بسم الله الرحمن الرحيم أبدأ
وقبل ما أبدأ إن شألله زوجي ما يتزوج عليا
ولا كل مشاهدات الموضوع
لكن انا جمعت بعض الأفكار وحبيت اطرحها لكم لتجنب لو شي قليل من الوقوع بمشكلة
ولكن الشي المكتوب بيصير واللي ربي كاتبه بنشوفه
طبعا اول ما يجي في بالنا ان وجده زوجها تزوج عليها نقول اكيد له شخصية قوية عليها وما تقدر توقف بطريقة
وهذه الفئة ما راح نتكلم فيها لأن الرجال بقوة شخصيته هنا
بس خلينا نميل شوية للرجال ضعاف الشخصية او العاديين المحبين لزوجاتهم والمتفاهمين
نجي للي زوجها شخصيته اضعف من شخصيتها او تقدر الحرمة تعطي رأيها وترفع صوتها
مثلا كل ما قامت وقعدت قال انت اصلا ما راح تلاقي زيي
او مين يطالع فيك , او ايش فيك الحريم تدور
يعني هنا الغلط انك تححسي الرجال بالف فكرة وفكرة
وتخليه ينتقم من كونك حطمتي شخصيته وأهنتيه , وعلى الرغم انه في البيت لا يهش ولا ينش على قولتهم
الا ما تصحي انه متزوج وهذاك الوقت راح تتحسن معاملتك له وتبدئي تدلعي وتتكلمي بذوق , بس بعد ايش :09:
بعد ما انفطر القلب ؟؟؟؟؟ وفي وحده اعرفها سوت كذا ولما حس انها اتحسنت معاه طلق الثانية ورجع لأم عياله
لكن ما قدرت تستمر على التصنع ورجعت تهاوش وتعلي صوتها وتقول له شفت كيف مصيرك ترجعلي وما تلاقي زيي نفس المنوال القديم , قام طلقها نهائي :angry2: هذا وهوا ضعيف شخصية
كان المفروض تمسك على ما هي عليه
في نفس الوقت لا تمدحيه مره مره وتحسسيه انه شي ما صار او تلصقي فيه اربع وعشرين ساعه
الا اذا كان يستاهل
لأان بعضهم لا شاف كذا على الرغم انه ما عندك احد , ممكن يقول والله إني محبوب وجذاب خليني اجرب حظي كمان مع وحده ثانية اكيد ما انرفض :eek:
والمصيبة والأدهى للحريم الغيورات بقوة والشكاكات
تلاقيها سوت لجواله حلاوة جسم كامل ودلكة ههههههه ما خلت لا رسالة ولا سجل ولا صورة الا فتشت وسجلت الرقم واتصلت تشوف مين المتصلين اللي بدون اسماء
او اخر رقم , طيب اذا عرف والله راح تروحي فيها وتاخذي علقه او يصبر عليكي لحد ما يطفش
واذا فعلا يكلم وحاصرتيه وواجهتيه بدليل خذيها نصيحة مني الرجال ما يقبل انه ينحشر بركن ومعاكي الدليل
حتى لو دليلك مزبوط
الا راح يقلب عليكي ويقولك ايوا اعرف ايش عندك وكمان احبها او حتزوجها واذا مو عاجبك روحي لأهلك
ايش بتسوي يا حلوة؟؟؟ قوليلي راح تنصعقي وماراح تقدري تعملي شي
حاولي اذا عرفتي حاجة تغيري اسلوبك معاه مثلا اذا اتاخر بلاش فين كنت ولب لب لب لب
بالعكس قوليلي حبيبي قلقت عليك بس وابغى اطمن , اذا كان زوجك من النوع الساكت دايما جرجريه بالكلام
عن العمل وعن الناس اللي ترفع الضغط عندهم اكيد عنده حكاوي خليه يفضفض لكي وخليكي مستمعه ممتازة
مو تقولي لحظة اغير للولد او لحظة اغرف او اي شي من التطنيش
احتويه قد ما تقدري وكمان مره سمعت خبيرة تقول ان الواحد اذا لبس لون اصفر يخلي اللي قدامه لا شعوريا يثرثر بالكلام
مو اجي بكره الاقي عالم حواء مطقم اصفر ههههههههههه
كمان نصيحة لا والف لا تعطي لوحده من صحباتك وجه فوق حدودها يعني تتغدى معاك وتتعشى وضحك وكركره
وزوجك يوصلها بيتها لأن في النهاية راح تكوني مغفله
اياكي واياكي بمدح اي وحده عنده ولا حتى حش فيها
اياكي واياكي تاخذي راحتك مع جارة مطلقة او ارملة او بنت وتقوليها زوجي يحبني ومدلعني وجابلي وجابلي
وهاتك تفتحي شنطك ودواليبك لأن راح تكون الجارة او الصحبة انانية وما راح ترفض فكرة انها تشاركك في البنك المتنقل
وان شالله للحديث بقية الله يكفيني ويكفيكم الشر يارب
ok%100 @ok100_1
محررة ذهبية
يلزم عليك تسجيل الدخول أولًا لكتابة تعليق.
أم سدومي و حمودي
•
جزاك الله خير موضوعك حلو
الصفحة الأخيرة