نصيحة

السلام عليكم ورحمة الله وبركاته
أنا بنت مخطوبة ممكن الأخوات المتزوجات ينحصوني بشغلات ندموا أنهم عملوها بفترة الخطوبة ؟ + يابنات أول شي خطيبي يأرجل (يشيش) وقبل ما نخطب تكلمنا بوجود وسيط بيننا وكان عنده علم إني أرفضها رفض تام وهو قال أنه يحاول يتركها لكن الآن لنا سنة خاطبين (عاقدين) ما أحس أنه فعلًا يحاول يتركها لكن قال لي أنه زمان كان باليوم كثير لكن الآن باليوم مرة وقد ما يأرجل باليوم ولا مرة بس أنه فكرة أنه يتركها مش واردة 🙂 مش عارفة كيف أتعامل مع الموضوع يعني لما تتزوج أرفض وجودها بالبيت ؟ بنفس الوقت بيتنا بمكان بعيد جدًا عن الناس فأخاف إذا رفضت وجودها بالبيت يصير يسهر عند أصحابه بحجة إني رافضتها ومكان بيتنا بعيد ويخوف :( ، كمان شغلة هو بيسهر كثير مع أصحابه وعنده أصحاب كثير ، بالأسبوع بيزورني يوم وهو اليوم اللي بكون معطل فيه فبعد ما يروح من عندي بروح عند صاحبه قلي أنه صاحبه من أيام الطفولة وعاش طفولته ببيتهم وكثير علاقتهم قوية فلما يكون عندي بس يتأخر صاحبه بصير يبعثله وينك ونقط وعلامات سؤال عادي ؟ 🙂 أكثر من مرة يبعثله وأنا بتضايق ومرات ما بقدر أخفي إني تضايقت فلاحظت أنه صار بس يبعثله يصير يحكي شو بده هاد وروح طير ومن هالحكي وهو مستفززز يعني لو تأخر دقائق بصير يبعثله وهو صاحبه مش من عائلة كويسة كثير كمان انصحونييي
كمان بحكولي أنه لازم أكون ثقيلة مثلًا ولما يبعثلي ما أرد بسرعة بس نحنا علاقتنا قوية كثير يعني بحس ما بقدر إني أثقل يعني كيف 🙂
كمان شغلة يعني كثير بحكولي تصرفي بذكاء وإن الرجال مكارين وهيك بس ما بعرف يعني مش المفروض أكون قدامه على طبيعتي ؟ وهو المفروض يحبني مثل ما أنا ؟
والسؤال المشهور جدا كثير بحكوا النساء حوالي أنهم بتغيروا بعد الزواج ، ليشش أنا إنسان حساس كثير وبخاف من المستقبل وأنا بحبه كثير وبعتبره كل ناسي لأنه علاقتي مع أهلي مش بزيادة فمتعلقة فيه كثير وهو أكيد يبادلني الحب الكثير بس بخاف كيف بتغير بعد الزواج !!
معلش أطلت كثير بس والله عقلي مشوش كثير وكثير بسمع حكي من هون ومن هون وما بعرف كيف أتصرف 🥲