>>jewels<< @gtgtjewelsltlt
عضوة فعالة
::نصـائـح لزواج ناجح بإذن الحي القيوم::
السـلامـ عليـكمـ ورحمـة الله وبركـاته
حيـاكمـ الله عزيزاتــي
بإختصـار قريـت هالموضـوع لأحدى
العضوات الرائعـات بإحد المنتديـات
عجبنـي أسلوبــها ونصائحـــها
فحبيــت انقلها لـكمـ
وبـإذن الله تستفيدون منـها
لكـن عندي طلب ماأبغى شكر ولا ثنـاء
فقط أريد دعواتكمـ الصادقه
بالتوفيق وان يرزقني الله ماأتمناه
اتركمـ مع الموضـوع
//
\\
//
بسم الله الرحمن الرحيم ..
{وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ }
أولاً.. الموضوع عبارة عن نصائح متنوعة لكل فتاة مقبلة على الزواج .. وبالتالي الموضوع مهدى لقلوبهن
ثانياً .. هذه النصائح بعضها إكتشفته مع الأيام وبعضها جائتني يوماً كنصيحة واستفدت منها كثيييييراً ..
نبدأ ؟
الخطوبة ..
تختلف عاداتها من بلد لآخر ومن عائلة لأخرى ..
لكن المؤكد أنها المرحلة الأولى لإجتماع قلبين ..
الشوفة الشرعية
خايفين صح !!
بالعكس هي أحلى وأسهل مافي الموضوع
هي حق للرجل والمرأة ..
يمكن تكونين مشوشة قبلها .. محتارة .. مضطربة ..
بس بعدها - إذا ربي كتب نصيب - تغشى قلبك السكينة ..
وترتاحين ..
وطبيعي جدن يستمر التشويش والإضصراب لمابعد الشوفة ..
الملكة ..
أحلى أيام باتفاق جميع المعرسات
نصيحتي خلوها على الأقل شهرين ..
عادة بعد الملكة تبدا المكالمات والزيارات ..
وفيه ناس قبل الملكة ..
لكن يابنات قبل الملكة هذا الرجل مايعتبر محرم ..
يعني مايجوز تكلمينه ..
أدري فيه كثير راح يعارضوني على هالنقطة ..
ويقولون إحنا نكلم عشان نعرف شخصيته وأسلوبه ..
وإلا بعد الملكة خلاص ماينفع طاح الفاس بالراس ..
لهم
أحب أقول
الزواج بكبره مغامرة
يعني مهما كلمتيه ومهما حللتي شخصيته ..
قد مايكتب لك التوفيق ..
التوفيق من عند الله ..
حطي عينك بعين العزيز الحكيم واستخيري وتوكلي على الله ..
وبإذن الله راح تتوفقين ..
كثير وقفوا في وجهي أيام خطبتي ..
ليه ماتكلمين ؟؟ وش هالتخلف ؟؟ يامعقدة !!
وأنا أقول ياناس كيفي أنا أستخرت وراضية باللي ربي كتبه لي ..
حتى هو كان معارض بالبداية بس موب على كيفه
والحمد لله مرت بسلااااااام
***
لا زم لما تكونين مقتنعه بشي تتمسكين فيه أحيانا يعارضك أقرب المقربين لك
بس إثبتي ومصيرهم يقتنعون
****
قاعدة حطيها قدام عيونك
من أرضى الله بسخط الناس رضي الله عليه وأرضى عليه الناس
ومن أسخط الله برضى الناس سخط الله عليه وأسخط عليه الناس
****
الزيارات ..
طبعاً غالباً يكون فيها الحياء هو سيد الموقف ..
لكن بعض البنات الله يجزاهن خير
فصخوه
بزعمهم بيكسبون قلب الرجل المسكين
الرجل مهما كاااان متفتح .. يحب الحرمة اللي تستحي ..
بل فيه حالات طلاق صارات بسبب إن الحرمة هي اللي خذت المبادرة الأولى ..
عن الرجل ,,
الرجال مايحبون التفاصيل يعني لا تقعدين تقلقينه بأمك وخواتك فصلوا وإلا مافصلوا ؟ شروا وإلا خيطوا ؟
حاولي دايماً يكون للسالفة مغزى .. يعني لا تسولفين بداع وبدون داع ..
*****
الرجل كالمصور يحب أن يرى زوجته دااااااااائماً مبتسمة >> صدق من قالها ..
*****
عشان يحب جلستك وسوالفك ..
إبعدي عن النكد والطلبات والسوالف اللي تضيق الصدر ..
حاولي تخلين كل شي في وقته ..
في البداية بتتعبين
لكن إذا عودتي نفسك بتتعودين إن شاء الله ..
.
.
في هالفتره
كلن بيمسكك على جنب وهات يانصايح ..
عادي تحملي .. عطيهم فرصة يحسون إن لهم تجارب في الحياة ..
بس مو كل شي تسمعينه تطبقينه ..
ووه ياكثر مانسمع ونفوووت ..
.
.
الجهاز وحفل الزواج
طبعاً راح يربكك ويشوش تفكيرك ..
حاولي كل فترة تركزين على شي معين وتنجزينه بعدين إنتقلي للثاني ..
ولاااااااااااااا تكثرين
أحد قايل لكم إنكم بعد العرس بتعيشون بمقطعة
عادي ممكن تروحين للسوق أول أسبوع لو حبيتي ..
ووه عاد هاذاك الوقت لو تقولين بروح المريخ بتقضى ..
قال : سمي
وبما إنها فترة وتعدي
نصيحة : استغلي الموضوع
تفرجي واشتري وابثريه ..
ترا بعدين الــ سمي بتصير .. معصي
ووه لا تذكروني بس كل ماقال خذي هذا أقول مابي أنا ووجهي يقالي مستحية
.
.
.
يوم العرس ..
أحلى يوم في الدنيا ..
يوم ماتقدرين تعيدينه .. لو مهما سويتي ..
عشان كذا لا تنكدين على نفسك بنفسك ..
وتقضين اليوم صياح
انبسطي وفرفشي .. وعيشي يومك ..
حاولي تتأكدين من كل الحجوزات قبله بيومين ..
ويوم العرس وكلي المهمة لقريبة تثقين فيها وروووقي ..
لا تخلين وساوس تافهة تنكد عليك ...
كل شي يهون بإذن الله
ترا غالباً البنت بهالفترة تركز على أشياء غبية
مثل : شلون بفك التسريحة ؟
شلون بشيل الماكياج ..
شلون يشوف وجهي أول ما أقوم من النوم ..
هذي الأشياء التافهة سمحنا لها بيوم من الإيام تحتل جزء من تفكيرنا ..
ومرت وعدت بدون مانحس فيها ..
.
.
.
أنا قبل العرس بيومين طلبت من بنات عمتي ينامون عندي
وأنواع الصرقعه والهبال
قسم ماحسيت برهبة العرس إلا في الزفة ..
.
.
.
إلى الآن
طبيعي يكون شعورك عادي تجاه زوجك
وهو بعد ..
لا تستعجلين على قلبك ..
الحب مايجي إلا بالعشرة
وحتى لو ما جاء فيه بيوت كثيرة ما فيها حب بس فيها مودة ورحمة ..
وربي يكفون
.
.
.
أول سنة
غالباً تكون صعبة ..
النقاشات فيها كثيرة ..
فوسعي صدرك وتحملي وإن شاء الله مع الأيام بتفهمينه وبيفهمك وتقل هالنقاشات ..
ترا غالباً الحرمة هي اللي تتنازل
وهذا مو عيب ولا حرام ..
حتى هو ترا تنازل عن أشياء قد تخفى عليك ..
الزواج ما يمشي إلا بتنازل الطرفين عن بعض الأشياء عشان المركب تمشي ..
وإذا كل واحد متمسك ومتعصلج برايه شلون يعيشون
****
لما يعصب لا تردين أبداً .. لان في الغالب بتسمعين شي مايسرك
فخليه يخلص ثورة غضبه ويهدا ..
بعدين تفاهمي إنتي ووياه ..
**
أول الزواج
هو المرحلة اللي تحطون فيها الخطوط العريضة لحياتكم ..
الشي اللي بترضين فيه بأول الزواج راح ترضين فيه طول عمرك ورجلك فوق رقبتك ..
أنا ما أقول إنشبي بحلقة على أشياء تافهة ..
لا
لكن إذا تضايقتي من شي بيني له إن هالشي يضايقك ومايعجبك ..
..
الرجل كالطفل >> برضو صااادقين
سايسيه بتاخذين نن عينيه ..
دلعيه حسسيه بأهميته عندك ..
إمدحيه
.
.
.
من أحلى النصايح اللي سمعتها
طوري زوجك
في كل شخص مواطن إبداع ونقاط ضعف ..
حاولي تعرفين مواطن إبداعه وطوريعا أو على الأقل اسمحي له يطورها ..
وإعرفي نقاط ضعفه وعالجيها بطريقتك
.
.
.
الزواج
مو حلم وردي
مو دلع ومطاعم وبوك مليان ..
الزواج مسؤولية ..كفاح ..
وإلا ليش أجر التبعل للزوج يساوي أجر الجهاد والجمعة والجماعات ..
متخيلين !!
بس حسن تبعلك لزوجك يعدل ذلك كله ..
زوجك جنتك ونارك
" من ماتت وزجها راضٍ عنها دخلت الجنة " أو كما قال صلى الله عليه وسلم ..
يعني بكل شي تسوينه احتسبي الأجر ..
بلبسك
مكياجك
طبخك
تنظيفك
ترتيبك ..
ملاحظين إني أقمز من شي لشي والموضوع صاير مو متسلسل أبد
معليش تحملوني
الشكل
حاولي دايماً يكون شكلك مرتب ..
نظافتك الشخصية أهم من اللبس والماكياج ..
وأطيب الطيب المـــــــــــــــــاء .. يعني تسبحي
لا تبالغين في لبس البيت المشخلع ..
ترا كل شي بوقته حلو ..
بعدين ماتصير له فززة
..
.
غالباً
بعد سنة من الزواج
خلاص تكونين إنتي فهمتيه وهو فهمك
وتطيح المونة
لكن انتبهي
لازم يكون فيه حدود للميانة ..
يعني مو تتخلقنين من باب المونة ..
وإلا تتثاوبين في وجهه
الحيا حلو يكون موجود
ولو ما إنتي مستحية تصنعي الحيا
الرومانسية
ممكن تغرسينها بنفس زوجك بمعاملتك له ..
حتى لو كان جلف بيتعود عليها وبتأثرين عليه وأذكرك ..
رغم أن بعض الرجال جلافتهم مستعصية
بس حاولي
مو عيب ترا
إلا على طاري العيب
بين الزوجين مافي شي إسمه عيب ولا شي إسمه كرامة ..
إنتم روح في جسد .. إنتي وياه شي واحد ..
تذكري ..
إن إبليس دايم حاضر في النقاشات ..
لا تعطينه فرصة
ولا تجحدين المعروف في لحظة ..
إستغفري الله وتعوذي من إبليس ..
وإخزي الشيطان
باقي أهم شي وهو سلاح المؤمن
الدعـــــــــــاء
إدعي بكل صلاة إن الله يسخر لك إياه ويسخرك له ..
إرجعي لله ..
لا تستغربون !!
كيف نرجي التوفيق من الله وحنا بعيدين عن الله
كيفكم مع الصلاة !!
الصيام !!
الصدقات !!
البعد عن ماحرم الله !!
جاء في حديث للمصطفى عليه السلام : " ماعند الله لا ينال إلا بطاعته "
يمكن يجي في بالكم بعد قراءة هالموضوع إني زوجة بيرفكت
لا أنا ولا إنتم ممكن نكون بيرفكت
عسى الله يسامحنا ويتوب علينا ..
//
\\
//
انتهـــى موضوعهـــا
وبـالختـامـ أطلـب منكمـ
أخـواتــي الغاليـات
ماتنسـونـي ولا تنسـون اختنـا صاحبـة الموضوع
من دعواتـكمـ
دمتمـ تحفـكمـ عنايـة المولــى
25
2K
يلزم عليك تسجيل الدخول أولًا لكتابة تعليق.
هلاااااااا
جزاك الله خير
والله يرزقك الزوج الصالح الطيب الحنون المتدين الذي يخاف الله عاااااجلا غير اجل
ويوفقك ويسعدك .....
جزاك الله خير
والله يرزقك الزوج الصالح الطيب الحنون المتدين الذي يخاف الله عاااااجلا غير اجل
ويوفقك ويسعدك .....
جزاك الله خير على هالنقل المفييييد وجعلة بميزان حسناتك 00جزاك الله خير على هالنقل المفييييد وجعلة بميزان حسناتك 00
//
\\
//
اختــي جيثــــار
اللهمـ آميــن وياااكـ وكل مسلـمـ
مشكـوره أختــي على المرور العطـر
//
\\
//
هلاااااااا جزاك الله خير والله يرزقك الزوج الصالح الطيب الحنون المتدين الذي يخاف الله عاااااجلا غير اجل ويوفقك ويسعدك .....هلاااااااا جزاك الله خير والله يرزقك الزوج الصالح الطيب الحنون المتدين الذي يخاف الله...
//
\\
//
أختـي عشووووقــه
اللهمـ آميـــن وياااااكـ ياااارب
وجميع فتـيات المسلميــن
اسعدنـي مروركـ العطـر غاليتـي
//
\\
//
الصفحة الأخيرة
وجعلة بميزان حسناتك 00