نصحووووني شاسوي معااااه

الله يعينا

بصراحه جبر بعد يغار من أخته كثير وزاد عن قبل

بس لأني تعبت معاه أبي أسوي أي شي يهديه ماشاء الله عليه عنده نشاط زائد

قلت بسأل الدكتور عن زيت السمك يقولون يهدي الأطفال

كلنا في الهوا سواااااااااااااا .. خخخخخخخخخ
انا عندي ولدين واحد عمره 5 سنين والثاني لسه شهر ونص ..بسسسسسسسسس ..
ايلي عمره 5سنوات كان مشاغب ومايسمع كلامي .. ووووو .. لو احكي لك ماتصدقي .. بس الصراحه أستشرت وحده بالجامعه دكتورة علم نفس .. ههههههه .. >>>لمن خلاص نفذ صبري ..
واعطتني نصايح واتبعتها والحمد لله اتغير تماما .. حتى الكل لاحظ الشي ذا .. ودحين له تقريبا سنه بهذا التغير .. صار عاقل ويسمع كللامي وهادي ...
اول شي .. اذا عمل مشاغبه أو كسر شي او ماسمع كلامي >>.المهم استخدم اسلوب الحرمان .. ولدي يموت على ولد جارتي ويحب يلعب معاه .. وهو بنفس عمره .. ونفس الشي يحب بنت اختي ويلعب معاها .. فكنت اهدده باني أحرمه من الروحه لولد جارتي او عند اختي .. بس كنت أنفذ التهديد عشان يصدقني بعد كذا ويأخذ كلامي بعين الإعتبار..
ومرات كنت أذا عمل شي ومشاغبه .. كنت أخاصمه بس باسلوب هادي وخلاص أجلس كم ساعه ما اكلمه .. صح قلبي مايعطيني بس أضغط على نفسي وأطنشه حتى لو جا كلمني .. بس بعدين خلاص ..
المهم اني ما اضربه ابدا ابدا ..
ولمن يكون هادي .. أجلس معاه واكلمه بطريقه غير مباشره عن سلوكه المشاغب .. ووووو ..
وكنت أقول له اذا رحنا لأهل زوجي مثلا .. كنت اقول له لو ماسويت مشاغبه ولو ماضربت احد .. أشتري لك هديه .. واختار اي شي يحبه .. >>.بس ماكنت استخدم الاسلوب ذا دايما عشان مايتعود ان كل شي له مقابل ..
وبنفس الوقت أتقربت لولدي أكثر .. مثلا صرت ألعب معاه وووو .. الخ صار قريب مني أكثر وبنفس الوقت يصير يسمع كلامي أكثر واكثر ويتقبله ..
الحمد لله دحين صار طباعه أفضل من اول .. بكثيرررررررر ..
بس الاسلوب هذا ايلي اتبعته اخذ مني شهور .. بس ما يئست وجاب نتيجه ..

انشالله ربي يهدي لك ولدي مثل ماهدى لي ربي (حمودي ولدي ) ..

ام طلال ولين ..
ههههههه .. والله ضحكتيني ..
انتي طلال ولدك كم عمره ؟؟ في المدرسه ولا لسه ؟؟ ومايغار من لمار ؟؟
تصدقي مرات الضرب يجيب نتيجه ..انا ما اضرب الا في النادر و لمن اشوف ان كل الطرق مانفعت خلاص وقتها اضربه ..
انا الفترة هذه اعاني من مشكله مع (محمد)ولدي انه بدأ يغار من أخوه .مهند .
رغم اني في فترة الحمل كان فرحاااان اني راح اجيب له اخو وطول الوقت يقول انا يا ماما طفشان ماعندي أخو ولا أخت وووو من ذا الكلام ..
ولمن ولدت كان فرحااان بأخوه بس لمن جيت من عند اهلي .. بدأ يغار ويسوي تصرفات تقهر .. لمن يشوفه نايم يجي ويأخذ خصله من شعره ويجرها بقوة .. ويروح يجري ..

اليوم كان مهند يبكي طول الوقت .. وتخيلي قام محمد ولدي وجاب من الدرج شطرطون و قال ياماما حطي له على فمه شطرطون احسن ولمن يسكت خلاص نخرجه ..
وكل شويه يقول ليش ماتعانقيني بس تعانقي مهند .. رغم اني والله ماني محسسته بشي بالعكس صرت أدلعه اكثر من زمان ..

ماشالله .. يعني متقاربين ولدي وولدك ..
لان محمد ولدي يوم 22 لرمضان يخلص 5 سنوات .. بس أنا مدخلته روضه ..
لسه بدري المدرسه السنه الجايه باذن الله ..

ولدي في الروضه ايلي في سكن التحلية ..
لان زوجي مهندس كيميائي ويشتغل في (المؤسسه العامه لتحلية المياه) ايلي عند البحر .. فيها روضه ومدرسه كمان ..
لكن بالنسبه للمدرسه والله موعارفه بس أكيد التابعه لعمل زوجي ..