غالياتي مافي أحد مرتاح بالدنيا ..
ثقي ان غيرك كثير يعانون ...
اللي مع زوجها ،، واللي مع اهلها
اللي مع واحد من عيالها ... واللي مع ظروفها المادية ..
اللي مريضة او غالي لها مريض ..
ومع هذي الظروف الصعبة ؛؛
كثير نحتار بمشكلة تواجهنا ؟؟
بأمور بنقدم عليها ؟؟
واكبر دليل الحقووووووووووووني ....؟؟
ياويليييييييييييييييييييييي....؟؟....ههههه
وغيرها من مواضيعنا في هذا القسم
قبل تنزلين مشكلتك بالمنتدى اللي محتاره بحلها ...
قبل تطلبين الحل من بشر زيك ..
استخيري الله ...
والله لن يخيبك اذا استشرتيه ..
احيانا اذا جيت اطلب شي معين من زوجي
طبعا احتمال يوافق واحتمال يرفض ..اروح استخير قبل اطلبه ،،،
اقول لكم ليش ؟؟
عشان لو رفض اكون رآضيه ولا أزعل ،، لان الخيره هي رفضه ،،
بس لو مااستخرت الصراحه ازعل او اتضايق لرفضه ...
بس طبعا ما أقول لزوجي اني استخير ؛؛
عشان مايآخذ رآحته ويبدأ كل شي اطلبه (يرفض)
ويقول هذي الخيره .
وتأملوا معي هذا الحديث ،،
عن جابر بن عبد الله رضي الله عنه قال :
( كان رسول الله صلى الله عليه وسلم يعلمنا الاستخاره
في الأمور كلها كما يعلمنا السورة من القرآن )
اذن بعد اليوم نخلي الاستخاره شي اساسي بحياتنا ؛؛
لازم نعود انفسنا قبل نقرر اي شي نستخير ..
علمي اطفالك من صغرهم على الاستخاره ..
حتى لو بيغيب عن المدرسه ومتردد ،، على طول قولي رح استخر الله ..
قبل توافقون او ترفضون رحلات المدارس ،، او رحلة حلقات تحفيظ القرآن ..
الاستخاره اولا ،،، عوديه وخليه يحفظ الدعاء من صغره زي مايحفظ الفاتحه ..
صدقيني اذا تعود طفلك عليها خلاص ماتشيلين هم ..
لانه بيكبر وهو دائم يستخير الله بأموره ..
احيانا تحتارين اذا تعب طفلك،، تودينه الدكتور والا تنتظرين لبكره يمكن يتحسن ..
بعد اليوم لا تحتارين ولا تقلقين بس استخيري..
وبعدها ربي يا يسهل روحتك للمستشفى او يصرفك ..
احيانا تسوين لك مصيبة ويزعل زوجك ويعصب
وتحتارين انت تعتذرين والا تسكتين والا ... والا .....
هنا روحي ركض استخيري قبل تدخلين المعركه ،،
نصيحه استخيري قبل تستشيري ،،
والله ان ربي يسهل امورك وكلامك ويهدأ الوضع ...
بتقدمين على وظيفه ،، انت او زوجك ...
بتكملين دراستك بعد الزواج ومحتاره ..
بتتخصصين بالجامعه ...
استخير ي قبل اي اجراءات ..
قال لك زوجك ايش رآيك نسافر ..
كأني اشوفك تناقزين من الفرح ،،
لا ياقمر مشاعرك هذي أخريها بس 5 دقايق
استخيري بعدين انهبلي خخخخخ .
قبل تبدأين بمشوار العلاج لاتنسي
الاستخاااااااااااااااااااااره
اسأل الله ان يرزق كل محرومه عاجلا غير آجل
باختصار عودي نفسك وابناءك وزوجك
على الاستخاره بكل اموركم ؛؛
والاستخاره لاتمنع من استشارة من نثق في
حكمته ورجاحة عقله ؛؛
اسمعي القصه العجيبه ،،
متأكده اللي بيسمعها ،،
مستحيل يقدم على اي امر قبل الاستخاره ،،
كلها اربع دقائق ،، يرويها الدكتور عبد المحسن الاحمد ..
WIDTH=400 HEIGHT=350
وهذا الرابط بيفيدكم باذن الله من موقع الشيخ ابن باز رحمه الله
وهو كيفية صلاة الاستخاره والدعاء ..
http://www.binbaz.org.sa/mat/15407
اسمحي لي يالغاليه كل الابداع اقتبست ردك للفائده الله يجزاك الف خير
كلامك درر
وفعلا ماخاب من استخار
وجزاك الله خير
تقبلي ودي