السلام عليكم ورحمة الله وبركاته
بصراحه كان نفسي ابخركم بس يالله اعتبروها وصلت:35:
مابي اطول عليكم بصراحه عندي لكم فكره مره حلوه ويارب تعجبكم
المهم زي ماكتبت بالعنوان لاترمي اي مفرش عندك لانك بتستفيدي منه وانتي ماتدرين هههههههههه
مره شفت عنداختي شرشف اعجبني وسالتها من وين قالت من كارفور الامارات وب19 درهم قلت ليش ماجبتي لي
معك:16:قالت بصراحه يالله لحقت على نفسي لان الناس تلاقطتها بسرعه وخامته ملكيه ومثل اللي عند دبنهامز
عاد انا قلت بروح للي عندنا يمكن الاقيه وفعلا حصلته بس السعر فرق ب49 ريال بس اخذته وانا مغمضه لانه غسل
وكرف والخامه زي ماهي ماتتغير واخذت منه 3 من الوناسه ولزوم الاختراع:hahaha:
وبعدين اخذت الشرشفين وخيطتهم دار مادرار على بعض الا من تحت ومع الوسط بالتحديد من الحافه السفليه تركت
مسافة متر تقريبا بدون خياطه يعني مفتوح
طبعا اللي وداها للخياط اخوي الكبير الله يحفظه ويخليه لعياله لاني كنت مستعجله وناويه اخذه معي بالطياره وهذي
صورته
ويعدين دخلت مفرش كبير عندي وصار هو الحشوه واللي خيطته الكفر له
وانتي عاد تفنني بقفل الفتحه اما بأزارير3 حبات كبار او بربطات ستان او اللي تبين وانا بصراحه نسيت اقول لخوي يحط
ازارير لاني مستعجله فرقعتها بمشابك خخخخخخ
وهذي النتيجه النهائيه وكأني اخذته من ايكيا او ستي بلازا
باقي لااحد يرد
وهذي ابعد خخخخخخ ولدي نايم الله يحفظه>>>>>انواع الازعاج
وطبعا بيصير عندك مخاد كثير هههه وانا استغليتها لقعدتنا
وهذي صوره لغرفة ولدي معليش مو واضحه
ومثل ماقلتكم هالفكره مررررررررره مفيده للي يسافرون ومايبون ينقلون عفش كثير بس دخليها الشنطه وحشيها
مفرش الفندق او انك تستغلين مفارشك القديمه وتصير حشوات للشراشف اللي عى ذوقك خصوصا ان الشراشف
دايما عليها عروض ولايستفاد منها كثير لان الاغلبيه يحبون يتلحفون بمفارش او بطانيات وهالطريقه تخليك استغليتي
الشراشف وبدون تكلفه والاهم انها من شغل ايديك ومن بعدها وانا هالطريقه معتمده عندي ولاعاد اشتري مفارش
وحوسه وخصوصا انها اسهل بالغسل بس فكي الكيس او الكفر وغسليه واكويه ولبسيه المفرش اللي عندك وبس
يارب اني اكون وفقت بتوصيل الفكره وسامحوني على التصوير لانه من جوالي
واي استفسار انا بخدمتكم