في بعض الحريم الله يهديهم يحبون يشوفون حالهم سواء بالحمل او بالولد أو اشياء ثانية تافه
المقصود
انه اذا وحده حملت قبل رفيجتها او اختها تبين لها ان هي احسن منها عشان حملت قبلها او اذا وحده تأخر حملها يقولون لها كلام جارح مثل انتي لين الحين ماحملتي أو متى بتحملين (استغفر الله) جنه الشي بيدها
أو اللي عندها 4 او 5 بنات <عاد هني اسمعوا هاي ام البنات ولا هاي مافيها غير البنات ولا متى بتيبين ولد وووووو ..الخ
اليوم طرت في بالي رفيجتي وقلت اكتب لكم قصتي معاها
الله يسلمكم
انا تعرفت على وحدة اول زواجي وهي كانت توها عروس بعد
وحملت وعقب هي حملت بينا 3 شهور <<انا قبلها طبعاً:)
المهم وصلت للشهر الرابع وعرفت ان فيني بنوتة وكنت اقول للي يسألني انهم قالوا لي بنت
ولما وصلت رفيجتي لنهاية الثالث قالوا لها مايبين دشت الرابع وقالوا لها ولد جاتني فرحانة قالو لي ولد وراووها العضو عاد كل شوي تقولي انا فيني ولد وكل مكان نروحه تقولي انا بشتري لون أزرق حق ولدي ..
وكانت دايما تسألني تحسين بحركة البيبي وايد اقولها اي وانتي تقولي لا انا ماأحس وايد
يمكن عشان انا فيني ولد وانتي فيج بنت <<اشدخل:16:
او انها دايما تتوحم على الحامض عشان فيها ولد قلتلها انا بداية حملي بعد توحمت على الحامض
داااااااااايما كان قصدها من كلامها انها تبي تقهرني انا بتجيب ولد وانا فيني بنت <<مع انه عادي عندي بنت او ولد خصوصا انه اول حمل
وكل ماكانت تزورني من اول مابيبن بطنها الكل الكل امي وخالتي وهلي كلهم يقولون لها شكلج فيج بنت تقول لهم لا انا فيني ولد سويت تلفزيون اكدوا لي انه ولد والصراحة انا حسيت ان فيها بنت :35:
المهم مرت الشهور وهي كل شهر تروح تتأكد انه فيها ولد عشان اتجيني وتقولي قالو لي ولد
لين وصلت نهاية السابع واختفت فترة وعقب سمعت من ريلي اللي هو رفيج ريلها قالي انها راحت المستشفى وقالو لها بنت انا انصدمت قلتله لا مستحيل هي تقول ان اكدوا لها ولد يقولي راحت3 عيادات عشان تتأكد والنتيجة بنت عقب قال مادري يمكن رفيجي يستهبل علي قلتله اكييييد
وعقب فترة اتصلت لي وهي زعلانة انه قالوا لها بنت قلت لها كان تأكدتي تقولي انا رحت 3 عيادات وكلهم اكدوو لي بنت قلتلها اشلون عيل قالوا لج ولد تقولي مادري سألت الدكتور قالي الأعضاء مبينة جدامي بنت..
وعقب التاسع ولدت وجابت
:icon28:
بنوتة:04:
((الله يحفظها))
ووقت الولادة رحت شريت لها هدايا ولما زرتها شوي وبتصيح وماكانت متقبلة بنتها:(
بصراحة انا احس ان الله كان يختبرها ان كان يوهم الدكاترة انا فيها ولد وشوفو شلون كانت ردت فعلها..
هاي القصة للعظة والعبرة
وانتوا قولولي رايكم بصراحة