نصحوني قبل لا يطيح الفاس في الراس

ماعندي خبر عن هالمنتج


باعتقادي التمليس يصلح للي شعورهم قوية و الشعرة سميكة علشان تتحمل

والتمليس ماينحط على الجذور ديري بالج لانه إذا لمس الفروة احتمال يحرقها و يطيح الشعر

ولكن ابعدي عن شي اسمه تمليس

وخليج على الطبيعي أفضل

مشكوره اختي على النصيحه....لكن المشكله اني اعاني من شعري وخاطري يكون ناعم حرير

انزين فيه عندكم بالامارات الحنة اللي اسمها حنة شين من المنتوجات المصرية

اخذي الاصلية لايغشونك يقولون عنها زينه و ماتخرب الشعر وتعطيه نعومة

وإذا فادتك أختي طرشيلي منها :D علشان أنا بعد محتاجتها بس ما أدري إذا موجودة عندنا أو لا

ياهلا اختي ,,

والله التمليس قوي على الشعر ,, لكن انت جربي على خصله صغيره من اسفل الشعر وشوفي النتيجه ..

الله معك

نصيحه, لا تلعبين بشعرج, إذا كنتي ما عمرج سويتي تمليس, لا تخاطرين وتحطينه بروحج, الريلاكس و التمليس يبيله ناس خبره تسويه, وغسال و توزيع عدل على الراس... تحملي...

إذا كان ألحين ناعم و شوي منفوش, أحسن من إنج تحرقينه و بعدين لا كو شعر ناعم ولا منفوش..

إنتي روحي صالون عدل و إستشيريهم , يكون أفضل, بس نصيحه مني لاااااااااااااااااااااااااااا
تسوينه (سألي مجرب),أنا راح شعري من غبائي وطمعي, ومنهه حرمت , وتميت على الزيوت و الحنه , وإستشوار ما يطيح براسي, ولله الحمد,ما شاء الله تبارك الرحمن, راعية الصالون يوم شافتني بعد غيبه طويله, وكان عندي حفلة زواج, رحت أسشوره عندهه, ما شاء الله , يوم شافت شعري , صار على بالهه إني حاطه وصله (ما شاء الله تبارك الرحمن)...حبيبتي, نصيحه من إختج, خلج على الزيوت, والله إنهه تنعم (زيت اللوز, إيفا بالصبار) وغيرهه كثير...

bye...