السلام عليكم ورحمة الله وبركاته
بنات نصيحه اللي ماسجلت في مركز الأمير سلمان لاتتوهق مثلي وتسجل لان صراحة تعاملهم زفت ويعاملون العضوه كأنها طالبة من يوم دخلت وانا انصدم في المواقف اللي تصير للعضوات وانا منهم
اليوم وانا داخله الكلاس قالت لي المدربة (سالي ) شوفوا ترى انا بقفل الباب ولاوحده تطلع الا الساعه 6 فاهمين (حشى سجن مو نادي ) المهم بقول الموقف وانتم احكموا صراحه بناتنا ماعندهم نخوه والله
يوم صار تمارين البطن مالقت لي مكان قلت بطلع قالت انا قلت مااطلع احد قلت مالي مكان وش اجلس اسوي قالت ماني مسئولة عنك ماتطلعين وبس قلت انا اكلمك باحترام افتحي الباب قالت تعالي عطيني كفين احسن المهم جلست اضرب الباب الين جو اللي برى وافتحوا اتشادينا في الكلام
اما الموقف الثاني دخلنا على مدربة اسمها (أليسون) وتجيب كيسه وترمي فيها جوالات العضوات والشنط حقتهم تتفتش وياويل اللي ماتعطيها جهازها اذكر مره دفت وحده وطلعتها برى وغلطت عليها وطبعا لاحياة لمن تنادي والله مااحد ينفع لا علاقات عامه ولاشي إذذ جت العضوه متأخرة ماتدخل الكلاس (صارت مدرسة ) أذكر يوم كنت باألآفاق وطبعا اللي خلق فرق ناس راقين وتعامل راقي ومتى ماجيتي تدخلين وانا قاعده افحط في مركز الأمير سلمان شهر كامل مادخلت الا مرتين والله حتى المدرسة مايعاملون الطالبات مثلهم مدرباتهم مررررررره سيئات
نصيحة ماتسجلون فيه بتشوفون انواع البهذله وربي ماكتبته الا من الموقف اللي صارت معي ومع عضوات كثيييييييير
يلزم عليك تسجيل الدخول أولًا لكتابة تعليق.
وليده
•
مابقى الا هم ها الاجانب يتكلمون علينا في ديرتنا وكذا اجل لو انا في ديرتهم وش بيسووون والله ودك من يروح لهم ويحتريهم اللين يطلعون من المركز ويكفخهم با الشرع عشان يتادبون مابقى الا تهيننا هاذا اللي ناقص بعد <<<<<< حشى صايره صبي >>>>والله انقهرت من تعاملهم معك الشرهه موب عليهم على اللي مشغلهم
الصفحة الأخيرة
انا من شفت تكشخهم ولبسهم
قلت انا ابروح انحف ولا البس
بعدين صراحة كل من هب ودب فيه اروح ويقضى يومي اسلم على فلانه ولا انحاش عن فلانه
ياشيخه مافيه احسن من المشي في الحدايق والمجمعات التجاريه
اسكتي اليوم مشيت في غرناطه الين حسين اني بدوخ يوم جيت اطلع طفى الكهرب حسين اني من الروعه راح نص وزني
الله المستعان بس