انا عملت تحليل مضادات الاجسام وتي اس اتش و تي 4 والنتائج طلعت كالتالي :
تي اس اتش : 0.48
تي 4 : 1.37
Tpo : 5.36

يعني تي اس اتش وتي فور في الرينج الطبيعي بجرعة ثايروكسين 100 ميكروغرام
وكمان مضادات الاجسام في الرينج اللي هو مابين 0 و 34

يعني فيه مضادات اجسام لكنها في الرينج ازاي ؟
هل فيه رينج لأمراض معينة مثلا هاشيموتو من 0 ل 34 و غيره من 34 ل قيمة ثانية و و و ؟

انا جبت النتائج ومالقيتش موعد للدكتورة النهاردة ان شاء بكرة اروح المستشفى للدكتور اللي اكتشف عندي خمول في الاول خالص عشان يشوف النتائج عشان مش حستنى موعد مع الدكتورة اللي طلبت مني مضادات الاجسام وكمان هي هندية ولا مش عارفة جنسيتها ايه وصعب علي التواصل معها بالانحليزي لان لغتي الثانية فرنسي وهي ما بتعرفش عربي اوي وانا بحب اسأل وافهم كويس بطريقة علمية.

رحت للدكتور اليوم وما اهتم ابدا بتحليل المضادات وركز على تحاليل الاف اس اتش وتي 4 وبيقولي ممتاز ماشاء الله انتي مش محتاجة تعملي تحليل ثاني الا بعد سنة بقوله ازااااااي ؟؟؟ سنة ؟؟؟؟ بيقولي نعم لانه عملتي تحاليل على مدى شهور والجرعة اللي بتاخديها ممتازة معاكي لكن بما ان الناس بتخاف لما بنقولها ماتعملش تحاليل الا بعد سنة بتتخض زيك فتعالي بعد 6 اشهر لو قلقانة واعمليها تاني او لو فيه حمل او بتخططي لحمل تعالي قبل الموعد اللي قلت لك. بقوله طب و تحليل مضادات الاجسام قام قالب الورقة وقالي ما تهتميش بالحجات دي ما بتساويش حاجة
صدمت !!! قلت له ازاااي قالي والله انا ما بطلبش من مرضاي التحليل ده لانه مش حيفرق بحاجة.
قلت له ازاي ده حيقرر ان كنت اعاني من هاشيموتو ولا لاء فقام ضاحك وقالي اقسم لك بالله انه عندك هاشيموتو ومن غير التحليل ده وهو مبتسم !!!
وقال ومالو هاشيموتو ؟؟؟ اسمه بس بيخوف وبنصحك ما تثقيش بكلام المنتديات لان اغلب اللي بيفتي مش فاهم حاجة !!! والمرض ده مالوش علاج اكثر من الهرمون التعويضي اللي بتاخديه وانتي ممتازة ماشاء الله
قلت له لكن هو بيكون مصاحب لاحد امراض المناعة الذاتية قالي كل دي احتمالات والناس بتشوف نسبة المصابين وبتسيب نسبة اللي معاهم هاشيموتو وماعندهمش امراض ثانية للمناعة الذاتية فماتقلقيش وماتشغليش بالك بالحاجات دي.

قلت له طب ومش حعمل سونار او نسح ذري فقام ثاني بيضحك ويقولي والله انتي ماعندك حاجة تستدعي ده وانتي مكبرة الموضوع ومديالو اكثر من حجمه .
قلت له بس بتحصل اورام اخيانا فقام فاحصلي الغدة بإيديه وقالي ماعندكيش حاجة وياريت تبطلي القلق اللي انتي فيه ده لان الموضوع ابسط مما تتخيلي وكل فرح فيه 1000 امرأة ف 50 وحدة عندها هاشيموتو وبترقص وبتضحك ومفرفشة عادي مش انتي لوحدك .


يعني بيبسط وبيهون من الحاجة وتهوينه ده بيخليني اشك اكثر وابحث اكثر
انا كنت غيرته ورحت لدكتور اخر وتابعت معاه كم شهر وبعده دكتورة ثانية ورجعت لدكتوري الاول النهارده عشان الدكتورة الثانية مالقيتش عندها موعد فقام ضارب لي التحليل في الصفر وقال ماكانش لو لازمة اصلا التحليل وبعدين يعني لو فيه هاشيموتو ؟ مش نهاية العالم !!

على العموم انا حبحث في الموضوع اكثر عشان افهم حاجات اكثر وحتوجه للمواقع الاجنبية ان شاء الله.

اسأل الله العظيم ان يشفينا وجميع مرضى المسلمين والحمد لله على كل حال. اللهم لا اعتراض
30 سنة مرت من عمري من غير امراض ولله الحمد سوى زكام و مغص ولوز وحاجات خفيفة زي كده.
لكن بعدما من الله علي بالزوج الصالح و الذرية بدأ الله عز وجل يأخذ بعض نعمه مقابل اخرى اعطاني اياها الا وهي نعمة الصحة ظهر عمدي خمول في الغدة اولا وبعده ظهر ضيق في الحالب وركبت دعامات واللهم لك الحمد متعتني سنواات طويلة بالصحة والعافية لكنك تبتليني الان فاللهم اجعلها مغفرة للذنوب ورفعة في الدرجات واللهم لا اعتراض واللهم اجرني في مصيبتي واخلفني خيرا منها.
اللهم لك الحمد وانا راضية تمام الرضا بقضائك وقدرك يا ارحم الراحمين.

نصيحه استشيري اكتر من دكتور قبل ما تبدأي في الدوا
انا كانت نسبته 5 فاصله تسعه واستخدمت الدوا سنتين ونص وتعبت ولما استشرت دكتور تاني قال نسبه الكسل بسيطه جدا واللي زيك تستخدم الدوا تلاته شهور وتوقف وممكن ما تستخدمه وتنظم اكلها وبس
وبرضو استشرت غيره واكد لي اني سليمه والحمد لله
انا اظن نسبته عندك طبيعيه والحمدلله لا تجيبي لنفسك الوهم

شكرًا عالافاده