نصيحة الكثير يجهلها ادخلي وأقريها لاتفوتك؟

سلام بنات حواء انا اليوم بكتب لكم نصيحتي من قصص صارت قدامي الكثير يجهل ذا الشي بس انا ربي فطني عليه يمكن عساس انقله لغيري وينتبه :icon33: زمان قبل سبع سنوات اتزوجت اختي وتزوجت بنفس الليله سلفتها (يعني زوجة اخو زوجها)طبعا اختي بعد سنه حملت وجابت ولد وبعدها حملت وجابت بنت وسلفتها ماحملت وكانت اختي تحكينااااا عنها بستمرار تقول لو تشوفنها معتزله الناس وبس تبكي وتصلي حتى والله انها تقول اسمعها بالليل تبكي بصوت عالي طبعا هيه ساكنه بالشقه اللي مقابله شقة اختي وقلنالها طيب اكلميها خففي عنها وبعد فترة قالت لنا اختي نصحتها وقولت يابنت الحلال لاتصلحي بنفسك كذا يمنك الولد ربي يشوف انه خير لك مايجيك يمكن يطلع عاق تقول اختي طنشتني وقالت لو ينبلع الولد بلعته وحملت وستأذنت قالت بروح اصلي ودعي ومع الايام حملت طبعا بس بعد ايش بعد الحاح بالدعاء اللمهم لمن جات تولد الأدميه طيبه مافي حملها شي قالولها تولدي عادي زي كل الحريم لا بعد راحت مستشفى سمعته زينه عساس تعرفون فرحانه المهم للأسف ماتت مو القصة انها ماتت ياما حريم ماتو وهمه يتولدون لا كل الدكاترة انبهرو قالو وش ذا فلحظات انفخت زي البلونه وصارت زرقاء وماتت هي واللي ببطنها كانت بنت طبعا ماكان في الادميه شي طبعا احنا حزنا وسكتنا ونسينا الموضوع؟ بعد فترة وحدة من اخواتي وصلت 27 ومنخطبت وكانت تقوم الليل بطوله تبكي وتدعي ربي يزوجها بعد سنه انخطبت الحمدلله بس ايش خطيبها عقدها كل يوم سب في شكلها ماعنها احلى اخواتي ومهاوشه ولا جاب المهر عقدها لدرجة جاتها زي الحاله النفسيه حطمها بشكلها وبقدرها وفي النهاية طلقها؟ فانا ربطت بين القصتين بنااات ربي صدق قال ادعوني استجب لكم بس ماتدرين يمكن ربي يعرف ان الحمل او الزواج او اي شي شر لك ليش لمن ندعيه نلح انه يرزقنا الشي ليش مانقول يارب اذا هو خير لي جيبه واذا هو شر اصرفه عني انا والله يوم اتذكر اختي اللي كانت تبغى تنخطب والحاحها على الزواج واعتزالها لناس بس كانت تبكي وتدعي زي سلفت اختي عرفت ان ربي هو اللي خلقنا ومامنع عنك شي الا وله حكمه فيه اســــــــــــــــــــــفه طولت عليكم بس ابغى كل وحده تتعظ وماتعترض على قدر ربي لأنه هو اللي خلقنا وله حكمته بكل شي حتى البنات اللي ماتوظوفو او ماتزوجو او ماحملو او ماهم حلوات ادعو ربي واطلبوه بدعاءكم للي هو خير لكم؟ والله على ماأقول شهيد اتمنى ماينحذف الموضوع للفائده اللي كثير جاهلاتها