نصيحة لاختكم وان كانت مو نصيحة دعوة بهاليوم الفضيل

السلام عليكم ورحمة الله وبركاته

بنات والله مافي احد اشكي له من بعد الله غيركم

المهم ادخل بالتفصيل :

انا كنت واثقة بزوجي ثقة عميا واكثر

بدت المشكلة لمن اكتشفت انه يخوني وصارت مشكلة بيني وبينه وبعدين تصافينا لكن ما كان من قلبي للحين

وصرت اشك فيه شك مو طبيعي واسأله وينك وليش تأخرت يعني تغييرت كليا وما انكر عليكم اني كرهته والانفصال احسن حل بالنسبة لي لاني اكره ما اشووف على وجه الارض الخيانه والكذب والحيين طوول وقتي تفكير وهو مسافر يدرس اذا مااتصل اقوول اكيد انه مع وحدة الحين (مع العلم انه يدق يوم ويقطع يومين وهكذا )لكن الشيطان مو تاركني اعوذبالله منه كل ماله ويوسوس لي مع اني عقب سالفته ما شفت عليه شي لكن جرحني مرة وما راح اسامحه
تبن الصراحة كيفة يسوي اللي يبي ربي راح يحاسبه لكن مو وانا على ذمته

ودزيت له مسج اني مو مرتاحة من هالسفرة واتصل فيني وصار نقاش حاد بيني وبينه وسكرت الخط بوجهه وعقبها ب10 دقايق دزيت مسج كتبت فية ادري غلطت لمن سكرت الخط بوجهك اسفة (بس ترا تأسفت على التسكيرة مو النقاش اللي تكلمنا فيه) والحيين صار له 5 ايام لا دق ولا ارسل وعادي عندي الوضع واليووم استغفرت ربي وقلت يمكن اكوون ظالمته والشيطان وسوس لي وزيين لي الوضع مع العلم ان لمن قلت له مو مرتاحة كنت ابي اشووف وش يقول يمكن يطلع اللي عنده والا ماعندي سالفة

ابيكم تساعدوني تكفوون احس اني ضايعة خاصة مرات اقول لنفسي عادي اتطلق حياتي عند اهلي لاهم ولا غم واحسن لي لكن لمن افكر اقوول وش مصيير عيالي

ومرات اقول لايستاهل وما يستحقني ووالله لخليه يندم وهم افكر بعيالي

وودي امشي حياتي عشانهم وعشان ما افرقهم عن ابوهم ولا عن اهلهم بس كل مالي يوسوس لي هالشيطان اعوذ بالله منه

ومترددة ادق عليه وننهي الموضووع ونتصافا

لكن مشكلتي ادري هالشيطان ما راح يتركني

وما ودي اخرب بيتي لاتقولون سافري معاه عشان ترتاحين قلت له وحاولت فيه لكن رافض لانه يقول ان المصرف راح يزيد عليه مع العلم انه يدرس على حسابه يعني بنص راتبه

ابيكم تقولون شسوي ادق عليه والا لا انتظره لمن يدق

وودي اغير حياتي خلاص وربي تعبت:44: من الشك لا تقولون لي غيرة لا لاني ما غار عليه اول تبن الحين اغار


ياريت اللي يدخلن ينصحوني شسوي وكيف اغير حياتي ابي وحدة تأثر فيني بكلامها

واللي ماعندها نصيحة ياريت اتمنى منها تدعي لي بهاليووم الفضيل ان الله يسخر لي زوجي ويجعله قرة عين لي وتجعلني قرة عين له ويبعد بنات الحرام عنه ويبعده عن الحرام ومايشووف غيري ابد وترد علاقتي فيه مثل اول واحسن


ويالله عسى اللي ترد علي او تدعي لي ربي يبعد عنها كل مكروه ويفرج همها ويسخر لها زوجها ويصلح لها ذريتها وان كانت ماتزوجت جعل ربي يرزقها بالزوج الصالح اللي يعزها ويحبها حب عمرها ما حلمت فيه