السلام عليكم
أخواتي العرائس ...
أولا ألفففففففففففف مبروك .... والله يرزقكم بالذرية الصالحة....
فيه أخت لصديقتي حصل لها موقف يوم زواجها وحبيت أنقله لكم حتى لا يتكرر هالموقف لا سمح الله معكم..
الموقف هو كالآتي:ــــ
أتفقت أخت صديقتي قبل 3 شهور مع كوافيرة تزينها بعرسها وتعمل لهم تسريحات كذلك...
للعروس وأخواتها وأمهم ..
الكوافيرة هذه نسميها (اسم افتراضي سعاد) سعاد هذه لها صديقة كوافيرة نفترض اسمها
(نجوى) كل الأسماء افتراضية...
وجاء يوم الزواج الساعة 2 الظهر الا الكوافيرة نجوى تدق الباب عالعروس
وتقول سعاد أرسلتني أزينكم لأن عندها حالة وفاة وعزاء بالبيت !!!!
طبعا ما رضوا يغامرون وتزينهم وحدة ما جربوها ولا يدرون هي كوافيرة والا شغالة !!!
وراحوا مشي لمشغل قريب من بيتهم وتزينوا فيه (لأن الرجال كانوا مشغولين باستراحة بعيدة ) على أساس
الكوافيرة هي اللي تب تجيهم لبيتهم ...
بعد فترة شفت الكوافيرة سعاد (هي مش بمشغل كانت بمشغل مشهور ..و تشتغل لحسابها الآن )
المهم شفتها الا وتحكي لي القصة تحسب أني ما أعرف العروس وأهلها وقالت لي :ــــ
تصدقين الاسبوع الماضي ليلة كذا.....
على شان سمعتي بالمشغل القديم كثير يطلبوني للعرايس بس للأسف طاااارت على فوق 6 آلاف ريال!!!
لعروستين وأقاربهم..
لأني قبل زواجهم بيومين جاني عرض لعروس ثانية غيرهم وقرايبها..برضه عرسهم بنفس ليلة عرس الأولين
اللي اتفقت معاهم ,,
فأرسلت للعروس الأولى صديقتي (نجوى ) على اساس تغطي بدالي ونتقاسم المبلغ بعدين لأني أنا بعد لمن يجيها عرض لعرسين سوا أروح أغطي عنها وبالذات
لو العرس الثاني أكثر عدد اللي يبغوني أزينهم ...
وتكون العروس مضطرة والوقت ضيق
فتقبل بالبديلة ..ونتقاسم المبلغ..
فزعلوا وطردوا نجوى وأخذوا العربون منها...
والعروس الجديدة اللي تركت زبايني على شانها ورحت لها بعيد باستراحة
وراء استاد الملك فهد بآخر الدنيا ,,
على شان اصير أخذت فلوس عرسين بيوم ..
أول ما دخلت عالعروس الثانية الجديدة رحت من الساعة وحدة ا الظهر حسب الاتفاق أجيهم بدري
قالت سوي بروفة لأني ما جربتك قبل ؟؟؟؟
سويت بروفة فطردتني وما حبوا ماكياجي !!! وقالوا نروح لمشغل سبق مجربينه أحسن....
وخسرت العروستين سوا ...شكل الأولى دعت علي !!!
اللي حابة أنصحكم فيه لا تتفقون الا مع محل معروف وعنوان ثابت
وفاتورة مختومة بالساعة والتاريخ ....
مهما كان مستوى الكوافيرة!!!
والله يوفقكم ويرزق الباقيات بالزوج الصالح...
الوردة الجارحة @alord_algarh_1
كبيرة محررات
يلزم عليك تسجيل الدخول أولًا لكتابة تعليق.
احسن تستاهل ماجاها حوبة الضعيفه الاولى اللي حاجزتها ويقول المثل الطمع فرق ماجمعاحسن تستاهل ماجاها حوبة الضعيفه الاولى اللي حاجزتها ويقول المثل الطمع فرق ماجمع
شفتي كيف ؟؟؟؟
جتها من رب العالمين....
الله يحميكم ويحمينا منهم ...
جتها من رب العالمين....
الله يحميكم ويحمينا منهم ...
الصفحة الأخيرة
حسبي الله على كل من تلاعب باعصاب الناس
يعطيج العافيه