السلام عليكم ورحمة الله وبركاته
انا هدا الموضوع كنت كتباه رد باحد المواضيع وبناءا على نصيحة احدى الاخوات طلبت مني اكتبه كموضوع لتعم الفائدة وممكن أي وحدة فيكم يكون عندها مشكلة او بتحتاج لنصيحة وتلاقي جوابها بهدا الموضوع
خواتي الحياة الزوجية مشاركة بين زوجين ذكر وانثى وطبيعة العلاقة مثل الميزان لازم تكون الكفتين متساويات عشان الواحد يقدر يوزن صح
نصيحة لكل وحدة مقبلة على الزواج او متزوجه تعرف شو هي حقوقها مزبوط وتعرف شو هي واجباتها
الزوجه من واجباتها اهتمامها بزوجها وببيتها وباولادها من واجباتها تعتني بزوجها بلبسه باكله بمظهره براحته بسعادته من واجبتها تهتم ببيتها يكون مرتب نظيف ريحته طيبه .من واجبتها اهتمامها باطفالها ببلسهم بتربيتهم باكلهم ومظهرهم باخلاقهم من واجبتها احترام اهل زوجها
وماشاء الله اغلب الموجودين قمة في تلبية الواجبات على اكمل وجه
بس كتير ما بعرفوا شو هي حقوقهم ..متمسكين بمبدا الزوج جنتك ونارك ...او مبدا اخر اصبري واعملي ليلة حمرا..بخونك اكيد الغلط منك اكيد مقصرة معاه ...بضربك اصبري شي عادي كل الازواج بضربوا ...بهينك مو مشكلة المهم ما يطلقك
خواتي ..الزوج على العين والراس ..بس انتي وين موقعك بهاي الدنيا وبهاي الحياة
لازم كل وحدة فيكم يكون الها طموح بهاي الدنيا...لازم يكون الها هدف لما تمر10 سنين وتطلع للماضي تحكي انا كنت وين وسرت وين ..تشوف شو انجازاتها بهاي العشر سنين تشوف وين مكانتها ببيتها وبين اولادها
لازم تعرف شو هي حقوقها عشان لما يمر فيها العمر ما تندم انها يا ريت عملت ويا ريت تكلمت ..يا ريت كنت قوية وما سكتت كل هاي السنين
من حقوق المراة احترام زوجها الها تقديره الها بذل المستحيل لاسعادها.. حفظ معروفها ..يطلعها ...عدم خيانتها ...عدم تجريحها ...حفظ مكانتها ادام اهله..الصرف عليها
خواتي بمنتدانا صار الوضع مبالغ فيه من تعظيم الرجل الوحدة بتدفن عمرها كله عشان ارضاءه وتدليله وبالمقابل بهديها عروس جديدة ضره عليها
...لازم وزن الامور بين حقوقك وواجباتك
انا بالنسبة الي بحب الامور الوسط لا المبالغة ولا التقشف
يعني انا بشتغل عشان اكمل طموحي بس كمان بعطي كل طاقتي لبيتي بس ارجع وقبل ما اطلع للشغل ..بهتم بزوجي وقايمة فيه من كل النواحي وقايمة ببيتي بالترتيب والنظافة
بس كمان ماسكة العصاية من النص يعني وحدة كتبت تعليق الرجال مو مطلوب يحترم اهلك!! ومو مطلوب يطلعك!! مو مطلوب يرفه عنك!!
يعني الاهل ميت خط احمر يعني معقول بترضي على نفسك زوجك ما يحترم اهلك؟؟ اذا ما احترم اهلك يعني مافي احترام الك
هو بقبل انك ترفعي صوتك على اخته؟؟ او تحكي بالعاطل عن اخوه؟؟ او ما تساعدي امه لما يكون عندها ضيوف؟؟ كيف انتي اقل اشي الي هو الاحترام ما تقبلي فيه
والي بتحكي مو مفروض يخرجك؟؟ يا اختي الحيوانات بخلوها تطلع ترعى بالمراعي للترفيه عن نفسها ليش مستكتره على نفسك زوجك يطلعك تغيري جو؟؟ ترفي عن نفسك؟؟
الي زوجها بضربها ..بتعرفي بكره بناتك ازواجهم راح يضربوهم لانهم كانوا يشوفوا ابوهم بضرب امهم ((التاريخ راح يضل يعيد نفسه))
الى زوجها بخونها وبتسكت بتعرفي زوجك بكره راح يخون مرة ومرتين وتلاتة ممكن يسير يستغل غيابك عشان يتمادى ...وين كرامتك؟؟ مش انتي حفظتي بيتك ونفسك منشانه ليش ما يحفظك ..وما بتغيظني غير الي بتحكيلها اعملي نيو لوك واعملي ليلة حمرا يعني هاي مكافئة؟؟؟ ولا شو بالزبط؟؟ ولا لازم كل ليلة تكون حمرا لسي سيد
يعني الواحد لازم يوازن الامور انا بقوم بكل واجباتي على اكمل وجه بس مش على حساب صحتي وسعادتي مش على حساب نفسيتي وطموحي
زي ما انا بقوم بواجباتي كمان هو لازم يعطيني حقوقي
زي ما انا بسعده بحياته من حقي يسعدني بحياتي
زي ما انا محافظة على بيته وعلى سمعته وعلى ماله وعلى نفسي من حقوقي يحافظ على الثقة وما يخوني او يغازل بنات بظهري
زي ما انا بحترم اهله لازم هو كمان يحترم اهلي ويقدرهم
زي ما انا بعطي لالالالالالالالالازم اخد
هون بعالم حواء كتييييييييير نساء بنسوا نفسهم وبسيروا زي الخدم تحت رجلين زوجهم وبالمقابل هو بخونهم وبهينهم وحابسهم وكل كلام الغزل لبنات الحرام ((هون لازم التصرف يتغير ولازم تكون وقفة عشان ترجع الحقوق ((
انا طول عمري ما بحب المراة الضعيفة الي بس بتتنازل لانو بكره راح يجي يوم راح تلاقي حالها اعده زي الخدامة ما الها لا صوت ولا احترام ولا قيمة ولا شغل ولا فلوس ابسط حقوقها ما عندها لانها تنازلت عنها من البداية حتى كلمة ما الها تحكيها لاولادها والزوج العزيز يزيد على قهرها بعروس جديده كل الدلال والحقوق الها وتسير هي ملكة البيت والزوجة الضعيفة بس خدامة تقوم بالواجب وبس
الحياة الزوجية اخد وعطى ..زي الحبل شد وارخي ...
بتمنى اكون افدتكم ..دعواتكم الي بالذرية الصالحة خواتي
dianah840 @dianah840
محررة فضية
يلزم عليك تسجيل الدخول أولًا لكتابة تعليق.
يعطيكي ألف عافية كلام من لؤ لؤ و ألماس
وبالفعل أكثر الحريم الله يهديهم يقدسون الرجل يا ألاهي شلي صار بهالدنيا وشلي صار
أهم شي سعادتي ورااحتي وألتفت لنفسي أقوم بواجباته أوكيه لكن أصير كالجاريه عنده نوووويه
زي ما انا بقوم بواجباتي كمان هو لازم يعطيني حقوقي
زي ماانا بسعده بحياته من حقي يسعدني بحياتي
أكررشكري لك وارجو من الله العظيم أن يرزقكي الذرية الصالحة ويسعد قلبك عاجلاً غير آجلاً
وبالفعل أكثر الحريم الله يهديهم يقدسون الرجل يا ألاهي شلي صار بهالدنيا وشلي صار
أهم شي سعادتي ورااحتي وألتفت لنفسي أقوم بواجباته أوكيه لكن أصير كالجاريه عنده نوووويه
زي ما انا بقوم بواجباتي كمان هو لازم يعطيني حقوقي
زي ماانا بسعده بحياته من حقي يسعدني بحياتي
أكررشكري لك وارجو من الله العظيم أن يرزقكي الذرية الصالحة ويسعد قلبك عاجلاً غير آجلاً
كلام مضبوووط
وفي نقطة دايما على بالي .. اللي تقول بضحي عشان عيالي وأخاف اتطلق وانحرم منهم
الحضانة للأم طول ماهي غير متزوجة وإذا تزوجت تكون لأم الزوجة وبعدين بالتدريج لباقي أهل الزوجة
استغرب بأي شرع لازم الزوجة تعيش بجحيم بس عشان تقدر تشوف عيالها جدام عيونها !
وفي نقطة دايما على بالي .. اللي تقول بضحي عشان عيالي وأخاف اتطلق وانحرم منهم
الحضانة للأم طول ماهي غير متزوجة وإذا تزوجت تكون لأم الزوجة وبعدين بالتدريج لباقي أهل الزوجة
استغرب بأي شرع لازم الزوجة تعيش بجحيم بس عشان تقدر تشوف عيالها جدام عيونها !
الصفحة الأخيرة
الله يرزقك بذريه الصالحه آآآآآآآميـــــــن..