نصيحة (لاتسمعون كلام الناس الجهال) 🌷

لا تسمعون كلام الناس في كل شيء!
الأفضل نتجاهلهم ونهتم بحياتنا🌷
لا تصدقون كل أحد!!
مثلاً أنا ما أهتميت برأس ولدي وهو صغير وعمره ستة شهور هملت رأسه ماعدلته💔 كانت تقول جدته رأسه مثل رأس عم أبوه كبير وأنا مصدقتها😓 وما كنت أعرف أن بعض آراء الجدات الجاهلات خطأ!
يعني كانت تقول (رأسه كبير خلقة ورأسه مهو مثل رأس عيالي!!)
أنا طفشت من كلامها كله محبط هي كلامها محبط وكانت تقول لي وهو توه عمره اسبوع (رصي خشمه) لأنها من الناس الأوليين اللي يرصون خشم البيبي عشان يصغر ويرصون فمه عشان مايطلع بوز!
تركت ولدي وهو عمره سته شهور وكان ولدي سمين😢 وجدته كانت تحب السمنة
أنا سمنت الولد عشانها كانت تقولي ليش مهو سمين وليتني ماسمعت كلامها💔
سمن وهو عمره سته شهور ومن زيادة الوزن رأس الولد ثقيل وتغير شكله وصار يبي تعديل وأنا بعد ستة شهور تعبت من تحريك رأسه مره يمين مره شمال مره على ظهره عشان مايطلع مستطيل😕 طفشت
قلت لجارتي ولوحده من قرايبي قالت انتِ وشفيك! الولد يتعدل رأسه من كيفه🤔
واصلاً ينمو رأسه لعمر 15😲 تركت وليدي وصدقتهن وليتني أهتميت وماسمعتهن🤕
خليته وجهه أكبر من جهه بسبب وزنه كبير وأنه كان ينام على جهه وأنا تعبت وأنا اقلبه وهو تعود على نومه جهه وتعبت وكنت أدرس واقول للشغاله تغيره بس ماكانت تساعدني همها غسيل المواعين😢
راح الوقت ماحسيت وللحين ندمانه أني صدقتهن واخذت كلامهن وعهد على نفسي ماعاد اسمع كلام الناس وأهتم بعيالي وبس😓
ولدي الثاني أكبر منه مريض توحد😓💔 يوم كان عمره سنه ودته جدته عند معالجه علاجها الكي بس !! اخذته جدته ودته وانا كنت نفاس ماقدر اروح معها والله يوم جاء ولدي جسمه كله من رأسه لرجلينه حروق كبيره وكثيرة في الظهر والبطن والرأس والرجلين من تحت😲😢 كانت عنيفه شوهت جسم وليدي حسبي الله عليها ويوم اكتشفنا عنده توحد ندمت وتحسفت عليه💔وبعد ماوديته مركز وشافوا البلاوي تعهد ورقه أنهم غير مسؤولين عن الحروق لأنها كانت اللي يشوفه يقول تعذيب!! أنا أفكر أسوي تجميل له أذا كبر لأني ندمت على عيالي بسبب تدخل الناس😓😢