مراحب شلونكم
انا حقيقة اول مره اكتب بهالقسم على اني متسدحه فيه:p
يعني حقيقة انكم ونعم الخوات<==اخلصي جاية تخطب الاخت:o
المهم..
شفتوا جهاز الرينبو.. الجديد 2008
بصراحه انا ماكنت ابد مقتنعه بهالجهاز وسبق انها جاتني وحده وشرحت لي وظيفة بس..ماكنت مصدقتها..
المهم من اسبوع..
بديت انفض بيتي يقالي اول مره بعيد في السعوده على بالي العيد ترتيب وتنفيض هع
المهم اتصل علي المندوب.. وجا
قمت قلت لزوجي دخله بالمجلس<<==متكشخه كرفت فيه الليله اللي قبل لين..انقلبت من التعب
وجا الاخ..
وبدايشرح لنا تركيب الجهاز والمواد المصنوع منه للامانه الجها شكلة مررررره حلو
وصغير..
بدا عقب يوريني طريقة الكنيس..
وجا الاخ كنس السجاده اللي بالوسط وهو حاط قطعه سودا يالجهاز عشان يوريك..وش النظافه اللي انتي بازه بها
ياويلي يابنات وش كثر خجلت من زوجي ومن الرجال..
قال لي..لاتستحين كل البيوت اللي دخلناها طلع منها هالشي..
طبعا.. علمني المكانس العاديه حقتنا كيف تكنس وش تسوي لنا بالجو<== اثاريها امراض هالمكاين
المهم..
مالكم في الطويله...طلب مخده وطله منها شي غريب عجيب وقرفت انا نايمين على هذي<==المفرش ماصار له كم يوم فارشته ومتكشه فيه..
طلب شي جاي من المغسله"فكيت له بطانيه كانت في البلاستيك حقها بعد المغسله طبعا...لو تشوفون وش طله ماتصدقون اقسم بالله تفأجأت:o
عاد حقيقة انصحكم فيها..
والاشياء الحلوه اللي فيها:
* لها 16 وظيفه مابين كنس وغسل للرخام وتعقيم وتنظيف"السجاد البطانيان الشبابك حتى الاثات الكنب ولدواليب.
*يجي معها الاكسوارات كامله.
*يجي معها علبة كبيره معقم للهوا..خطير ريحته تاخذ العقل..يكفيك 4 شهور
*يجي معها 4 انواع معقمات معطره(الخزامى,البرتقال,الليمون,,الفراوله) وممكن اذا خلصت تتصلين ويجيبون لك.
*غازي القصيبي مسميها صديقة البيئة حقيقة يوم جا المندوب طفى اللمبة وشغل الكشاف وعينك ماتشوف الا العافيه من رذاذ الغبار اللي قاعدين نشوفه.. ثم شغلها وحط نفس الكشاف في الجهه الثانيه اللي يطلع منها الهوا بنات شي غريب ولا ذرة تراب يعني شغليها بالبيت وخليها تعقم..
*مع كل شراء لك هدية..
* الرخام تغسله لك بشكل عجيب ولمعه خطيره.
* انا حقيقة شريته عشان زوجي عنده حساسيه من الغبار فقبل مايجي من الدوام اشغله بالغرفه واحط واحد من المعقمات واخليها شغاله يعني 10دقايق ع الصوت العالي بعدين احط لو صوت مره يالله تسمعينه.
*فيها زي الخزان الصغير يتعبى مويه وتجتمع فيه الاشياء.. تدرون بعد ماخلص شرح فتح الخزان طبعا بعد ماشرب الشاهي... بغيت اصيح لو تشوفين البكتريا اللي تجمعت..مسويه فقاعات وجاية لزجه انواع الوساخه..حسيت اني عفنه:06:
*سعرها حقيقة 8000 ومدري كم بس ممكن تاخذينها اقساط لمده 6 شهور القسط الشهري 1200 ريال او ثلاث شهور
(بحاول اصور لكم المكينه وهي نظيفة وبكره ان شاء الله ناويه ادهر على المقلط وبصور لكم قبل وبعد.
واي سوال او استفسار انا حاضره
(((( تراي انسانه نظيفة والله ومعروفه بسناعتي ونظافتي ولله الحمد بس بعد المكنسة تحطمت حسيت اني اوسخ انسانه في بيتها اهئ اهئ اهئ)))
"اللي تبي رقم المندوب ممكن ارسله لها ع الخاص""
عشان ماحد يحسب اني لي علاقه بالهشركه اقسم بالعلي العظيم ..مالي علاقه فيهم وان قصدي بس ترتاحون مثلي.. يعني الزبده ماني مستفيده ابد من هالحكي يشهد على ربي"