نصيحة لكل الزوجات ... الشاي الاخضر مع الزهورات

وحدة راحت لعند الدكتور ووجها مورّم وبقع نيليّة وزرقة

قالها الدكتور : خير شو في شو صايرمعك ؟

قالتلو : يا دكتور , كل ما بيجي جوزي من هالشغل ببلش ضرب فيني وما بخلي مطرح بجسمي إلا ما بيضربني فيه

قلها : والله شي غريب ... بس والله أنا بعرف جوزك عاقل و راكز وما بيعمل هيك

قالتلو : والله متل ما عم خبرك يا دكتور

قالها : طيب خدي هالدوا , خلطة من الشاي الأخضر وشوية أعشاب طبيعية و زهورات مفيدة كتير ,

بس تعرفي أنو جوزك صار لحا يوصل على البيت , إغلي شوي منو وضلك عم تتمضمضي منو قد ما فيكي وحتى لو وصل جوزك ضللك عم تتمضمضي
ورجعي لعندي بعد شي أسبوعين لنشوف النتيجة.

بعد أسبوعين رجعت ووجها نضيف وما في أي آثار ضرب بالمرة.
قلها الدكتور : شو عملت
قالت : عملت متل ما قلتللي , بس حسو راجع ع البيت إغلي شوي و اتمضمض فيهن شي نص ساعة


قلها :هاي النتيجة , لو بتضلك مسكرة تمك وما بتبربري و وبتنقي لمن بيوصل جوزك من الشغل ما كان صار اللي صار من قبل