{نصيحة } للبنات اللي ما اجتازوا قياس =

السلام عليكن


نصيحة بنات حضروا لاختبار قياس القادم من الان ،،
اتبعوا هاذي الخطوات ،، وو وقبلها توكيل الله عز وجل


1- أنسوا الإحباط و التشاؤم و تضيع الوقت بالتحسر على الاختبار السابق
2- ضعي نصب عينك الاختبار القادم فقط
3- جيبي نوته محاضرات كبيرة و قسميها وأقلام ملونه و أجمعي المصادر و خصصي كل يوم ساعة ساعتين كتابة في تخصصك عشان شهر 10 تكوني متكية بس تراجعي
4-بخصوص التربوي أيضاً أجمعي له
اكتبي في هذة النوته ( نقاط ، اختصارات ، مع ذكر مصدرها عشان ترجعين له لو ما فهمتيها
5- كتب الثانوي رائعه و يمكن الحصول عليها من تطبيق مناهج في الايباد للي ماتقدر تتحصل على كتب
6- ولا وحدة تقول بدري عشان قبل الاختبار ما يصيبك تشتت و ضياع وقت في البحث عن المعلومات فمن الان ابحثي و خلي قبيل الاختبار مجرد مراجعة مريحة و لاتضغط على المخ المضغوط اصلا من البيت و مشاغل الحياة
7- خلي أمك او أبوك يدعون لك و ادعي لنفسك ،، دائم وثقي بالله و ليس بجد و لأ باجتهادك و إنما توفيق من الله
8- البعد عن التوتر و الخوف قبيل الاختبار و بعده و تناول وجبة خفيفه و كوب قهوة و أخذ نفس و التوكل التام على الله واستيداع ورقتك الله عز وجل

الي عندها نقطة تساعد على الاجتياز تحطها ،، الي بتدعي على قياس و أفكارها سلبية لا تكتب شيء الله ينور عليها والي تقول ذاكرت بنقولها شوفي انتي وين أخفقتي ، و مواطن الضعف عندك وين !! يمكن انتي جهزتي صح للاختبار لكن ضيعك التوتر و الخوف في القاعة
لازم ضبط النفس في الاختبار و أخذ الراحة التامة لان الوقت متوفر و لا تتوتري


وفقنا الله و إياكم