ماقصرتو ي بنات والله ماتدرون شكثر كلامكم اهو الي خفف عني .. مالي غيركم افضفض له ولا احس اني بموووت .. الليله ولاول مره من تزوجنه مسكت جواله ولقيته مغير الرقم السري وهو عمره ماسواها وجواله دايم بيدي وهو واثق من نفسه بس تصرفه الليله طير مخي واكد كل شكوكوي 😔😔😔 انا خلاص انهرت بعد ماطلع واحس اني موو متحمله وقررت اواجهه
بس لما جا لقاني ميته بكي ماتنزل سألني الا مره او مرتين وقلت له جاني نزيف الحمل وبطني يألمني .. تخيلو ي بنات انه سحب علي وراح قال خل يجيك وشفيها حتى ماقال نروح المستوصف نتطمن ... بمووووت قهر من ردة فعله وتاليها يمسك الجوال ويضحك ويتصفح ،.. وانا جنبه احترق قلبي يحترق كل ثانيه وكل دقيقه موو متحمله .. ولما قلت له افتح جوالك بكلم امي جوالي طافي وليش مغير الرقم السري .. حسيته ارتبك وماعرف شنو يرد وتأكدت مليون بالميه انه في تلحوال رسايل مايبغاني اشوفها .. وانا احس روحي بتطلع الا اشوفها واعرف شنو يدور وراي

ماعليه ي بنات مالي الا الله ثم انتو احس براحه موطبيعيه اذا جلست وكتبت وفضفضت لكم لا هالشي مستحيل اطلعه لبرا حتى لاختي اقرب الناس لي

ايوه والله مالك الا كذا ووريه وجهك الثاني صيحي وانفعلي تغيري من شخص لطيف الى شخص طويل لسان

الضعف مافاد خلاص اجل تغيري خليه يجي وقوليله انا شفت الرسالة وبكيفك تبغى تتزوج تزوج لكن انا ماتجمعني مع احد وورقتي توصلني اولد من هنا واطلع من البيت حتى انا بتزوج وبشرف حياتي لاتحسبني بجلس ببيت اهلي اربي العيال لا والله بعيش حياتي والعيال تشتتهم بذمتك ولا انا كنت صاينتك وتغيب عني اسبوع كامل ولا فكرت بغيرك جالسه مع ولدك اربيه وافكر فيه وبرجعتك ، لكن الحين خلاص عرفت نوعك وماراح يصير خير

خلي النهاية مفتوحه وخليه هو اللي يدور عليك مو انتي

وهذا الي صار .. واجهته وحسيت كأنه مصبوب عليه ماء بارد من الصدمه ... بالبدايه انكر وقال انه مو له بس كان بيدور لصديقه!! وبعدها قلب الهجوم عليّ اني ليش فتشت جواله ولما حاصرته من كل الجهات وقلت له ورني المحادثات اذا كان فيها دليل برائتك .. وحتى لو انك بس خطبت وما تزوجت راح اسامحك بس لاتستغفلني وتنكر ... قال لي لو بسويعا ماراح اشاورك و مالك شي عندي وروحي بيت اهلك .. المهم انا تعبت وهو ماراعى حملي .. وجاني نزيف اقوى ورحت بيت اهلي وطبعا ماقلت لهم شي ولا راح اقول وهو مستمر بعناده وانقهرت عليه وقلت له برساله اني راح اهددك بفضحك قدام اهلك والناس انك تخونني ..وادري شكثر صورتك مهمه قدام الناس .. تفاجأت بعدها انه يعتذر ويطلب السماح وانه مايتخيل حياته من غيري وانه وانه ... وترجاني ماطلع الكلام لبره .. وانا مارديت عليه .. واهو على اعصابه .. بنات هل الشي الي سويته صحيح😭 نفسيتي تعبت وحملي مهدد وانا موقادره ارتاح
نصحوني شنو اسوي .. كيف ارد اعتباري واضمن انه مايكررها وبنفس الوقت انا مالي نيه اتركه واترك بيتي بس مابي يستسهل الي سواه