نصيحتكم ومشورتكم ياالخبيرات بالشغالات

السلام عليكم ورحمة الله وبركاته

الله يجعلكم دائما بخير وصحه وعافيه
انا عندي شغاله اندونيسيه لها سبع اشهر ومطلعه روحي دائما انا اوجهها واقولها وش تسوي
تعبت ونشف ريقي وانا اعلم فيها .. ماهي جديده اشتغلت 4 سنوات قبل بالسعوديه
وانا طلبتها قد اشتغلت علشان مااتعب بتعليمها ومع ذلك علمتها نظامي واسلوبي بالشغل
وكل شيء وبعدها مطلعه روحي

اول في فترة الثلاث شهور سوت لي مشكله وقمت صارخت عليها وقالت وديني مكتب
وفهمها زوجي ياتشتغلين زي الناس يااني بسفرك بلدك وكنت وقتها بوديها مكتب استبدلها بس انا ادرس وقلت ارضى بقردك لا يجيك اقرد منه
كانت بطيئه جداً وغبيه ماتفهم وبعد التهديد اكتشفت انها تستعبط مو طبيعتها كذاوقامت ماشاء الله نفضت البيت نفض
مااخذت ساعتين وشجعتها وقلت شوفي انتي كذا كويس ليه مو من اول انتي شغل كويس ومن هالكلام
وقعدت يجي اسبوعين على هالحال لحد ماخلصت الثلاث اشهر ورجعت لموالها القديم شوي شوي
الحين رافعه ضغطي على الاخر وقلت لها ياتشتغلين زي الناس ياروحي بلدك
قالت اذا ماتبيني وديني مكتب قلت لها المكتب مايفيد عديتي الثلاث اشهر بشوف لك نقل كفاله
وقلت لو بتسافرين بلدك انتي وقعتي عقد انك تدفعين لي تعويض 3 اشهر والتذكره على حسابك وهذا البند 11 في الاتفاقيه
وماعجبها الكلام وقامت تعيد وتزيد بالكلام وقلت مو انا السبب انتي السبب ماتبين تشتغلين زي الخلق
يابنات كلنا ياللي بهالوضع مانبي الخساره ماحطيت عليها 10 الالاف علشان ارجعها بعد كم شهر
ففكرت بنقل الكفاله لو اني بنقل كفالتها هل لي الحق في اني اخذ منها تعويض عن كل اللي سوته
وفكرت اني باخذ منها راتب شهرين
بتقولون وش سوت .. بقولكم وش سوت
1-انا مخليه جوال للبيت وقلت هذا اذا بتكلمين اهلك اشحني وكلمي بس على بلدك وماتمسكينه إلا وقت المكالمات
وتفاجئت انها تراسل ارقام سعوديه وتمسح الرسائل والمكالمات ها وانا وصيتها قبل
2- خربت علي بعض الغسيل وثياب زوجي وبيجامات عيالي وانا قبل علمتها طريقه غسيلي
3- وصيتها من اول ساعتين دخلت بيتي انها ماتنقل كل اللي يصير بالبيت وتفاجئة انها ماخلت احد من زوجات اخواني ماقالت لها وش صاير ببيتنا والحمد لله زوجات اخواني مثل خواتي هما اللي جو وحذروني منها وانها تنقل كلام عني وعن بيتي
4- هذا فوق اني لازم اقولها امسحي ابواب .. نزلي ستاير وغسليها نظفي رفوف الحمام الله يكرمكم ومن هالاشياء اللي
لازم اقولها عليها وكله كوم وانها تخلي الزباله الله يكرمكم مكومه وتعب منها وبس

شوروني لو اني سويت كذا انا على حق .. والله اني مقهوره منها يابنات وبنفس الوقت ماابي اظلمها
ابيها تروح وانا مرتاحه الضمير

دلوني يابنات الله لا يحطكم في اللي انا فيه