نصيحة من اخصائية التغذية مالتي

مشكورة حبوبة على النصيحة القيمة
و لازم بطبقها في سبيل الوصول للرشاقة

عندي سؤال إذا ماعليج أمر
بالنسبة للكاكو منخفض السعرات الحرارية
عادي آكل كل يوم واحد ؟؟ وله يأثر في تخفيف الوزن
و مشكورة مقدماااا:26:

ياعمري سامحيني توني اشوف ردك

اذا انتي متبعة ريجيم سعرات احسبي كم سعرة وخلية من ضمن سعراتك اليومية

وانا احس احسن ريجيم هو لانك ما تحرمي روحك من شي اما باقي الانظمة عذاب في عذاب وبالاخير يرجع وزنك لان اغلب الى نزليته يكون ماء

كلامج صحيح.. بس انا عندي وجهة نظر ثانيه

نظام السعرات الحراريه احسه احسن طريقه لتخفيف الوزن وتثبيته والمحافظه عليه... ولكن...

مو كل الاكل نعرف سعراته او نقدر نحددها.. يبغي لنا ثقافه وخبره فيها..
انا مثلا من 7 شهور تقريبا وانا اقرا بالسعرات الحراريه وفعلا تكونت عندي معلومات حلوة.. لكن بعض الامور تخفى علينا.. وما ينكتب على كل الاكل شو هي السعرات الحراريه مالته..
وخاصه اكل البيت!!! لأن مستحيل ناكل معلبات او الاكل اللي بس محسوبه سعراته صح؟

فبتالي اللي تمل من السعرات وتحتار وما تدري شو هي السعرات اللي كلتها.. بتترك هالنظام شائت ام أبت.... لأن نحن مجتمع خليجي .. وتعرفون شو يعني غدا او عشى... واللي ما يبغي ياكل... مليون سؤال وجواب...

وبعدين عندي بعد نقطه ثانيه الغاليه لو تسمحين لي

انا مع سالفه حرق الدهون بالوجبات.. لكن الهدف الاساسي هو تصغير المعده بالاكل مع الوقت.. يعني نحاول نخفف الاكل لين معدتنا تصغر وتصغر.. وبجذي بنحافظ على الوزن بعدين... لكن اذا انا اكل بين كل وجبه سناك خفيف مثل عصير او خضراوات او فاكهه او حتى شوكلت قليل السعرات... ما سويت شي!!! برجع بعدين اكل بهالفتره لأني بحس بالجوع.. والجسم راح يتعود عليها...

المهم مب الضعف او التنحيف وبس... المهم الفتره اللي بعد التنحيف والوزن المناسب... لأن وايد بنات وشباب من اهلنا وربعنا نزلو 20 كيلو واكثر.. لكن شهرين بالكثير ورجع الوزن الاولاني!!!! ليش؟ لأن الشهيه مازالت كما هي... والمعده مازالت كما هي... ماخفوا

المفروض نقلل الشهيه .. وهذي تيي بعد ما تصغر المعده شوي


وكلام اخصائيو التغذيه على العين والراس... وصحيح 100% ولكن... الكلام اللي كتبته هو من واقع تجربه حبيباتي... فحبيت اطرح خبرتي المتواضعه.. لكن هي من الواقع وما بتخيب ان شالله...


وان شالله كلكم توصولون للرشاقه اللي تبونها...

وادعوااااااا لي ان الله يحقق لي اللي في بالي...