انا ليه تجربة مؤلمة ومنها حبيت افيدكم حتى لا يتكرر معاكم هذا الخطا
وردا على مواساتكم لى ودعائكم لى ربنا يكرمكم ويثبت حملكم
انا ولدت ولادة مبكرة فى شهرى السادس والسبب
التهابات المهبل
لاسف مع انى لم اشعر ابدا باى التهابات وفى اول حملى الدكتورة شافت التهابات وكتبتلى على حقن مضاد حيوى
وفى اخر زيارة لها كنت فى نص الخامس كانت بتشوف وضع المشيمة لان المشيمة كانت نازلة وفؤجئت بالتهابات تانى
وكتبتلى على لبوس مهبلى بصراحة كنت بحاطة بالعافية وكان بينزل على طول حسيت انه معملش حاجة
وفى يوم قمت من نومى على ميه كتير نازلة لاسف ميه الجنين لالاسف التهابات عملت ثقب فى الكيس
ولهذا السبب ولدت وبنتى ماتت بعدها لان فى هذا التوقيت لا يمكن ان تعيش خارج الرحم .
يا بنات يا حوامل اكشفوا شوفوا فيه التهابات ولا لا وتعالجوا قبل ما يفوت الاوان
ادعولى بالله عليكوا ان يصبرا قلبى ويعوضنى خير
