نصيحة من تجربتي عشان تختصري وقت الجلي..

مرحبا يا حلوات..

انا استفدت جدا من هالقسم فحبيت اني افيدكم بعد من افكاري..

عندي فكرة جدا بسيطة ويمكن البعض يطبقها، عشان ما تتراكم عندكم المواعين بعد ما تسوون الغدا او العشا .. وينتهي بكم الامر جذي : :angry:

وجت هالفكرة لاني بعد ما اسوي الغدا كنت على طول طيران للمطبخ اروح أجلي المواعين,. بس زوجي :arb: مسكين يقول لي: وين بتروحين؟ تعالي قعدي وياي شوي.. لاحقة عليهم.. هههههه وهو الصاج طول الوقت بالمطبخ..

ما لكم بالطويلة .. عاد انا صرت اوتوماتيك بتخلص من الجلي واستغل كل دقيقة عن طريق قاعدة: اجلي وانتي تطبخي :icon28:

شلووون؟

مثلا لما كنت اقلي البطاطا او احمص البصل الشرايح >>> ما يحتاجون تقليب مستمر ، اجلي الادوات الي استخدمتها للتقطيع.. يعني اي شي مثل لوح التقطيع او المواعين الي احط فيها الخضار بعد التقطيع.. والسكين .. الخ

عاد اكون سريييييييعة جدا.. عشان ارجع واقلّب الخضار تبع الحمصة ..

ومثل الشي اذا بتسوون صالونة او صلصة او شي يحتاج تحطونه شوي على نار هادئة.. واي شي تخلصون منه شوفوا فرصة وغسلوه..

طبعا مثل ما قلت سابقا هو اهم شي السرعة.. عشان ما تحرقوا الاكل ههههه..:42:

انا عن جد استفدت جدا من هالطريقة بدل الوقت المهدور وانا انتظر الخضار تتحمص او تنضج او الشوربة تستوي..

اذا سويتوا جذي بيبقى علي اشياء اقل ويمكن النصف.. يعني يمكن بس طنجرة وحدة وصحون الغدا.. تقدرين تنقعين الطنجرة بموية وتخلينها .. مب لازم تستعجلين عليها مباشرة بعد الغدا..

ادعو لي القى شغل مناسب ويخلي لي زوجي وولدي..