نصيحة اذا تبين الطول و الكثافة و الصحة للشعر المجعد الطبيعي افهمي شعرك

السلام عليكم و رحمة الله تعالى و بركاته


هلا فيكم حبيباتي اريد اتكلم عن شي مهم جدا المواضيع اللي تتكلم عن العناية بالشعر بالهبببببببببل كثيرة حيل
طرق كثيرة للعناية بالشعر و للتطويل و الكثافة و الشعر يبرق من اللمعان و الصحة و الاطراف كانها شعر جديد
اذا انت شعرك من النوع الكيرلي او حتى المجعد للغاية احب اقولك هذا الموضوع موجه لك
معظم النصائح اللي تنقال هي بالنسبة للشعور الناعمة او شبه ناعمة او ستريت
معظم البنات ما ينتبهو انو هذي الشغلات ما تنفع مع الشعر المجعد و البنوتة بالاخر تجلس تندب في حظها و تزعل اكيد شعرك راح يخرب طالما انك تتبعي نصائح هي مو لك

اول شي غلط انك ما تفهمي نوعية شعرك و تتعاملي معاه على انه شعر من نوع اخر
لازم تفهمي انه له احتياجاته و طرق عناية خاصة فيه الاعلام ما يركز عليه ع كثر ما يركز على الشعر اللي اصلا ستريت
و راح اقولكم الاشياء اللي لاحظتها و هي غلط في غلط

1- اول شي ابعدي السشوار و الستيمر من شعرك و الله حرام تضيعي تموجات شعرك او الكيرلز اللي فشعرك عشان يصير ستريت
شعرك جميل بنوعيته المميزة اذا عرفتي تعتني فيه راح يطلع جدا جدا مرتب و مغري و يموتون عليه اللي شعورهم ستريت اهم شي تعرفي كيف تلعبي بذكاء

2- هالنصيحة لا تمشطي شعرك و هو مبلول او فيه دهن هذه النصيحة ابدااااااااااااااااااااااا ما تمشي مع الشعر الكيرلي او المجعد
الشعر الكيرلي اذا نشف يصير صعب جدا التعامل معاه طبيعته انه يجف بسرعة كبيرة جدا و خيالية اذا تخلينه ينشف راح يتساقط بكثرة اذا تمشطينه و هو جاف
نصيحتي على قد ما ينزل منك شعر في الحمام و هو مبلول احسن من الكمية الخرافية اللي يتقطع فيها الشعر و هو جاف

3- الشعر المجعد ما ينفع معاه الا مشط اسنانه واسعة لا تاخذين مشط شكله كيوت و مادري شو بس اسنانه كنه بتمشطين شعر اطفال و الله راح تكرهين حياتك و طبعا يفضل خشب

4- الشعر الكيرلي يحتاج الى الترطيب بصورة مستمرررررررررررررة معظم كريمات الشعر تجفف الشعر بس ايضا الزيوت انا شخصيا احس اذا تحطينه مدة طويلة يكسر الشعرة فاذا بتحطين زيت حطي بين كثير و شوي عاساس يرطب الشعر بس ما يكون ثقيل

5- الشعر الكيرلي ما ينفع تغسلنه 3 مرات في الاسبوع عادة الشعر المجعد قليل الدهنية و هذه افضلية تخليه منتعش من النظافة لعدة ايام لا تغسليه الا اذا حسيتي بدا يزيت

6- من المميزات الخاصة بالشعر المجعد انه يحتفظ بشكل اي تسريحة بدون استخدام الحرارة يعني مجرد تلفينه كعكات او ضفائر يصير كيرلي على طول بشكل مرتب جدا


بس هذا اللي في بالي الحين بس نصيحة اذا عرفتي تعتني بشعرك تبتعدي عن اللي يضره و تسوين اللي يصلحه بتحصلي على شعر جميل و مرتب و صح انا اتكاسل و ما اسوي كل المكتوب بس هذي اشياء الاحظها من اسويها لشعري احس انه يزين
و سلامتكم ادعولي