نصيحتكم زواجي قرب

السلام عليكم حبيباتي
انا مملكه وزواجي قرييييب بس في مشكله مع خطيبي أحس بمشاعر غريبه تجاهه 
ما احس بالحب له فقط احس بأني تعودت عليه والتواصل بيننا رسايل واحيانا مكالمات
بس لما أقول له كلام حلو مايشده كثير
يحب اهتم فيه واسال عنه
بس لما اقول له شيء مثلاً أحضنك أو مثلاً  زعلان واقول له هذي بوسه لراسك كأسلوب اعتذار
أحسه مايعلق على هالأشياء اللي فيها حضن أو حتى بوسه
أول الملكه ماكان متقبلني ولا أنا كنت متقبلته بس تحسن وضعنا
لي 8 شهور مملكه تخيلوا مادار بيننا اي شيء رومنسي أبداً ابداً ابداً
كأن اللي بيننا معزة أخوان
يجيني شعور انه ماكان يبغاني 
لأنه خطب وحده قبلي كان بيموووت من تعلقه فيها بس صارت مشاكل ورفضوا اهلها وهي رفضت

ادري كلامي كثير بس تايهه يا اخواتي تايهه مدري ايش اسوي
أنا أقرب له واتلطف له واضغط ع نفسي بهالشيء لكن هو يبعد 
احسه يتجنب اي شيء يحسسه اننا بنتزوج
وما احس انه يحبني
فقط معزه

ساعات أشتاق له وللسوالف معه
اكتب له مسج طويل كله مشاعر صااادقه بس يقرأ الرساله ولا يرد وأشوفه جالس على تويتر ينزل تغريدات
انا عاطفيه وحسااااسه واحس جرحتني حركته لما قرأها وما رد وهو جالس ع تويتر

قفلت جوالي ونمت وصحيت حصلت له موجود بس ما أرسل شيء ولا علق على رسالتي

احس متلخبطه ماعدت اعرف هو وش حقيقة تصرفاته هذي
ليه اذا قربت له بعد
واذا بعدت عنه قال ماتهتمين فيني
ولما اجيب سيرة الاحضان يغير الموضوع ولايهتم لهالشيء
تكفوووون يالغاليات ايش الحل 
احس بقلق على حياتي معه مادام كذا شكله بالملكه اللي مفروض كلها حب ودلع !!!!

كيف اتعامل معه 
كيف اعرف انه يحبني
لا تضحكون علي او تهاوشوني تفشلوني

انا قلقي على مستقبل زواجي هو اللي خلاني أطلب مشورتكم
الله يجزاكم جنه عرضها كعرض السماء والارض