نصيبي وحياتي اللي عمرهم ماضحكوا لي

هلا بنات هذا اذا تذكرون موضوعي من اسبوع تقريبا حاطته
http://forum.hawaaworld.com/showthread.php?t=3871953
امس جاو ناس يبون يشوفوني لغرض الخطبه من قبلها وانا بقلق وخوف وكأنه عرسي بكره
وامي وقلقها بعد ومخليتني اخاف زياده ولبست وكل شي ودخلت لهم
مادري ليش من دخلت حسيت نفس القصه تتكرر ماحس انهم يشوفوني ويكتفون بسؤال او اثنين
معي انا اقول يمكن عشان مايحرجوني طلعوا من دون كلام كما هي العاده
ومدري ماتفائلت لما جاو وحسيت بضيييقه شديده وجاتني حاله العصبيه والدنيا سودا بعيني
وبزينتي بعد تجيني حاله خدران شديدد ورغبه بالنوم متواصله تقريبا يادوب اصلي وارجع أنام
وأبكي ومابي اسمع طاري عرس ولا ابي حتى اشوف اي شي يخص العرس حتى لو صدفه
جا شي بالتلفزيون يخص العرس من فستان او اي اي شي يخص العرس احس اكرهه
واتضايق منه واطالع روحي اقول يمكن في شي ناقص انا ولله الحمد بشهاده اللي حولي
جميله انيقه وست بيت ومثقفه ومتحمله مسؤوليه وهموم كبيررره ماتتتصورونها يعني بالعربي
جاهزه للزواج مومثل بنات هاليومين ماتعرف شي كل من قابلني يستغرب وضعي وانه كيف ماتزوجت وكل شي علي سويته دخلت موقع العفاف للزواج وخطابات وبعضهم يجون لي من كلام الناس او سائلين عني او اي سبب كان ومن تصير لي خطبه ماتوفق ومايتم نصيبي
ايام دراستي كانوا البنات يراهنون علي اني راح اتزوج خلال فتره بسيطه وكللله من يشوفون
يتكلمون عن كيف راح يكون زواجي وعيالي وهو لسه شي ماصار بس مأكدين انه زواجي قريب
وبعضهم توقعوا اني اتزوج قبل وحده من أخواتي لكن الحمد لله تزوجت قبلي وهي اولى لانها الاكبر وزين مانحطيت بموقف أني اتزوج قبلها وبعدها زادت الظروف السيئه ببيتنا
علاقه امي وابوي بدل ماكون مدللة صرت متعسه من تعب لتعب بصحتي فاقده الامان ومن مين؟؟؟
ابوي للاسف ظلم هم غم مافي رجال احس معاه بالامان الكل نفسي نفسي مصروف ماعندي
بخل ابوي علينا بكل شي حتى بدراستي الجامعيه على العلم اني متفوقه ومممكن ادخل كليه حكوميه بس أقسامها سيئه والشي اللي ماحبه يستحيل ابدع فيه
عندي ولدعم كبير بعمر بنته بالخمسين تقريبا عينه علي من ايام طفولتي قبل كان عينه على اختي الكبيره وحاول يفركش خطوبتها لولا انه اللي بياخذ اختي ولد عمته وولد عمه اختي بعد
بعدها تخيلوا بفتره وتقريبا عمري 11 حاول ينفرد فيني وماكنت اعرف شي لولا حمايه ربي  كان رحت فيها وماقلت لامي الا بعد فتره لاني مرعوبه ولاعارفه من ايش !!
والى يومنا هذا عمري 23 وخطبني اكثر من 4 مرات وأهلي رافضين وبناته وامهم اكيد يعرفون
لانه كل مره قدام خواته والكل يصرخ ويتحدا اهلي انه بياخذني << عندي قريبه تعلمني أخباره وكله يكلمها عني وحتى مره قالت لي لمن طلعتي جا جلس نفس المكان اللي جالسه فيه وشرب من كاسي ... قريبتي ماتنصحني فيه بغض النظر عن كونه كبير ومتزوج انه بس طمعان فيني شكليا
تقول لوتزوجتيه بتندمين
بنات ادري طولت عليكم ويعلم الله انه هذا أطول فتره صحيت فيها بعد امس واحس بضيقه
وحاسه اني رخيصه ومش عارفه السبب وأشوف ناس ماتخاف ربها واقل مني بكل شي
ماشي حظهم ومتوفقين وعلى كذه مازال الحسد بقلوبهم وهم عندهم كل شي
أسلوبي ملخبط ومشتت بس خلاص تعبت وليت أموت وافتك وكوشتي تكون مقبرتي لانه ربي لايعرف الظلم وهو رحمن رحيم راح يكون احن لي من كل شي
انا بس ابي استقر عاطفيا نفسيا اعيش بامان بعيد عن هالهم اللي انا فيه ابي اذوق السعاده
مابي اكون متناقضه ومتحيره
واكرر اعتذاري على الاطاله والله يفرج همي وهم كل المهمومين