نصيحة الى كل من ترغب بالحمل

السلام عليكم اخواتي وصديقاتي:
اول شي ادعو الله ان يرزق كل وحدة تتمنى الحمل بالحمل التام
حبيت قلكن اني رحت عند الدكتورة مشان تفحصلي الرحم بالايكو مشان الكيسات بس اتفاجئت والحمد لله انو راحو
وبطل في كيسات وانا متاكدة لاني كنت اقرا قران على بطني قبل النوم المعوذات وسورة الكرسي
وقالتلي الدكتورة انو ماعاد في سبب لتاخر الحمل بس اذا بتحبي رح اوصفلك كلوميد مع دواء لتسميك بطانة الرحم نسيت اسمو المهم اخدت الكلوميد من3 يوم الدورة وما صار حمل وزعلت كتيير وخفت ترجعلي الكيسات وطول الوقت ادعي لربي انو احمل
بس بعدين سمعت عن تحليل البرولاكتين (هرمون الحليب) وعملتو وطلع مرتفع 30.87 وقالولي مرتفع لاني بفكر بالحمل كتير بس والله مو بايدي
واخدت حبوب الدوستانكس لمدة شهر وهلا رح حلل مرة تانية و****لله يكون نزل وانا متفائلة انو احمل الشهر الجاي يا رب
وعلى فكرة خالتي قصتها نفس قصتي تماما بس الحمد لله طلعت حامل بعد علاجها من البرولاكتين لمدة شهرين وبنت عمي كمان كان عندها البرولاكتين مرتفع وما كانت تعرف حتى نصحوها تحللو وحملت بعد شهر من العلاج حملت وجابت توم الحمد لله
نصيحتي انو قبل ما تاخدوا اي دواء او علاج حتى لو كانت الدكتورة واصفتو انو اتحللو اول شي البرولاكتين لانو بكون مرتفع وانتي مو عرفانة وانو تحللي هرموناتك وبعدين بلشي بالدواء بس قبل كل شي ادعي وتقربي من الله وصلي قيام ليل و***** الله يستجيب لكم
بتمنى كون فدتكن بنصيحة حتى لو كانت صغيرة بس انا والله كنت اتمنى لو حدا نصحني اياها قبل ما خبص بحالي بالكلوميد وغيرو