نصحيتكم

بنات لي صديقة قريبةً وكنت احبها واعزها وفجأة تصرفاتها تغيرت علي خلال السنوات الاخيرة وتكلمت معاها وعادي مازعلت عليها ولاحظت آخر سنتين ماتذكرني بعيد ميلادي ولاتسأل عني الا كل ٦ اشهر مرة او ساعات ٤ اشهر وبعدين تزوجت وصارت ماترد على مسجاتي الا عقب يومين وتقولي عندها ظروف وانا توها متزوجة وانا سامحتها ولازعلت عليها وحتى بعيد ميلادي فقدتها وقلت لها وقالت لي انها راح تعوضني وتعزمني وعااادي انا والله مازعلت وحتى قالت اني انها حامل وباركت لها ولما صار عيد ميلادها انا ماباركت لها بعيد ميلادها ومن يومها قلبت الدنيا علي واحذفتني من السناب والاستغرام وانا انصدمت من ردة فعلها ليش جذي سوت


وكلمتها ودقيت عليها واهيا ماترد ولا بكلمة وتميت على هالحال ٨ اشهر ادز لها مسجات من خلال الواتس اب فقط البرنامج الوحيد اللي ماحذفتني فيه واهيا ولاترد واترجاها اقولها شنو السبب انا ماكنت ادري شنو سبب حقرانها وصدها لي وكنت اتألم وافكر فيها وافكر شنو سويت واترجاها ترد علي تقولي واهيا ولا همها
ولما دخل رمضان باركت لها بالشهر وردت علي تقولي صداقتنا مهزوزة وانتي ماتقدرين ولا شي وعاملتيني نفس المعاملة قصدها اني ماباركت لها بعيد ميلادها لانها ماباركت لي


ودقيت عليها ودزيت لها مسج قلت لها خلينا نتفاهم واذا انتي صج تحبيني ومتمسكة بصداقتنا عالاقل تعذريني وانا مو من النوع اللي في بالج ولكن للاسف ضلت تحقرني ولاردت علي بكلمة وحدة ولاردت على اتصالاتي وانا تعبت نفسيا منها
وما ادري شنو اسوي معاها
ابي نصيحتكم