نصيحة لكل من فقدت ضناها أو اصابه مرض ..

صباح الخير ..
شفت موضوع توتي الله يعوضها يارب ويجبر خاطرها في ولدها ، ولقيت كذا رد عليها من امهات تعرضوا لنفس موقفها او موقف مشابه له ..


نصيحة لا تحاولين تصيرين قويه نهاااااااائي انتبهي ،، ترا هذا الدمار بعينه وعلمه ..
تحاولين تصير عند نفسك وقدام الناس انك قويه وماتأثرتي ترا غلط وألف غلط ..


انا جتني بنت تجنن مثل القمر بدون مبالغه كنت اعشق ملامحها لدرجة وانا بالنفاس هي نايمه وانا أتأمل فيها ما انام .. طبعا كانت طبيعيه وولادتي فيها طبيعيه وكل امورنا اوك ..
بعمر ٨ شهور ٩ شهور لاحظت عليها انها بدت تضعف شوي شوي ليييين خلاص بنتي صارت شبه جثه مايتحرك فيها شي ..


وقتها انا بيني وبين نفسي اتماااااسك حيل ، وقدام اهلي والناس ألبس واضحك واسولف والكل طايره عيونه فيني مستغربين يقولون ماتوقعناك قوية لهالدرجة ..


لكن بعدها بفترة سنة او سنتين ، مثل الجبل اللي انهااااااااار .... صار عندي اضطرابات نفسيه ونوبات هلع وخفقاااااان فضيع وصرت ضعيفه جدا جدا ، نفسيتي جدا تعبانه ، يعني مهما اوصف لكم ماراح اوصل لكم قد ايش صرت ضعيفه .. انهيار بمعنى الكلمة من جميع النواحي ..


صرت اتردد على عيادات القلب ، والطب النفسي ، بشكل فضيع ..


ومازلت اعاني من هالموضوع ،، والله يجبر قلبي في بنتي دعواتكم لي ..


وطبعا هذا كله لاني استهلكت كل طاقتي وقوتي يوم كنت اسوي نفسي اني قويه واتماسك بالقوه ..


غلط يابنات عبري وعيشي حزنك ولا تسوين قويه انتبهي ..