الخاطر ومحترم ومو راعي حركات شينة ومحافظ ....الا انه مغرور وشايف حاله لان ربي انعم عليه بالجمال ماشالله تبارك الله ... وزوجته اقل منه بواجد وباعترافها لكن ماشالله عليها واثقة في نفسها وتفتخر في جماله ...انا مااقول انه يتكبر على زوجته لكن تصرفاته معاها تقهر .... انتو اكيد عارفين شخص بمثل هذي المواصفات كيف يكون اذا تزوج ...زوجته تعاني من عدم احساسه بالمسئولية :06:....
الحاصل ان زوجته كلمتني قبل يومين وكانت زعلانة ومهمومة ....تقول انه مو مهتم فيها مايوديها ولايجيبها كل مااحتاجت مشوار قال لها خلي ابوك او ابوي وسيارته عند صديقه يتمشى فيها مع زوجته وهي المسكينة لو احتاجت شي لولدها قال مايمديني:06:.... ويصارخ عليها ويشرشحها بالكلام اذا عصب ومااعنده اي اسلوب في النقاش وقت النقاش يصارخ ويسب ويهرب لانه ماعنده اي حجة قوية .... على فكرة من لما كانت حامل تقريبا في الرابع ولين الحين يمكن عمر ولدها3 شهور مرض اخوي مرض نفسي .... او هو اوحى لنفسه بهالشي والله ماادري.....ظل في البداية يعاني ومحد يدري عنه غير زوجته ... تجيه خفقات في قلبه ويخاف وتسود الدنيا في وجهه لا ياكل ولاينام ولا يطلع ...اهمل حتى شكله مايحلق ولايبدل ثيابه حتى وزنه نقص يمكن 7 كيلو ونحف وصار اسمر سمار مرض ويخوف حتى انا كنت اذا شفت شعره طويل ومو محلوق اقول في نفسي يما يخوف كنه مجنون اسم الله عليه ... بعدين اعترف لنا بحالته ... ودليل انانيته وحبه لذاته صارت حالته النفسية محور حياته وكلامه ...طول الوقت يتكلم في هالسالفة حتى انا مليت صرت اتهرب منه :024:...لاني مااتحمل الشخص الشكاي الخواف اللي مثله وكمان سلبي ومو قاعد يساعد حاله باي شي ... لو كان عنده كرامة واحساس بالرجولة كان اشتغل ومعاش عالة على امه وابوه ...وماصار من الفراغ يتوهم كل الأمراض اللي بالدنيا فيه ...وياليت عايش عالة عليهم بس بالأمور الأساسية الا حتى بالكماليات :mad:... المهم انا قلت لزوجته تغيري عليه شوي ....على الأقل امه وابوه مايقدرون يقسون عليه اقسي انتي خليه يعرف ان الكون مايمشي على هواه ..... وانا لولا اني عارفتها وعارفة شخصيتها ماكنت وقفت معاها ضد اخوي .... بس اشوف بعيوني واشهد بالحق تحبه وتموت فيه ...تدلعه وتراعيه وماتخلي شي الا وتجتهد وتسويه له .. مع انها صغيرة لكن من جد زوجة صالحة ويعتمد عليها ... يوم مرض ماقصرت معاه ووقفت معاه وقفة تشرف ... تقول كان يحضنها ويبكي ويقول اذا الله عافاني بعوضك عن كل التقصير وعدها وحلف لها والحين يوم حالته تحسنت شوي قلب عليها ...والمشكلة انها مرة حساسة وطيبة وتعطي من قلب وتصورو الحين هي نوم ماتنام من كثر التفكير والهم .... ومن امس قلت لها لاتردين على تليفوناته وماصارت ترد ... قلت لها كمان اثقلي عليه وبلاش حتى البرتقالة تقشرينها له ...تقول وش اسوي انا هذا طبعي واسلوبي ابي ارضيه وماابيه يحتاج لاحد غيري ...قلت لها مو كل الرجال تكسبينهم بهالطريقة ....لاتعطينه كل شي وتدلعيه ....كفاية امه وابوه يعطونه كل شي ويدلعونه يمكن ماتعجبه الانسانة اللي تغرقه بمشاعرها وتخليه يملي ايده منها .... الرجال يحب الانثى صعبة المنال احيانا .... اللي تخليه عايش على اعصابه مو ضامن موقفها منه ...ومدري نصيحتي لها بمكانها والا يمكن تضرها ارجوكم شورو علي ....واشكركم من كل قلبي:44:
ღ عنفوان ღ @gh_aanfoan_gh
عضوة فعالة
يلزم عليك تسجيل الدخول أولًا لكتابة تعليق.
بريره
•
وجهة نظري كلامك فيه مصلحه لطرفين يعني لاخوك ولزوجته يعني انت بتصلحين حالهم وهي الي طلبت منك المشوره؟؟بس تابعي معها الموضوع.. ولا تهجم عليه بالقسوه يعني لازم تتغير عليه بالتدريج..عشان مايشك انه فيه احد مغيرها عليه.....>>>ملاحظه>>> انتبهي لا توهــــــــــــــــــــــــــــــــــقك مع اخوك.....الله يصلح حال الجميع
حتى امك وابوك اقنعيهم يخفون من تدليعهم له يخلونه يحس بالمسؤاليه...لو لاقدر الله صار في ابوك شي من ييدلعه وينفذ طلباته..
الله يهديه ويهدي امك وبوك الي وصلوه هالحاله
الله يهديه ويهدي امك وبوك الي وصلوه هالحاله
انتي اشتغلي على كل المحاور يعني مو بس زوجة اخوك
انتي حاولي معه وخلي امك وابوك بعد
يعني مو بس بنت الناس
الله يعينها
اهم شي دليه على قيام الليل والدعاء خلي يشوفها ليل ونهار على السجادة ولا تقول رياء بالعكس بوجوده او عدم وجوده خليها مع الله
ترى رضى الله اهم من رضى زوجها
واذا ربي رضضى عنها بيسخر لها زوجها ويسعدها والعكس لو مارضى رب العباد ما رح يرضى العبد
خليها قوية محتسبة كل عملها ولا ترى جهدها رح يضيع \
الله يجزاك خير انامعك شجعيها وثبتيها
انتي حاولي معه وخلي امك وابوك بعد
يعني مو بس بنت الناس
الله يعينها
اهم شي دليه على قيام الليل والدعاء خلي يشوفها ليل ونهار على السجادة ولا تقول رياء بالعكس بوجوده او عدم وجوده خليها مع الله
ترى رضى الله اهم من رضى زوجها
واذا ربي رضضى عنها بيسخر لها زوجها ويسعدها والعكس لو مارضى رب العباد ما رح يرضى العبد
خليها قوية محتسبة كل عملها ولا ترى جهدها رح يضيع \
الله يجزاك خير انامعك شجعيها وثبتيها
كلامك صح ونصيحتك بس مثل ماقالو البنات امك وابوك لازم بعد يتغيرون ولازم يلاقي وظيفه ماراح يتعودالمسؤوليه وهوماعنده وظيفه وخاصه عنده طفل محتاج الله يعينكم
حبيبتي من جد بنت_ناااااااااااااااااااااس_
الله يعينها مدلل وما يشتغل وما يلبي طلباتها ....
انا في نظري الام والاب هم الاول يتغيرون يعني المصروف يقل تدريجي عشان يتلحلح ويدور على شغل هذا اولآ ...
ثانيا:الغدا زوجته تطبخ وهي اللي تغسل وتكوي وهذا بعد مايشتغل عشان كل واحد يعرف حدوده ومسؤلياته ....
بعدين نصيحتك موفقه خليها تثقل شوي ....
صحيح الوحده تحب تدلع زوجها بس مو لدرجه تفسده >>>> مثله مثل الطفل <<<< الدلع الزايد يمجغه
وتابعي الموضوع مع الوالد والوالده ومعاها و وصيها ماتجيب سيرتك عنده ....
والله يكون بعونها ...
الله يعينها مدلل وما يشتغل وما يلبي طلباتها ....
انا في نظري الام والاب هم الاول يتغيرون يعني المصروف يقل تدريجي عشان يتلحلح ويدور على شغل هذا اولآ ...
ثانيا:الغدا زوجته تطبخ وهي اللي تغسل وتكوي وهذا بعد مايشتغل عشان كل واحد يعرف حدوده ومسؤلياته ....
بعدين نصيحتك موفقه خليها تثقل شوي ....
صحيح الوحده تحب تدلع زوجها بس مو لدرجه تفسده >>>> مثله مثل الطفل <<<< الدلع الزايد يمجغه
وتابعي الموضوع مع الوالد والوالده ومعاها و وصيها ماتجيب سيرتك عنده ....
والله يكون بعونها ...
الصفحة الأخيرة