نصيحة لكن أخواتي و عن تجربة شخصية

السلام عليكم ورحمة الله وبركاته
الرسالة دى لكل اخواتى البنات الى تاخر بهم سن الزواج و الله العظيم يابنات انا كنت فى نفس موقفكم دة سنى كبر و اخواتى الولاد كانوا بيفكروا يخطبوا وانا كان شكلى وحش جداً قدام الناس والجيران والعيلة وحسيت ان انا فى اختبار صعب ....بكيت كتييييير..... بس عرفت ان البكاء والقنوط مش هيجيبوا اى نتيجة بالعكس انا حسيت انى بدمر نفسى بايدى وانا مش حاسة عيونى دبلت وفقدت كتير اوى من وزنى
المهم كنت بسمع برامج دينية كتير بتتكلم عن تاخر سن الزواج ....... خلاصة الكلام....... انا طلعت بفايدة كبيرة جداً ركزت جداً على.... قراءة سورة البقرة يوميا لما لها من فائدة عظيمة سواء فك سحر او الحسد اواهم فائدة وهية لها عامل كبير فى اجابة الدعاء
....قيام الليل وكنت باخر صلاة الوتر فى الثلث الأخير من الليل وادعو وانا ساجدة بتضرع وخشوع وامل ورجاء فى ان ربنا لن يردني خائبة بس احب الفت نظركم لحاجة مهمة جــــــــــداً وهي اليقين بأن الله عز وجل كريم مجيب و لن يخيب ظنك أبداً يعنى بعد ماتخلصى الدعاء يكون بداخلك يقين أن الله تعالى سيستجيب الدعاء لأنه أكرم الأكرمين و الله العظيم
....اخر حاجة عايزة اقولها و هى تقوى الله .....والاستغفار مش اقل من 1000فى اليوم .... اعمل كل الحاجات دى مش لنية طلب العريس بس خلى بالك اعمليها لنية ارضاء الله عز وجل وياااااااريت تستمرى عليها حتى لما يجيلك العريس ودى اهم حاجة احنا مش هنقرب لربنا بس علشان حاجة دنيوية احنا هنقرب لربنا فى السراء والضراء وفى كل وقت لاننا بجد بحاجة له سبحانه استمرى استمرى استمرى فى الطاعات و إرضاء الله وقراءة القرآن حتى بعد نزول الفرج
نصيحة اخيرة عليك بالدعاء قول(( اللهم اكفنى بحلالك عن حرامك واغننى بفضلك عمن سواك))
رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ
و هذا الدعاء ورد في سورة القصص آية ( 24)
قال تعالى:
(( فَسَقَىٰ لَهُمَا ثُمَّ تَوَلَّىٰ إِلَى الظِّلِّ فَقَالَ رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ ))

واخيرا أسأل الله الكريم رب العرش العظيم أن يرزق كل بنت بالزوج الصالح اللى يرضيها إنه ولى ذلك والقادر عليه
جزاكم الله كل الخير لقراءتكم للموضوع واتمنى بكلامى البسيط دة اكون قدرت اوصلكم حاجة
السلام عليكم ورحمة الله وبركاته