نصلي نصوم ونصلي الضحى ونقوم الليل ونقرء القران ونستغفر وندعي ونتصدق .. ابي على طول !
بسم الله الرحمن الرحيم
اخواتي بعالمنا الغالي كل عام وانتم بخيير
بدخل بالموضوع على طول
شفينا يابنات تكون همتنا وعزيمتنا قوويه وبعدين تفتر بسرعه ونتعب ونتكاسل
يعنى انا واعوذ بالله من كلمة انا ابي على طول اذكر ربي واستغفر وادعي ابي لسانى رطب بذكر الله
ابي ادعي ربي بكل حزه مو شرط اذا طحت بمشكله اذكر ربي وادعيه لا ابي ادعيه بكل وقت
ولا انسى
كمان ابي اصلي الليل قيام الليل ابي على طول اقوم واتوظا واصلي مو فتره اشد حيلي وبعدين
اخمد وانسى
القران بعد يجي وقت تكون همتى واصراري كبير اقرء واحاول احفظ وبعدين يخف الحماس ويقل
الاستغفار اذا ذكرت استغفرت وياااكثر ما ننسى واذا ذكرنا استغفرنا شلون نستغفر على طول
والشي اللي مضايقنى لابد الاستغفار يكون بتحريك الشفتان ولازم وانا استغفر يسمعنى اللي قريب
ابي يكون بينى وبين ربي مابي احس وانا استغفر ان اللي حوالينى يسمعونى وبكذا احس انى منافقه
حتى لو ماكنت اقصد شلون استغفر من غير اي صوت ولايحس فينى احد حتى زوجي بالسياره
مابيه يسمعنى وانا استغفر ابي اكسب اجر وابعد عن الريا رغم انى ما اقصد الريا
شلون اداوم على صيام الاثنين والخميس الخميس يمكن لانه اجازه لكن الاثنين دوام وتعب اقدر
اصوم الخميس بس ولا لازم مع بعض
الادعيه ما شاء الله هنا بالمنتدى ادعيه حلوه وتريح القلب ومفعولها كبير اذا كانت من القلب لكن
شلون نحفظها اذا ابي ادعي بموقف كيف اتذكر دعاء قريته بالمنتدى
الصلاه ابي اخشع فيها واصليها بحب وانتظر الاذان علشان اوقف واصلي بكل حب واخلاص
مو اصلي وتفكيري بنتى ولا زوجي ولا الغداء لايحترق بالعربي تصلي وانتى مشغوله ...؟؟؟
ابي قلبي يكون صادق مع ربي ..؟؟؟ مثلا اذا كنت ادخل عالم حواء بستمرار واقرء الادعيه
وحرص البنات على القرب من الله تلاقوني اهتم واعمل زيهم واحرص على كذا ...؟؟
لكن اذا تركت المنتدى فتره وانشغلت يقل حماسي واصراري وبس اقرء مواضيع تقرب
من الله ارد زى اول ...!!
ابي شي يثبتنى ويقوي علاقتي بربي
ابي اكون صادقه مع ربي اذا دعيته ورفعت ايدي له وانا مو محرجه من ذنوبي ومعاصي عملتها
ابي ابي اقوي صلتى بربي اكثر واكثر شلون
شلون يابنات اخلص نيتى لله شلون اذكر ربي على طول شلون اادي اللي علي تجاه ربي بكل صدق
بنات ابي اقوم الليل قبل الفجر بساعه اعوذ بالله اذا فكرت اقوم اقول بداخلي معقوله اقوم قبل الفجر
وعندى وعند بناتى دراسه متى ننام ونرتاح فتلاقونى اقوم كم يوم واكسلللللللل بعدها
بالنسبه لصلاة الضحى شلون اداوم عليها يعنى ما اصليها ركعتين لا ابي اصليها 12 ركعه
لكن بحكم انى بعمل اخاف من الرياء واحيانا ننشغل بعملنا ولانلاقي وقت
صلاة الوتر بعد والنوافل والسنن ..؟؟؟
التسبيح والاستغفار وقول لا اله الا الله محمد رسول الله ولاحول ولاقوة الا بالله
وغيرها من الاذكاااار شلون اداوم عليها واحرص عليها
الصدقاااااااات ابيها خالصه لوجه الله .؟؟؟ ملاحظه يابنات اذا اعطيت احد محتاج لانى احزن عليه مثلا
كناس بالشارع اعطيه لانى حزنت على شكله وهو ينظف ورحمته علشان كذا تصدقت عليه
بنات ابي حتى القران اقراه ولا امل احيانا اقراء وبداخلي اقول ماينفع كذا لان الصحابه والرسول
صل الله عليه وسلم اذا قرءوا القران ياثر فيهم وواحد من الصحابه جلس شهور يتدبر سوره
البقره متاثر فيها واحنا بساعه نختمها ..؟؟؟ شالفايده من قراءتها اذا نقراها وعيوننا وين وصلنا
وكم باقي علشان نخلصها ....؟؟؟
اتمنى تكون فهمتونى ابي كل شي يقربنى من ربي شلون اعمله وكيف استمر عليه والمداومه
عليه صعبه يمكن استمر شهر شهرين ثلاثه متواصله اعبد واصلي واصوم واقوم الليل واقرء
القران وبعدها ...؟؟!! افتر واتعب طيب وش الحل شلون اكون متواصله وقريبه من ربي ...؟؟
يابناااات ذنوبنا كثيرره وهذي المصايب اللي جاتنا من غلا الاسعار وعدم نزول الامطار
والامراض وموت الحيوانات وعدم شعورنا بلامن والامن مثل اول اكبر دليل على كثرة ذنوبنا
ومعاصينا نسال الله لنا الهدايه والثبات
اعطونا ادعيه لتثبتنا على مانحن عليه
نبي رائكم يابنات هل انتم مثلي ولا لا
مثلا في يومك من تصحين الى وقت ماتحطي راسك على المخده بعيد عن شغل البيت ؟؟؟؟
اللي بينك وبين ربك وش اللي سويتيه ..؟ وتحرصي عليه عمل يومى متعلق بساعات يومك
غير عمل كل اسبوع تقومى فيه لوجه الله ...؟؟ غير عمل شهري تحرصي على عدم انقطاعه ؟؟
شوفوا سنه 1428 راااااحت زى البرق واشغالنا للحين ما انتهت وحالنا زى ماهو ..؟!!
وش اللي عملتيه لربك وكل ماتذكرتيه فرحتي ..؟؟ وراح تعمليه لهالسنه وتداومى عليه ..؟؟
وخلونا نتفق على عمل خير نعمله كلنا ونواصل عليه ونستمر عليه ونرجوا ان ربنا يتقبله منا
السنين تمر بسرعه وكل عمل نعمله يدون في صحايفنا وتغلق ولاتفتح الا يوم القيامه ..؟؟!!
اكتبوا لي ادعيه هنا اكتبوا لي اعمال تعمل لوجه الله نتقف على عملها
ادعوا لي وللمسلمات بالصلاح والهدايه والثبات
ارجوكم يابنات ابي هذا الموضوع يكون مرجع لي علشان اقوي علاقتي بربي وكل ما فتحته
زاد حماسي وقربي من الله بدل ما ادور والفلف علشان الاقي دعاء او عمل اقوم به
خلونا نتفرغ لربنا وكل وحده تكتب في هذا الموضوع وصدقونى راح تلاقي الجزاء من ربي
لو مايستفيد من هذا الموضوع غيري يكفي ادعي لها دعوه من قلبي كل ما قريت لها شي هنا
والسلام عليكم ورحمه الله
7
751
يلزم عليك تسجيل الدخول أولًا لكتابة تعليق.
والله عندى نفس السوال هدا ياريت اخواتنا فى عالم حواء يردوا علينا
سبحان الله وبحمده عدد خلقه ورضا نفسه وزنة عرشه ومداد كلماته
سبحان الله وبحمده عدد خلقه ورضا نفسه وزنة عرشه ومداد كلماته
كلامك ينطبق علي 100 %
كم من الاعمال الصالحة ذهبت خسااااااااارة
لانها كانت من اجل رحمة بفلان او لان اخلاقي تدعوني لفعلها
ولكن الاصل
الذي ننساه
هو التقرب من الله تعالي
هو الله لا شريك له
اللهم ارحمنا برحمتك
استغفر الله واتوب اليه
كم من الاعمال الصالحة ذهبت خسااااااااارة
لانها كانت من اجل رحمة بفلان او لان اخلاقي تدعوني لفعلها
ولكن الاصل
الذي ننساه
هو التقرب من الله تعالي
هو الله لا شريك له
اللهم ارحمنا برحمتك
استغفر الله واتوب اليه
الصفحة الأخيرة
الله ينولنا اللي نبي