خواتي انا مثلكم ابي اصير بيضه لا وابي بشرتي مثل الشقراوات تلق ... واغلب اللي ينكتب بالمنتدي اما استخدمته او اتبعت الخلطات .
تدرون انكم - خصوصا الخليجيات - تروجون من دون قصد حق كريمات تضر اكثر من انها تنفع ودون قصد . نكون ضحية التاجر والوكيل والشركة المنتجة والسبب حلم البياض وتوفر الماده - يعني الخرده - وما فينا بنت وانا وحده منهم نرضي باللي الله سبحانه اعطانا اياه من بشره لا نبي شي بكيفنا .
فتشوفونا حقل تجارب لكريمات الفلبين ولبنان ووغيرها من الدول اللي هالبضاعه عندهم سكة ومحد يسال عنها . وتدرون اذا وقفنا هالكريمات شيصير ؟ بترجع بشرتنا سمرا ويمكن اكثر من الاول لاننا لعبنا فيها وبصبغة الميلامين اللي بالبشره . يعني معقولة كريمات طبيه وما لها اضرار جانبية؟ حتي المنتجات الطبية لها مضار شدعوة الفلبن والا تايلاند عندهم صرامة بانتاج كريمات البشره؟؟؟؟؟!!!
اخواتي انا بعد لما استخدمت الكريمات اللي تنكتب بالانترنت ووقفت عنها رجعت بشرتي سمرا او قاتمه !! وادري السبب من ايدي بس ماني قادره اوقف . وشوفوا البنت ليه تبي تتزوج امها وصديقاتها كل وحده تقول سوي حمام مغربي وتليفي وحكي وسنفري عشان تصيرين بيضا وينهبل عليج زوجك .. يعني المعاريس اثنين والمهابيل الفين هههههههههههه
ما فينا وحده تقول ارضي الله قبل زوجك وارضي بنفسك لانه سبحانه خلقج بهالشكل والبشره . ولا ام تنصح بنتها انها ترضي نفسها قبل الاخرين . كله نبي نرضي الازواج والناس ونخليهم يلفتون علينا . وهذا واقع ومعروف لو نصارح انفسنا . والا شوفوا الاجنبيات فيهم تجاعيد او شعر راسهم خفيف وما سمعت ولا اجنبية تشتكي من شكلها بس تقول ان شخصيتها هي اللي تلفت النظر . واحنا مسلمات بس وين اللي تقول ( والاهم تطبق وبنجاح) هالكلام !!!!!!!!!!
فانا قررت من اليوم اني ما اركض ورا لا التقشير الفلبيني ولا الكريم السوري ولا الصابون المغربي . اعتني بالبشره من ترطيب وحماية اوكي.. بس غير هالاشيا انشالله ابطلها .
واتمني ينضم لي مجموعه من البنات الطيبات والحلوين اللي يقررون الرضا بجمالهن العربي الاصيل ويعتزون فيه ويحافظون عليه من هالكريمات المعفنه عند اهلها واللي سوقها ماشي عندنا !
وسلامتكم وتعيشون
وردتي الندية 21 @ordty_alndy_21
عضوة فعالة
يلزم عليك تسجيل الدخول أولًا لكتابة تعليق.
عزيزتي قلوب منسية : انشالله وعن قريب تبدا بشرتج ترد لا واحسن من اول . ومشكلتج نفسي لكن الصبر زين وانشالله تبشرينا عن قريب .
عزيزاتي : الغـــــــــيداء
:26:
سناءالمغرب
:26:
عسيف من الخيل
:26:
ابتسامة يأس
:26:
تسلمون حبيباتي الله يجمعنا بالجنة انشالله احمعين
عزيزاتي : الغـــــــــيداء
:26:
سناءالمغرب
:26:
عسيف من الخيل
:26:
ابتسامة يأس
:26:
تسلمون حبيباتي الله يجمعنا بالجنة انشالله احمعين
الصفحة الأخيرة
والمشكله انها كلها مواد طبيعيه يعني مو كريمات وخرابيط وبعد ماتركتهم رجعت بشرتي
وياليتها رجعت مثل اول بالعكس احس ان لوني صار اغمق من اول وفعلا تااثرت من هالشئ
وجلست فتره حول السنه مااهتم في بشرتي يعني قلت يالله عادي وش الفايده اهتم وبالاخير
يروح تعبي خساره بس يوم فكرت قلت راح اهتم بس بشكل بسيط ومو مبالغ مثل تنظيف
وماتنظيف والمشكله اني كتبت موضوع عن مشكلتي هذي بس مالقيت رد من بنات حواء
على العموم يعطيك الف عافيه وحبيت اايدك بالمضوع ..